Lautohi Faka-Sāpaté: Tokāteline ʻo e Ongoongoleleí
Lēsoni 14: ‘Ko Hai Hoku Kaungā-ʻapí?’

Lēsoni 14

“Ko Hai Hoku Kaungā-ʻapí?”

Mātiu 18; Luke 10

  • Ko e hā e akonaki ʻa Sīsū kiate kinautolu ʻoku holi ke lahi ʻi hono puleʻangá? (Vakai Mātiu 18:2–4; Maʻake 9:35). Te tau hoko fēfē ʻo tatau mo e fānaú pea fakavaivai ange ki he finangalo ʻo ʻetau Tamai Hēvaní?

  • ʻI he talanoa fakatātā ko ia ʻo e tamaioʻeiki taʻe ʻaloʻofá, naʻe fakamamafaʻi ai ʻe Sīsū ʻa e mahuʻinga ko ia ʻo e fefakamolemoleʻakí (Mātiu 18:23–35). ʻOku tau tatau fēfē mo e tamaioʻeiki ʻa e tuʻí ʻi heʻetau moʻua ki he ʻEikí? Ko e hā kuo tau ako mei he sīpinga ʻa e tuʻí ʻi hono fakamolemoleʻi ʻo e niʻihi kehé? Ko e hā ha niʻihi ʻo e ngaahi fakatuʻutāmaki ʻo e ʻikai ke tau fakamolemoleʻi ʻa e niʻihi kehé? (Vakai Mātiu 18:34–35).

  • Ko e hā kuo tau ako mei he talanoa fakatātā ʻo e tangata Samēlia leleí? (Vakai, Luke 10:25–37). Kuo tāpuekina fēfē koe ʻe ha kau Samēlia lelei”? Te tau hoko fēfē ko ha kau “Samēlia lelei”? (Vakai Mōsaia 4:26).

Fokotuʻu ki hono Aleaʻi ʻe he Fāmilí

Lau ʻa e talanoa fakatātā ʻo e tangata Samēlia Leleí (Luke 10:25–37) Tokanga makehe ki he fakaafe ko ia ʻa e Fakamoʻuí ke ke “ʻalu koe, pea ke fai pehē pē” (Luke 10:37). Hiki ha lisi ʻo homou ngaahi kaunga-meʻá, kāingá, pea mo homou ngaahi mahení, ʻaki haʻo kole ki he mēmipa takitaha ʻo e fāmilí ke nau tānaki atu ha hingoa ʻe taha ki he lisí. Fai leva ha palani ke mou tokoni ki ha toko taha pe toko ua ʻi he lisí, ʻi he uike ka hoko maí.

Koeʻuhí ko ha konga ʻeni ʻo e fealēleaʻaki ʻa e fāmilí, te mou lava ʻo hivaʻi fakataha heni ʻa e “Kuó u Fai Ha Lelei?” (Ngaahi Himi 129).

Folofola Fekauʻaki mo Iá: “ʻOfa Ki ho Kaungā-ʻapí”