Lēsoni 7
“[Naʻá ne] Toʻo Kiate Ia ʻEtau Ngaahi Vaivaí ʻo ne Fua ʻEtau Ngaahi Mamahí”
-
Ko e maná ko ha faʻahinga meʻa ne hoko ʻoku ngalikehe pe fakaofo ko ha fakatupu ʻe ha mafai fakalangi pe fakalaumālie. Ko e hā hono ʻuhinga ne fai ai ʻe Sīsū ʻa e ngaahi meʻá ni mo ha ngaahi mana kehe lolotonga ʻene ngāue fakamatelié? (Vakai, Mātiu 9:27–30, Maʻake 1:27, 2:10–11, 5:19 ke maʻu ha tali ki he fehuʻí ni.)
-
ʻOkú ke fakakaukau ko e hā hono ʻuhinga kuo pau ke muʻomuʻa ai ʻa e tuí ʻi he maná? Ko e hā ʻoku ʻikai ke lava ʻataʻatā ai ʻe he maná ʻo ʻoange ha fakavaʻe mālohi ki he tuí?
-
Ko e hā hono ʻuhinga ʻoku mahuʻinga ai kiate koe ʻa e ngaahi mana ne fakahoko ʻe Sīsū ʻi heʻene moʻui fakamatelié? Ko e hā ha ngaahi mana ʻi he kuongá ni?
Fokotuʻu ki hono Aleaʻi ʻe he Fāmilí
Fakaafeʻi e kau mēmipa ʻo e fāmilí ke nau fakamatalaʻi ha ngaahi mana kuo hoko ki heʻenau moʻuí pe ko ha moʻui ʻa ha kakai ʻoku nau ʻiloʻi.