រៀន
តើខ្ញុំពិពណ៌នាអំពីអាជីវកម្មរបស់ខ្ញុំយ៉ាងដូចម្ដេច ?
-
អាន ៖
ថ្ងៃនេះ យើងនឹងរៀនធ្វើបទបង្ហាញអាជីវកម្មរបស់យើង ។ នៅពេលយើងពិពណ៌នាអាជីវកម្មរបស់យើងដល់អ្នកដទៃ នោះយើងរៀនរឿងជាច្រើនអំពីអាជីវកម្មយើង ដែលអាចជួយយើងកែលម្អ ។ នៅពេលយើងមានយោបល់នានាអំឡុងពេល និងក្រោយពេលធ្វើបទបង្ហាញ សូមសរសរវាទុកក្នុងសៀវភៅកំណត់ចំណាំអាជីវកម្មរបស់យើង ។
-
អាន ៖សំណួរប្រចាំសប្ដាហ៍—តើខ្ញុំពន្យល់អំពីអាជីវកម្មខ្ញុំទៅអ្នកដទៃបានយ៉ាងដូចម្ដេច ?
សកម្មភាពប្រចាំសប្ដាហ៍—ខ្ញុំនឹងស្វែងរកគំនិតជាច្រើនមកពីអ្នកដទៃ អំពីរបៀបដើម្បីពង្រីកអាជីវកម្មរបស់ខ្ញុំ ។
-
ម៉ោង ៖មនុស្សម្នាក់ៗដែលនឹងធ្វើបទបង្ហាញ សូមកំណត់ម៉ោងបីនាទី ។ សូមឲ្យអ្នកធ្វើបទបង្ហាញដឹង ពេលវានៅសល់មួយនាទី ។
ម្ចាស់អាជីវកម្មជោគជ័យ កែលម្អអ្វីមួយជារៀងរាល់ថ្ងៃ ។
-
អាន ៖ឥឡូវយើងនឹងមានបទបង្ហាញទីមួយរបស់យើង ។ នរណាចង់ធ្វើមុន ? សូមចងចាំថា អ្នកមានពេលបីនាទីដើម្បីធ្វើបទបង្ហាញរបស់អ្នក រួចហើយមានពីរនាទីសម្រាប់ការពិភាក្សា ។
-
អាន ៖សូមធ្វើតាមសេចក្តីណែនាំនៅលើទំព័រក្រោយ។
អាជីវកម្មរបស់ខ្ញុំក្នុងបីនាទី—ការណែនាំ
ផ្នែកទី ១
តិចជាងមួយនាទី ពិពណ៌នាពីអាជីវកម្មរបស់អ្នក ។
ផ្នែកទី ២
តិចជាងមួយនាទី ពិពណ៌នាអំពីរបៀបឆ្លើយសំណួរមួយនៃសំណួរខាងក្រោម ដែលបានកែលម្អដល់អាជីវកម្មរបស់អ្នកយ៉ាងខ្លាំង ។
១. តើមនុស្សចង់ទិញអ្វីខ្លះ ?
២. តើខ្ញុំលក់យ៉ាងដូចម្ដេច ?
៣. តើខ្ញុំអាចគ្រប់គ្រងចំណាយរបស់ខ្ញុំយ៉ាងដូចម្ដេច ?
៤. តើខ្ញុំបង្កើនប្រាក់ចំណេញយ៉ាងដូចម្ដេច ?
៥. តើខ្ញុំចាត់ចែងអាជីវកម្មរបស់ខ្ញុំយ៉ាងដូចម្ដេច ?
ផ្នែកទី ៣
តិចជាងមួយនាទី ពិពណ៌នាពីអ្វីមួយដែលអ្នកនឹងធ្វើដើម្បីបន្ដកែលម្អអាជីវកម្មរបស់អ្នក ។
-
ម៉ោង ៖ឥឡូវ សូមដាក់ម៉ោងពីរនាទីធ្វើការពិភាក្សា ។
-
ពិភាក្សា ៖សូមសួរសំណួរគ្នាទៅវិញទៅមក ។ សូមប្រឹក្សាជាមួយគ្នា ។ សូមជួយកែលម្អអាជីវកម្មរបស់សមាជិកក្រុមនេះ ។
-
អាន ៖ឥឡូវ សូមធ្វើតាមជំហានទាំងនេះសម្រាប់សមាជិកក្រុមនីមួយៗរហូតដល់គ្រប់គ្នាបានធ្វើបទបង្ហាញ ។
តើខ្ញុំបានរៀនអ្វីខ្លះ ?
-
ពិភាក្សា ៖ម្ចាស់អាជីវកម្មជោគជ័យបន្តរៀនជានិច្ច ។ តើអ្នកបានរៀនអ្វីខ្លះមកពីសមាជិកក្រុមផ្សេងទៀត ដែលនឹងជួយអ្នកកែលម្អអាជីវកម្មរបស់អ្នក ?
ម្ចាស់អាជីវកម្មជោគជ័យបន្តរៀនជានិច្ច ។
-
អាន ៖នៅក្នុងការប្រជុំប្រាំមួយដងទៀត យើងនឹងរៀនរបៀបដើម្បីពង្រីកអាជីវកម្មរបស់យើង ។ សម្រាប់ការប្រជុំបន្ទាប់របស់យើង យើងនឹងត្រូវការយកកំណត់ត្រាចំណូល និងចំណាយអាជីវកម្មនិងរបាយការណ៍ចំណូលរបស់យើង កាលពីពីរសប្ដាហ៍មុនមក ។
បើយើងពុំទាន់ចាប់ផ្ដើមអាជីវកម្មនៅឡើយទេ យើងនឹងជួយអ្នកដទៃជាមួយនឹងកំណត់ត្រាចំណូល និងចំណាយនិងរបាយការណ៍ចំណូលរបស់ពួកគេ ។ នេះនឹងជាការអនុវត្តន៍ល្អសម្រាប់យើង ។
-
មើល ៖សូមមើលរបៀបដែល ហ្វីលីក កែលម្អអាជីវកម្មរបស់គាត់ ដោយការប្រើគោលការណ៍នៃភាពខ្លួនទីពឹងខ្លួន ។ សូមមើល « ហ្វីលីកលីក ៖ ផ្នែកទូរទឹកកក » ។ ( ពុំមានវីដេអូឬ ? សូមបន្ដ ) ។
តើខ្ញុំកំពុងតែមានភាពខ្លួនទីពឹងខ្លួនច្រើនឬទេ ?
-
អាន ៖គោលដៅរបស់យើងគឺភាពខ្លួនទីពឹងខ្លួន ទាំងខាងសាច់ឈាម និងខាងវិញ្ញាណ ។ ការធ្វើឲ្យអាជីវកម្មរបស់យើងជោគជ័យ គឺមានតែចំណែកនៃគោលដៅនោះប៉ុណ្ណោះ។
-
ពិភាក្សា ៖តើមានការផ្លាស់ប្ដូរអ្វីខ្លះដែលអ្នកឃើញនៅក្នុងជីវិតរបស់អ្នក ពេលអ្នកបានអនុវត្ត និងបានបង្រៀនគោលការណ៍ មូលដ្ឋានគ្រឹះ ?
-
អនុវត្ត ៖រូបភាពគម្របសៀវភៅមាគ៌ារបស់ខ្ញុំឆ្ពោះទៅកាន់ភាពខ្លួនទីពឹងខ្លួន
សូមបើកកូនសៀវភៅ មាគ៌ារបស់ខ្ញុំឆ្ពោះទៅកាន់ភាពខ្លួនទីពឹងខ្លួន របស់អ្នកទៅកន្លែងវាយតម្លៃភាពខ្លួនទីពឹងខ្លួនដែលនៅទំនេរ ( នៅខាងក្រោយ ) ។ សូមបំពេញជំហាននានា ។
នៅពេលអ្នកធ្វើចប់ សូមចំណាយពេលបីនាទីពិចារណាដូចខាងក្រោម៖
តើឥឡូវអ្នកបានចេះច្រើនអំពីការចំណាយរបស់អ្នកឬទេ ? តើឥឡូវអ្នក អាចឆ្លើយ « ញឹកញាប់ » ឬ « ជានិច្ចជាកាល » ចំពោះសំណួរទាំងនេះភាគច្រើនឬទេ ? តើអ្នកកាន់តែមានទំនុកចិត្តទៅលើចំនួន ដែលអ្នកបានដាក់ជាចំណូលភាពខ្លួនទីពឹងខ្លួនរបស់អ្នកឬទេ ? តើអ្នកជិតទទួលបានចំណូលភាពខ្លួនទីពឹងខ្លួនរបស់អ្នកហើយឬនៅ ? តើខ្ញុំអាចធ្វើអ្វីដើម្បីកែលម្អ ?