រៀន

ការចាប់ផ្ដើម និង ការពង្រីកអាជីវកម្មរបស់ខ្ញុំ

មាតិកា
បុព្វកថា
តារាងមាតិកា
១ ៖តើខ្ញុំចាប់ផ្ដើម ឬធ្វើឲ្យអាជីវកម្មរបស់ខ្ញុំកាន់តែប្រសើរឡើងយ៉ាងដូចម្ដេច ?
២ ៖ តើមនុស្សចង់ទិញអ្វីខ្លះ ?
៣ ៖ តើខ្ញុំទិញផលិតផលរបស់ខ្ញុំ ហើយកំណត់ថ្លៃលក់ផលិតផលយ៉ាងដូចម្ដេច ?
៤ ៖ តើខ្ញុំដឹងថាអាជីវកម្មរបស់ខ្ញុំកំពុងទទួលបានប្រាក់ចំណេញយ៉ាងដូចម្ដេច ?
៥ ៖ តើខ្ញុំញែកប្រាក់អាជីវកម្មចេញពីប្រាក់គ្រួសាររបស់ខ្ញុំយ៉ាងដូចម្ដេច ?
៦ ៖ តើអាជីវកម្មខ្ញុំកំពុងតែរីកចម្រើនយ៉ាងដូចម្ដេច ?
៧ ៖ តើខ្ញុំនឹងពង្រីកអាជីវកម្មរបស់ខ្ញុំយ៉ាងដូចម្ដេច ?
៨ ៖ តើខ្ញុំគួរតែមានប្រាក់ប៉ុន្មានដើម្បីវិនិយោគពង្រីកអាជីវកម្មរបស់ខ្ញុំ ?
៩ ៖ តើខ្ញុំដឹងថា ខ្ញុំគួរប្រើប្រាក់កម្ចីដើម្បីពង្រីកអាជីវកម្មរបស់ខ្ញុំយ៉ាងដូចម្ដេច ?
១០ ៖ តើខ្ញុំនឹងទាក់ទាញអតិថិជនឲ្យបានកាន់តែច្រើន ហើយបញ្ចប់ការលក់ដូចម្ដេច ?
១១ ៖ តើខ្ញុំនឹងបង្កើនប្រាក់ចំណេញរបស់ខ្ញុំយ៉ាងដូចម្ដេច ?
១២ ៖ តើខ្ញុំបន្ដកែលម្អអាជីវកម្មរបស់ខ្ញុំយ៉ាងដូចម្ដេច ?
តើខ្ញុំមានភាពរីកចម្រើនដែរទេ ?
វិញ្ញាបនបត្របញ្ចប់ការសិក្សា
ផែនទីអាជីវកម្មជោគជ័យ

រៀន

រូបភាព

រូបអំពូលភ្លើងពណ៌ស្វាយ

ហេតុអ្វីអតិថិជនចង់ទិញទំនិញពីខ្ញុំ ?

ម៉ោង ៖សូមដាក់ម៉ោងកំណត់ ៦០ នាទីសម្រាប់វគ្គការរៀននេះ ។

អាន ៖ដើម្បីពង្រីកអាជីវកម្មរបស់យើង យើងចាំបាច់ត្រូវទាក់ទាញអតិថិជនកាន់តែច្រើន ហើយលក់កាន់តែច្រើន ! មនុស្សចំណាយប្រាក់របស់ពួកគេសម្រាប់អ្វីដែលពួកគេឲ្យតម្លៃ ។ កាលណាគេឲ្យតម្លៃលើអ្វីមួយ នោះគេកាន់តែចង់ទិញវា ។

ដើម្បីលក់បានជោគជ័យ យើងចាំបាច់ត្រូវដឹងនូវអ្វីដែលអតិថិជនឲ្យតម្លៃ ទាក់ទាញអតិថិជនទាំងនោះ ហើយលក់របស់ដែលពួកគេឲ្យតម្លៃនោះដល់ពួកគេ ! ហើយយើងត្រូវផ្ដល់របស់ដែលពួកគេឲ្យតម្លៃនោះ ឲ្យច្រើនជាងគូប្រកួតប្រជែងរបស់យើង ។

មើល ៖« លក់ លក់ លក់ » ( ផ្នែកទី ១ និង២ ) ( ពុំមានវីដេអូឬ ? សូមអាន ទំព័រ ១៦០ ) ។

ពិភាក្សា ៖តើក្វាមី បានរៀនអំពីអ្វីដែលអតិថិជនឲ្យតម្លៃយ៉ាងដូចម្ដេច ?

អាន ៖សំណួរប្រចាំសប្ដាហ៍—តើខ្ញុំទាក់ទាញអតិថិជន ហើយបញ្ចប់ការលក់របៀបណា ?

សកម្មភាពប្រចាំសប្ដាហ៍—ខ្ញុំនឹងសាកល្បងគំនិតការធ្វើទីផ្សាររបស់ខ្ញុំ ហើយតាមដានលទ្ធផល ។ ខ្ញុំនឹងរៀនពីអតិថិជន ហើយសាកល្បងដោះស្រាយបញ្ហារបស់អតិថិជន ។

អនុវត្ត ៖ពិភាក្សាដូចខាងក្រោមជាមួយនឹងសមាជិកក្រុម ។

ពិពណ៌នាអំពីអតិថិជនរបស់អ្នកទៅគ្នាទៅវិញទៅមក ។ ត្រូវតែជាក់លាក់ ។ តើពួកគេអាយុប៉ុន្មាន ? ភេទអ្វី ? ចំណូលប៉ុន្មាន ? តើពួកគេទិញផលិតផលរបស់អ្នកនៅពេលណា ? កន្លែងណា ?
ហេតុអ្វីពួកគេនឹងទិញផលិតផលរបស់អ្នក ? តើអ្វីដែលពួកគេឲ្យតម្លៃ ? សូមសរសេរអ្វីៗជាច្រើនតាមដែលអ្នកអាចធ្វើបាន ដូចជា ៖
- ទឹកខ្ញុំត្រជាក់ ។
- ទឹកខ្ញុំបរិសុទ្ធ ។
- ខ្ញុំធ្វើឲ្យកាន់តែងាយស្រួលដើម្បីទិញទឹកខ្ញុំ ។
- ខ្ញុំចេះរាក់ទាក់ ហើយហៅឈ្មោះអតិថិជន ។
តើគុណតម្លៃអ្វីដែលអ្នកនឹងផ្ដល់ឲ្យ ដែលគូប្រកួតប្រជែងអ្នកមិនផ្តល់ ? តើអ្នកមានតម្លៃ ទីតាំង ឬជម្រើសល្អជាងគេឬទេ ? នេះគឺហៅថាគុណសម្បត្តិប្រកួតប្រជែងរបស់អ្នក ។ នេះគឺជាអ្វីដែលធ្វើឲ្យអតិថិជនរបស់អ្នកជ្រើសរើសអាជីវកម្មរបស់អ្នកជាងគូប្រកួតប្រជែងអ្នក ។

ម្ចាស់អាជីវកម្មជោគជ័យដឹងនូវមូលហេតុដែលអតិថិជនទិញផលិតផងពួកគេ ។

អាន ៖ម្ចាស់អាជីវកម្មជោគជ័យ យល់ពីអតិថិជនពួកគេ ដោយសួរសំណួរល្អៗ ដើម្បីរៀនច្រើនអំពីបញ្ហារបស់ពួកគេ និងរបៀបដែលពួកគេអាចជួយ ។

អនុវត្ត ៖សូមជួបដៃគូ ។ សូមអានរឿងនេះជាមួយគ្នា ៖

ប្រើតារាងខាងក្រោមដើម្បីសរសេរគំនិតអ្នកអំពីរបៀបដែលម៉ាទីន អាចសួរសំណួរល្អៗដល់ ហ្វីលិក ( ឧទាហរណ៍បានផ្ដល់ឲ្យ ) ។

ការសួរសំណួរល្អៗ
១. តើខ្ញុំចង់ដឹងអ្វីខ្លះអំពីអតិថិជន ?	២. តើខ្ញុំអាចសួរអ្វីខ្លះដើម្បីស្វែងយល់ ?
តើបញ្ហាអ្វីដែលគាត់មកទីនេះដើម្បីដោះស្រាយ ?	វាទំនងដូចជាអ្នកនៅក្នុងកណ្ដាលគម្រោងមួយ ហើយមានបញ្ហា ។ តើខ្ញុំអាចជួយបានយ៉ាងដូចម្ដេច ?

សូមចែកចាយជាមួយនឹងក្រុមទាំងមូលនូវសំណួរនានាដែលអ្នកគិតថា ម៉ាទីន គួរសួរដល់ ហ្វីលិក ។

អនុវត្ត ៖ឥឡូវ គិតអំពីអតិថិជនផ្ទាល់ខ្លួនរបស់អ្នកវិញ ។ នៅក្នុងជួរឈរទីមួយ សូមសរសេរអ្វីដែលអ្នកចាំបាច់ត្រូវដឹងអំពីអតិថិជនរបស់អ្នក ( ឧទាហរណ៍ដែលបានផ្ដល់ឲ្យ ) ។ នៅជួរឈរទីពីរ សរសេរសំណួរដែលអ្នកអាចសួរដើម្បីស្វែងយល់ ។

ការសួរសំណួរល្អៗ
១. តើខ្ញុំចង់ដឹងអ្វីខ្លះអំពីអតិថិជន ?	២. តើខ្ញុំអាចសួរអ្វីខ្លះដើម្បីស្វែងយល់ ?
តើអតិថិជនរបស់ខ្ញុំត្រៀមខ្លួនជាស្រេចដើម្បីទិញនៅពេលណា ?	តើនេះសម្រាប់ឱកាសពិសេសឬ ? នៅពេលណា ?

ជាមួយនឹងសមាជិកក្រុមផ្សេងទៀត សូមចែកចាយនូវរឿងមួយចំនួនដែលអ្នកចាំបាច់ត្រូវដឹង អំពីអតិថិជនរបស់អ្នក ។ ចែកចាយសំណួរដែលអ្នកនឹងសុំឲ្យស្វែងយល់ ។

ពិភាក្សា ៖ក្នុងនាមជាក្រុមមួយ សូមពិភាក្សាអំពីវិធីនានាដើម្បីរៀនច្រើនអំពីអតិថិជនរបស់អ្នក និង អ្វីដែលអ្នកអាចធ្វើក្នុងសប្ដាហ៍នេះដើម្បីចាប់ផ្ដើមរៀនសូត្រ ។

តើខ្ញុំនឹងទាក់ទាញអតិថិជនឲ្យកាន់តែច្រើនយ៉ាងដូចម្ដេច ?

ពិភាក្សា ៖សូមគិតអំពីគ្រាដែលអ្នកបានទិញអ្វីមួយនៅអាជីវកម្មដែលអ្នកពុំធ្លាប់ទៅពីមុន ។ តើអ្វីខ្លះបានទាក់ទាញអ្នកចំពោះអាជីវកម្មនោះ ? តើអាជីវកម្មទាំងនោះបានទាក់ទាញអតិថិជនក្នុងតំបន់អ្នកយ៉ាងដូចម្ដេច ?

អនុវត្ត ៖នៅលើបន្ទាត់ទំនេរ នៅក្នុងតារាងខាងក្រោម សូមសរសេរអំពីផលិតផល ឬសេវាកម្មដែលអ្នកបានទិញ ។ បន្ទាប់មកសរសេរនូវអ្វីដែលទាក់ទាញអ្នកចំពោះអាជីវកម្មទាំងនោះ ( សូមមើលឧទាហរណ៍ ) ។

តើអ្វីខ្លះបានទាក់ទាញខ្ញុំ ? ហេតុអ្វីខ្ញុំទិញ ?
ផលិតផល ឬសេវាកម្មដែលខ្ញុំបានទិញ	ការលក់ផ្ទាល់ខ្លួន	អ្នកប្រាប់	ផ្សាយពាណិជ្ជកម្ម	ការបញ្ចុះតម្លៃ	ផ្សេងៗ
ស្ករគ្រាប់	ម្ចាស់អាជីវកម្មបានប្រាប់ខ្ញុំអំពីវា	អ្នកជិតខាងខ្ញុំបាននិយាយថា ខ្ញុំគួរសាកល្បងវា		ចុះតម្លៃ ២០%	ប៉ាន់គំរូដោយឥតគិតថ្លៃ
ថ្លៃសំលៀកបំពាក់	អ្នកលក់បានប្រាប់ខ្ញុំអំពីការបញ្ចុះតម្លៃ		ខ្ញុំបានឃើញបដានៅលើជញ្ជាំង	ទិញ ១ ទទួលបាន ១សម្រាប់តម្លៃពាក់កណ្តាល
បន្លែ		មិត្តភក្ដិបានប្រាប់ខ្ញុំឲ្យសាកល្បងវា	ខ្ញុំបានឃើញវានៅក្នុងកាសែត		ប៉ាន់គំរូដោយឥតគិតថ្លៃ

ពិភាក្សា ៖ចែកចាយជាមួយសមាជិកក្រុមផ្សេងទៀត នូវអ្វីដែលអ្នកបានសរសេរ ។ វិធីសាស្ត្រមួយណា អាចដំណើរការល្អសម្រាប់អាជីវកម្មអ្នក ?

អាន ៖អាជីវកម្មដែលយើងទើបតែនិយាយអំពីវានោះ ពុំទាក់ទាញអតិថិជនដោយចៃដន្យនោះទេ ។ ពួកគេកើតមានជាមួយនឹងគំនិតជាច្រើនអំពីរបៀបដើម្បីធ្វើទីផ្សារផលិតផល ឬសេវាកម្មរបស់ពួកគេ ។

ពិភាក្សា ៖តើពួកគេបានគំនិតទាំងនោះមកពីណា ?

មើល ៖« ការធ្វើទីផ្សារឬ ? » ( ពុំមានវីដេអូឬ ? សូមអាន ទំព័រ ១៦១ ) ។

អាន ៖ការធ្វើទីផ្សាររួមមាន ៖

គំនិតអំពីរបៀបស្វែងរក និងជះឥទ្ធិពលលើអតិថិជន ។
តើយើងសង្ឃឹមថាអតិថិជននឹងធ្វើអ្វីខ្លះ ។

គំនិតការធ្វើទីផ្សារ

គំនិត

បើខ្ញុំផ្ដល់ប៉ាន់គំរូ …

លទ្ធផលរំពឹងទុក

មនុស្សនឹងទិញស្គរគ្រាប់កាន់តែច្រើន ។

អនុវត្ត ៖សូមធ្វើការជាមួយអ្នកដែលអង្គុយជិតអ្នក ។

សូមជួយគ្នាទៅវិញទៅមកគិតអំពីគំនិតនានាដើម្បីជួយឲ្យអតិថិជនកាន់តែច្រើនមករកអាជីវកម្មរបស់អ្នក ហើយទិញអ្វីដែលអ្នកដាក់លក់ ។ សូមពិភាក្សាអំពីវិធីសាស្ត្រដ៏មានប្រសិទ្ធភាពបំផុតក្នុងតំបន់អ្នក ។

សូមសរសេរគំនិតថ្មីដូចខាងក្រោមយ៉ាងហោចណាស់បានមួយ ។ បន្ទាប់មកសូមជួយគ្នាទៅវិញទៅមក សូមសរសេរលទ្ធផលដែលអ្នកចង់បាន ( ឧទាហរណ៍បានផ្ដល់ឲ្យ ) ។

គំនិតការធ្វើទីផ្សារ
គំនិត	លទ្ធផលរំពឹងទុក
បើយើងប្រើមេក្រូប្រកាសប្រាប់មនុស្សអំពីកៅអីខ្ញុំបញ្ចុះតម្លៃ ៤០% …	អតិថិជននឹងមកហាងខ្ញុំ ហើយទិញកៅអី ។

តើខ្ញុំនឹងសាកល្បងការដាក់ផែនការទីផ្សាររបស់ខ្ញុំយ៉ាងដូចម្ដេច ?

អាន ៖តើយើងនឹងដឹង ថាគំនិតរបស់យើងដំណើរការយ៉ាងដូចម្ដេច ? យើងត្រូវការវិធីមួយដើម្បីសាកល្បងវា ។ យើងត្រូវការវិធីមួយដើម្បីវាស់វែងលទ្ធផល ។

អនុវត្ត ៖សូមធ្វើការជាមួយអ្នកដែលអង្គុយជិតអ្នក ។ សូមពិភាក្សា ហើយសរសេរគំនិតការធ្វើទីផ្សារមួយចំនួន និង លទ្ធផលដែលអ្នកចង់បានសម្រាប់អាជីវកម្មរបស់អ្នក ។ សូមបញ្ចូលគំនិតនានាដែលហាក់ដូចជាដំណើរការឥឡូវនេះ ។ សម្រាប់គំនិតនីមួយៗ សូមសរសេររបៀបដែលអ្នកនឹងវាស់វែងលទ្ធផល ។ គំនិតរបស់អ្នកនឹងផ្លាស់ប្ដូរ និងកែលម្អយូរៗទៅ នៅពេលអ្នកសាកល្បងវា ហើយវាស់វែងវា ។

ការសាកល្បងគំនិតការធ្វើទីផ្សាររបស់ខ្ញុំ
គំនិត	លទ្ធផលរំពឹងទុក	ការវាស់វែង
បើយើងប្រើមេក្រូប្រកាសប្រាប់មនុស្សអំពីកៅអីខ្ញុំបញ្ចុះតម្លៃ ៤០% …	អតិថិជននឹងមកហាងខ្ញុំ ហើយទិញកៅអី ។	នៅពេលអតិថិជនចូលមក ខ្ញុំនឹងសួរថាពួកគេបានឮអំពីការបញ្ចុះថ្លៃ ៤០%តាមរបៀបណា ។ ខ្ញុំនឹងរក្សាកំណត់ត្រាចម្លើយរបស់អតិថិជន ។

អាន ៖សូមទៅសាកល្បងគំនិតរបស់យើងសប្ដាហ៍នេះ ! យើងពុំត្រូវការសាកល្បងគំនិតទាំងអស់របស់យើងនៅពេលតែមួយទេ ។ ហើយវាអាចទៅរួចថា គំនិតមួយចំនួនពុំមានប្រយោជន៍ទេ—នោះវាមិនអីទេ ។ យើងនឹងបន្ដសាកល្បងគំនិត ហើយវាស់វែងលទ្ធផល ។ នៅទីបំផុត យើងនឹងរកបានវិធីដ៏ល្អបំផុតដើម្បីជួយមនុស្សរកឃើញយើង ហើយទិញអ្វីដែលយើងដាក់លក់ ។

តើខ្ញុំឲ្យអតិថិជនទិញតាមរបៀបណា ?

អាន ៖ហេតុអ្វីអតិថិជនមួយចំនួនទិញ ហើយមួយចំនួនទៀតជ្រើសរើសមិនទិញ ? មានមូលហេតុជាច្រើន ។ ប៉ុន្តែយើងអាចមានឥទ្ធិពលលើការសម្រេចចិត្តនោះ !

មើល ៖« សូមទិញអ្វីមួយ ! » ( ពុំមានវីដេអូឬ ? សូមអាន ទំព័រ ១៦២ ) ។

ពិភាក្សា ៖ហេតុអ្វីម៉ារៀ ពុំអាចបញ្ចុះបញ្ចូលអតិថិជនទិញស៊ុតមួយចំនួនបាន ? តើម៉ារៀកំពុងគិតអំពីខ្លួននាង ឬគិតអំពីអតិថិជន ?

អាន ៖ដើម្បីបញ្ចុះបញ្ចូលអតិថិជនឲ្យទិញ យើងត្រូវតែសួរ ស្ដាប់ ហើយផ្ដល់យោបល់ ។

១. សួរ

តើអតិថិជនពិតជាចង់បានអ្វី ? ហេតុអ្វី ?

២. ស្តាប់

តើខ្ញុំពិតជាស្ដាប់ឬទេ ?

៣. ផ្តល់យោបល់

តើខ្ញុំមានជម្រើសដែលផ្ដល់ផលទាំងខ្ញុំ និង អតិថិជនឬទេ ?

ម្ចាស់អាជីវកម្មជោគជ័យប្រើវដ្ដនេះដើម្បីបញ្ចុះបញ្ចូលអតិថិជនកាន់តែច្រើនឲ្យទិញផលិតផល និងសេវាកកម្មពួកគេ ។

ម្ចាស់អាជីវកម្មជោគជ័យ សួរ ស្ដាប់ និងផ្ដល់យោបល់ ។

មើល ៖« សួរ ស្ដាប់ ផ្ដល់យោបល់ » ( ពុំមានវីដេអូឬ ? សូមអាន ទំព័រ ១៦៣ ) ។

ពិភាក្សា ៖ពីមុន ម៉ារៀ បានសួរសាំយូអែល និង លូសៀ តែសំណួរមួយ ៖ « តើអ្នកចង់ទិញអ្វី ? » តើម៉ារៀគួរធ្វើអ្វីផ្សេង នៅពេលនេះដើម្បីទទួលបានលទ្ធផលល្អជាងមុន ? តើម៉ារៀបង្ហាញសៀលវីយ៉ា ថានាងពិតជាស្ដាប់តាមរបៀបណា ?

ពិភាក្សា ៖សូមគិតអំពីគ្រាដែលមនុស្សម្នាក់បានបញ្ចុះបញ្ចូលអ្នកឲ្យទិញអ្វីមួយ ទោះជាពេលអ្នកមិនមានគម្រោងទិញផងនោះ ។ តើមនុស្សនោះបាននិយាយអ្វី ដែលធ្វើឲ្យអ្នកសម្រេចចិត្តទិញ ?

អាន ៖តារាងខាងក្រោមបង្ហាញអំពីមធ្យោបាយចំនួនប្រាំប្រភេទ ជាមួយឧទាហរណ៍ ដែលយើងអាចប្រើដើម្បីបញ្ចុះបញ្ចូលអតិថិជនយើងឲ្យទិញផលិតផលយើង ។ នេះហៅថា « បញ្ចប់ការលក់ » ។

អនុវត្ត ៖សូមចូលរួមជាមួយមនុស្សពីរនាក់ទៀតនៅក្នុងក្រុម ។ សូមហាត់ប្រើប្រភេទនៃការបញ្ចប់ការលក់នីមួយៗជាមួយគ្នាទៅវិញទៅមក ។ សូមព្យាយាមលក់ផលិតផលរបស់អ្នកទៅពួកគេ ។ សូមប្រើតារាងខាងក្រោមដើម្បីសរសេរការបញ្ចប់ដ៏ល្អបំផុត ដែលអ្នកអាចប្រើដើម្បីលក់ទៅអតិថិជនរបស់អ្នក ។ សូមសរសេរយោបល់យ៉ាងហោចណាស់មួយសម្រាប់ប្រភេទនីមួយៗ ។

បញ្ចប់ការលក់
១. ជម្រើសល្អពីរ	២. « បើសិន »	៣. ព្រឹត្តិការណ៍សំខាន់	៤. គំរូ	៥. ផ្សេងៗ
តើអ្នកចង់បានចេក ឬ ស្វាយ ?	បើខ្ញុំអាចទិញក្នុងតម្លៃនោះ តើអ្នកចង់ឲ្យខ្ញុំបញ្ជាទិញវាឬទេ ?	ខ្ញុំអាចរៀបចំវាឲ្យហើយ មុនពេលខួបកំណើតភរិយារបស់លោក ។	សាកល្បងនេះ ។ ខ្ញុំគិតថាអ្នកនឹងចូលចិត្តរសជាតិនេះជាង ។	បើអ្នកយកស្បែកជើងទាំងពីរគូ នោះខ្ញុំនឹងបញ្ចុះតម្លៃឲ្យ ?

ឥឡូវ សូមអ្នកទាំងអស់គ្នាក្រោកឈរឡើង ។ សូមប្ដូរវេនគ្នាក្នុងថ្នាក់ ហើយសាកល្បងមធ្យោបាយផ្សេង ។ សូមធ្វើដូចនេះរយៈពេលពីរនាទី ។

ម្ចាស់អាជីវកម្មជោគជ័យចេះបញ្ចប់ការលក់ ។

ពិភាក្សា ៖ជាមួយក្រុមទាំងមូល សូមពិភាក្សាពីអ្វីដែលអ្នកគិតថា នឹងជាមធ្យោបាយល្អបំផុត សម្រាប់ឲ្យអតិថិជនអ្នកទិញពីអាជីវកម្មរបស់អ្នក ។ ហេតុអ្វីក៏មធ្យោបាយនេះល្អបំផុតសម្រាប់អតិថិជនអ្នក ?

តើខ្ញុំនឹងធ្វើវាមានភាពងាយស្រួលដើម្បីបន្ដទិញឬទេ ?

អាន ៖ម្ចាស់អាជីវកម្មជោគជ័យធ្វើឲ្យមានភាពងាយស្រួល ហើយរីករាយដើម្បីអតិថិជនទិញពីពួកគេ ។

ម្ចាស់អាជីវកម្មជោគជ័យ ធ្វើឲ្យមានភាពងាយស្រួលដើម្បីទិញ ។

អនុវត្ត ៖សូមជួបដៃគូ ហើយរំឭកឧទាហរណ៍ដូចខាងក្រោមជាមួយគ្នា ។

សូមអានបទពិសោធន៍របស់ប៉ូឡាផល្លា នៅក្នុងហាងទី ១ រួចនៅហាងទី ២ ។ បន្ទាប់មក អានចម្លើយរបស់នាងទៅមិត្តនាង ។ សូមពិភាក្សាជាមួយដៃគូហេតុអ្វីអ្នកគិតថា ប៉ូឡា បានចេញអនុសាសន៍ឲ្យហាងទី ១ ។

បទពិសោធន៍ការទិញឥវ៉ាន់របស់ ប៉ូឡា
	ហាងទី ១	ហាងទី ២
បទពិសោធន៍របស់ផល្លា	ប៉ូឡា បានទៅហាងនេះច្រើនជាង ១៥ ដងហើយ ។ គាត់ពេញចិត្តនឹងតម្លៃ ជម្រើស និងម្ចាស់ហាង ។	ប៉ូឡា បានទៅហាងនេះតែម្ដងគត់ ។ នាងគិតថាវាពិបាកដើម្បីរកអ្វីដែលនាងចង់បាន ។ គ្មាននរណាជួយនាង ពេលនាងមានសំណួរឡើយ ។
ចម្លើយរបស់ប៉ូឡាទៅមិត្តនាង	« តោះទៅហាងទី ១ ។ ខ្ញុំទៅទីនោះរាល់លើកហ្នឹង ។ វាងាយស្រួលដើម្បីស្វែងរកអ្វីដែលខ្ញុំចង់បាន ។ ខ្ញុំចូលចិត្តកន្លែងនោះ » ។	« ខ្ញុំពុំចូលចិត្តហាងទី ២ ទេ ។ វាពិបាកដើម្បីរកអ្វីដែលខ្ញុំចង់បានណាស់ ។ ហើយមនុស្សនៅទីនោះពុំចេះជួយឡើយ ពេលខ្ញុំមានសំណួរ » ។

អាន ៖អតិថិជនបន្ដត្រឡប់មកវិញនៅពេលម្ចាស់ហាង និង អ្នកធ្វើការ ៖

សូមស្គាល់ឈ្មោះរបស់អតិថិជនពួកគេ
សូមញញឹមដាក់អតិថិជន
សូមស្ដាប់ និងឆ្លើយតបតាមតម្រូវការរបស់អតិថិជន

ពិភាក្សា ៖តើអ្នកចាំបាច់ត្រូវធ្វើអ្វីខ្លះក្នុងអាជីវកម្មរបស់អ្នក ដើម្បីរក្សាឲ្យអតិថិជនត្រឡប់មកវិញបានកាន់តែប្រសើរនោះ ? តើអ្នកនឹងបន្ថែមអ្វីខ្លះ ទៅក្នុងបញ្ជីខាងលើ ?