Lēsoni 6
“Naʻá Na Liʻaki Leva Hona Kupengá”
-
Ko e hā nai hono ʻuhinga ne mahuʻinga ai ke ui ʻe Sīsū ha kau ʻAposetoló? (Vakai, Mātiu 9:36–38; 16:19; Maʻake 3:14–15; Sione 20:19–21, 23; ʻEfesō 4:11–15.) Ko e hā hono ʻuhinga ʻoku mahuʻinga ai ke ui ʻe he ʻEikí ha kau ʻAposetolo he ʻaho ní?
-
Ko e hā kuo tau ʻilo kau ki he mālohi mo e ngaahi fatongia ʻo e kau ʻAposetoló mei he akonaki ʻa Sīsū ʻi he Mātiu 10? Kuo fakakakato fēfē ʻe he kau ʻAposetolo ʻo e ngaahi ʻaho kimui ní ʻa e ngaahi fatongia ko ʻení?
-
Kuo tāpuekina fēfē koe ʻi haʻo muimui ki ha akonaki ʻa ha ʻAposetolo?
Fokotuʻu ki hono Aleaʻi ʻe he Fāmilí
Fakaʻaliʻali ʻa e siate ʻo e Kau Taki Māʻolungá mei he makasini konifelenisi fakamuimui taha ʻa e Siasí ʻi homou feituʻú. Tokoniʻi ʻa e kau mēmipa ʻo e fāmilí ke nau ʻiloʻi mo ako ʻa e ngaahi hingoa ʻo e kau mēmipa ʻo e Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá. Vahevahe ʻa e ngaahi ongo ʻokú ke maʻu fekauʻaki mo e tāpuaki ʻoku maʻu mei he tataki ʻa e kau palōfitá mo e kau ʻaposetoló.