រៀន

ការចាប់ផ្ដើម និង ការពង្រីកអាជីវកម្មរបស់ខ្ញុំ

មាតិកា
បុព្វកថា
តារាងមាតិកា
១ ៖តើខ្ញុំចាប់ផ្ដើម ឬធ្វើឲ្យអាជីវកម្មរបស់ខ្ញុំកាន់តែប្រសើរឡើងយ៉ាងដូចម្ដេច ?
២ ៖ តើមនុស្សចង់ទិញអ្វីខ្លះ ?
៣ ៖ តើខ្ញុំទិញផលិតផលរបស់ខ្ញុំ ហើយកំណត់ថ្លៃលក់ផលិតផលយ៉ាងដូចម្ដេច ?
៤ ៖ តើខ្ញុំដឹងថាអាជីវកម្មរបស់ខ្ញុំកំពុងទទួលបានប្រាក់ចំណេញយ៉ាងដូចម្ដេច ?
៥ ៖ តើខ្ញុំញែកប្រាក់អាជីវកម្មចេញពីប្រាក់គ្រួសាររបស់ខ្ញុំយ៉ាងដូចម្ដេច ?
៦ ៖ តើអាជីវកម្មខ្ញុំកំពុងតែរីកចម្រើនយ៉ាងដូចម្ដេច ?
៧ ៖ តើខ្ញុំនឹងពង្រីកអាជីវកម្មរបស់ខ្ញុំយ៉ាងដូចម្ដេច ?
៨ ៖ តើខ្ញុំគួរតែមានប្រាក់ប៉ុន្មានដើម្បីវិនិយោគពង្រីកអាជីវកម្មរបស់ខ្ញុំ ?
៩ ៖ តើខ្ញុំដឹងថា ខ្ញុំគួរប្រើប្រាក់កម្ចីដើម្បីពង្រីកអាជីវកម្មរបស់ខ្ញុំយ៉ាងដូចម្ដេច ?
១០ ៖ តើខ្ញុំនឹងទាក់ទាញអតិថិជនឲ្យបានកាន់តែច្រើន ហើយបញ្ចប់ការលក់ដូចម្ដេច ?
១១ ៖ តើខ្ញុំនឹងបង្កើនប្រាក់ចំណេញរបស់ខ្ញុំយ៉ាងដូចម្ដេច ?
១២ ៖ តើខ្ញុំបន្ដកែលម្អអាជីវកម្មរបស់ខ្ញុំយ៉ាងដូចម្ដេច ?
តើខ្ញុំមានភាពរីកចម្រើនដែរទេ ?
វិញ្ញាបនបត្របញ្ចប់ការសិក្សា
ផែនទីអាជីវកម្មជោគជ័យ

រៀន

រូបភាព

រូបអំពូលភ្លើងពណ៌បៃតង

តើមនុស្សចង់ទិញអ្វីខ្លះ ?

ម៉ោង ៖សូមដាក់ម៉ោងកំណត់ ៦០ នាទីសម្រាប់វគ្គការរៀននេះ ។

អាន ៖តើយើងជ្រើសរើសអាជីវកម្មដែលអាចទទួល ជោគជ័យយ៉ាងដូចម្ដេច ? បើយើងមានអាជីវកម្មមួយហើយ តើយើងដឹងថាវាជាអាជីវកម្មត្រូវយ៉ាងដូចម្ដេច ?

រូបភាព

ផែនទីអាជីវកម្មជោគជ័យ

មេរៀននេះនឹងផ្ដោតទៅលើវគ្គអតិថិជននៃផែនទីអាជីវកម្មជោគជ័យ ។

មើល ៖« អាជីវកម្មឈើចង្កាក់ » ( ពុំមានវីដេអូឬ ? សូមអាន ទំព័រ ២៦ ) ។

ពិភាក្សា ៖តើយើងអាចរៀនអ្វីខ្លះចេញមកពីវីដេអូនេះ ?

អាន ៖សំណួរប្រចាំសប្ដាហ៍-តើមនុស្សចង់ទិញអ្វីខ្លះ ?

សកម្មភាពប្រចាំសប្ដាហ៍-ខ្ញុំនឹងនិយាយជាមួយម្ចាស់អាជីវកម្ម និងអតិថិជន ហើយជ្រើសរើសផលិតផល ឬសេវាកម្មមួយដែលដោះស្រាយបញ្ហារបស់អតិថិជន ។

សម្រាប់ម៉ោងដែលនៅសល់ក្នុងការប្រជុំនេះ អ្នកនឹងរៀន ហើយអនុវត្តជំនាញដើម្បីជួយអ្នកឆ្លើយសំណួរនេះ ហើយអនុវត្តសកម្មភាពទាំងនេះ ។ វីដេអូនេះ នឹងជួយអ្នកចាប់ផ្ដើមដោយការសួរសំណួរត្រឹមត្រូវ ។

មើល ៖« ការជ្រើសរើសអាជីវកម្មត្រូវ » ( ពុំមានវីដេអូឬ ? សូមអាន ទំព័រ ២៨ ) ។

អាន ៖សូមអានពីដ្យាក្រាមនេះ ហើយធ្វើការអនុវត្តន៍នៅ ទំព័របន្ទាប់ ។

រូបភាព

right business diagram

ការជ្រើសរើសអាជីវកម្មត្រឹមត្រូវ

¹ តើមនុស្សចង់ទិញអ្វីខ្លះ ?

អតិថិជន ផលិតផល

² ដែលខ្ញុំអាចផ្ដល់ឲ្យបាន ?

ជំនាញ ចំណាប់អារម្មណ៍ បទពិសោធន៍

³ ដែលធ្វើឲ្យ« ងាយចូល ? »

ការប្រកួតប្រជែង អ្នកផ្គត់ផ្គង់ទំនិញ ទុន

⁴ ដែលនឹងបង្កើនចំណូលខ្ញុំឬ ?

ប្រាក់ចំណូល/ប្រាក់ចំណេញគ្រប់គ្រាន់

អាជីវកម្មល្អសម្រាប់ខ្ញុំ !

តើខ្ញុំជ្រើសរើសអាជីវកម្មត្រឹមត្រូវយ៉ាងដូចម្ដេច ?

អនុវត្ត ៖តើអាជីវកម្មប្រភេទណា ដែលអ្នកបានគិត ៖ អាហារ បដិសណ្ឋារកិច្ច ការថែទាំសុខភាព ការជួសជុលថែទាំ សំណង់ ឧស្សាហកម្ម សេវាកម្ម ឬអ្វីផ្សេងទៀត ?

សូមប្រើសំណួរបួនក្នុងដ្យាក្រាមនៅលើ ទំព័រមុន ដើម្បីជួយអ្នកកំណត់ការជ្រើសរើសរបស់អ្នក ។ កំណត់ចំណាំឧទាហរណ៍នៅខាងស្តាំដៃ ។ សូមសរសេរប្រភេទអាជីវកម្មមួយ ឬពីរ ដែលគួរចាប់អារម្មណ៍ដល់អ្នក ៖

ម្ចាស់អាជីវកម្មដ៏ជោគជ័យ គិតធំ ប៉ុន្ដែចាប់ផ្ដើមតូច ។

ឧទាហរណ៍ ៖

អាហារ លក់ដូរ

សូមសួរសំណួរជាក់លាក់ដូចខាងក្រោម ជាមួយអ្នកដែលអង្គុយនៅជិតអ្នក ។ សូមសរសេរចម្លើយរបស់អ្នក ។

នៅក្នុងអាជីវកម្មផ្ទាល់របស់អ្នក ឬនៅក្នុងប្រភេទអាជីវកម្មដែលគួរចាប់អារម្មណ៍ដល់អ្នក តើតម្រូវការ ជាក់លាក់ អ្វីខ្លះរបស់អតិថិជនដែលអ្នកបានរកឃើញ ។ តើអតិថិជននឹងទិញអ្វីខ្លះ ?

បង្អែម ឬ អាហារសម្រន់

អាហារសម្រន់សម្រាប់ពេលថ្ងៃ ពេលល្ងាច
តើតម្រូវការមួយណា ដែលអាចបំពេញតាមអាជីវកម្មរបស់អ្នក ? តើអ្នកពូកែខាងអ្វី ឬតើអ្នកមានចំណាប់អារម្មណ៍ចង់ធ្វើអ្វីខ្លះ ?

ខ្ញុំចូលចិត្តធ្វើម្ហូប

ខ្ញុំពូកែខាងលក់ដូរ
តើអាជីវកម្មជាក់លាក់អ្វី ដែលអ្នកអាចចាប់ផ្ដើមដោយងាយ ឬតើអ្នកអាចពង្រីក ឬផ្លាស់ប្ដូរអាជីវកម្មបច្ចុប្បន្នរបស់អ្នកទៅជាទទួលបានប្រាក់ចំណេញកាន់តែច្រើនយ៉ាងដូចម្ដេច ? សូមគិតអំពីការប្រកួតប្រជែង អ្នកផ្គត់ផ្គង់ទំនិញ និងប្រាក់ដែលត្រូវការ ។

ផលិតផលសាមញ្ញៗ

ចំណាយចាប់ផ្តើមទាប

ការប្រកួតប្រជែងតិច
តើអាជីវកម្មរបស់អ្នក នឹងឲ្យអ្នកបង្កើនចំណូល ហើយក្លាយកាន់តែមានភាពខ្លួនទីពឹងខ្លួនយ៉ាងដូចម្ដេច ? តើអ្នកអាចបង្កើតបានប្រាក់ចំណេញនៅកន្លែងណា ?

មានអតិថិជនច្រើន

ឥឡូវ សូមសរសេរអាជីវកម្មជាក់លាក់មួយចំនួន ដែលអ្នកចង់រៀនអំពីវា ៖

នំអាចយកតាមខ្លួនបាន ?

ការ៉េម ? ផ្លែឈើ ?

អ្វីដែលសប្បាយ ?

តើខ្ញុំអាចរៀនមកពីម្ចាស់អាជីវកម្មយ៉ាងដូចម្ដេច ?

អាន ៖ឥឡូវដោយសារយើងមានគំនិតខ្លះៗអំពីអាជីវកម្មផ្ទាល់ខ្លួនរបស់យើងហើយ នោះយើងនឹងធ្វើការស្រាវជ្រាវទីផ្សារដើម្បីសាកល្បងលើគំនិតរបស់យើង ហើយរៀនបន្ថែម ។ យើងនឹងមើលមនុស្ស និយាយជាមួយអតិថិជន និយាយជាមួយគូប្រគួតប្រជែង ហើយសាកផលិតផល ។ ហើយយើងនឹងរកឃើញតម្រូវការ និងចម្លើយពិត ។

មើល ៖« និយាយទៅកាន់ម្ចាស់អាជីវកម្ម » ( ពុំមានវីដេអូឬ ? សូមបន្ដអាន ) ។

អនុវត្ត ៖សូមហាត់សួរសំណួរ ដែលអ្នកនឹងសួរទៅម្ចាស់អាជីវកម្មក្នុងសប្ដាហ៍នេះជាមួយនឹងអ្នកដែលអង្គុយនៅជិតអ្នក ។ សូមពន្យល់គ្នាទៅវិញទៅមកអំពីអាជីវកម្មផ្ទាល់ខ្លួនរបស់អ្នក ឬប្រភេទអាជីវកម្មដែលអ្នកប្រាថ្នាចង់ចាប់ផ្ដើម ។ សូមប្តូរវេនគ្នាណែនាំខ្លួន ហើយសួរសំណួរដូចខាងក្រោម ។ សូមផ្តល់មតិកែលម្អអំពីគ្នាទៅវិញទៅមក ហើយព្យាយាមម្ដងទៀត ។

សេចក្តីណែនាំ ៖ សួស្ដី ខ្ញុំ ___( ឈ្មោះ ) ។ ចុះអ្នកវិញ ? ខ្ញុំរៀនក្នុងថ្នាក់អាជីវកម្ម ហើយយើងកំពុងព្យាយាមរៀនអំពីរបៀបធ្វើអាជីវកម្មជោគជ័យ ។ ខ្ញុំសូមសួរសំណួរខ្លះបានទេ ?

តម្រូវការអតិថិជន ផលិតផល

តើអតិថិជនរបស់អ្នកទិញអ្វីច្រើនបំផុត ?
ហេតុអ្វីក៏អ្នកគិតថា អតិថិជនអ្នកទិញនូវអ្វីដែលអ្នកលក់ដូច្នេះ ?
នរណាជាគូរប្រកួតប្រជែងរបស់អ្នក ? តើមានអ្វីខ្លះ ដែលធ្វើឲ្យអាជីវកម្មរបស់អ្នកល្អប្រសើរជាងអាជីវកម្មរបស់ពួកគេនោះ ?

អ្នកផ្គត់ផ្គង់ទំនិញ ប្រាក់ចំណេញ

តើអ្នកទទួលផលិតផលមកពីណា ? តើមានអ្នកផ្គត់ផ្គង់ទំនិញដទៃទៀតឬទេ ?
តើអ្នកគិតថា អ្នកអាចចំណាយតិចទេ បើអ្នកទិញច្រើនក្នុងពេលតែមួយនោះ ?
តើថ្លៃរបស់អ្នកយ៉ាងណាដែរ ? តើអ្នកសម្រេចដាក់ថ្លៃនេះយ៉ាងដូចម្ដេច ? តើអ្នកទទួលបានប្រាក់ចំណេញឬទេ ?
តើនឹងមានរឿងអ្វីកើតឡើង បើអ្នកតម្លើង ឬបញ្ចុះថ្លៃរបស់អ្នក ?

ការលក់

តើអ្នកអាចលក់បានប្រហែលជាប៉ុន្មានក្នុងមួយថ្ងៃៗ ?
តើអ្នកដឹងថាមានអតិថិជនថ្មីបានយ៉ាងដូចម្ដេច ?
តើទីតាំងរបស់អ្នកសំខាន់យ៉ាងដូចម្ដេច ?
តើអ្វីជាគន្លឹះខ្លះៗដែលនាំឲ្យអ្នកជោគជ័យ ? បញ្ហាធំបំផុតរបស់អ្នកជាអ្វី ?

ពិភាក្សា ៖នៅពេលសិស្សទាំងអស់បានអនុវត្តយ៉ាងហោចណាស់ម្តងនោះ សូមពិភាក្សាជាមួយក្រុម ៖ នៅពេលអ្នកចេញទៅនិយាយជាមួយនឹងម្ចាស់អាជីវកម្ម តើអ្នកនឹងសួរអ្វីខ្លះ ? សូមសរសេរនូវអ្វីដែលអ្នកបានរៀននៅត្រង់នេះ ៖

រូបភាព

រូបសញ្ញាសៀវភៅកំណត់ហេតុ

អាន ៖

រៀងរាល់ថ្ងៃក្នុងសប្ដាហ៍នេះ នៅពេលអ្នកនិយាយជាមួយនឹងម្ចាស់អាជីវកម្ម សូមសរសេរនូវអ្វីដែលអ្នកបានរៀនចូលក្នុងសៀវភៅកំណត់ចំណាំអាជីវកម្មរបស់អ្នក ។

មើល ៖សូមមើលរបៀបដែលយ៉ូសែប និង ចន បានចាប់ផ្ដើមអាជីវកម្មថ្មីមួយ ។ សូមមើល « យ៉ូសែប និង ចន ៖ ផលិតផលពេទ្យ »។ ( ពុំមានវីដេអូឬ ? សូមរំលងទៅ ទំព័របន្ទាប់ ) ។

តើខ្ញុំអាចរៀនមកពីអតិថិជនយ៉ាងដូចម្ដេច ?

អាន ៖ម្ចាស់អាជីវកម្មជោគជ័យ រៀនមកពីអតិថិជនរាល់ថ្ងៃ ។ យើងអាចរៀនច្រើនតាមរយៈការសង្កេតអតិថិជនរបស់យើង និងតាមការនិយាយជាមួយពួកគេ ។ ពួកគេបង្កើត ឬបំផ្លាញអាជីវកម្មរបស់យើង ។ សូមស្ដាប់ ហើយរៀន !

ម្ចាស់អាជីវកម្មជោគជ័យ រៀនមកពីអតិថិជនរាល់ថ្ងៃ ។

មើល ៖« និយាយទៅកាន់អតិថិជន » ( ពុំមានវីដេអូឬ ? សូមបន្ដអាន ) ។

អនុវត្ត ៖សូមហាត់សួរសំណួរដែលអ្នកនឹងសួរដល់អតិថិជននៅសប្ដាហ៍នេះ ជាមួយនឹងសមាជិកក្រុមផ្សេងមួយ ។ សូមនឹកស្រម៉ៃថា មនុស្សម្នាក់ទៀតនោះ ជាអតិថិជនរបស់អ្នក ។ សូមពិភាក្សានូវសំណួរមួយចំនួនដូចខាងក្រោម នៅពេលវាទាក់ទងនឹងអាជីវកម្ម ឬគំនិតអាជីវកម្មរបស់អ្នក ។ សូមកត់ត្រាទុក ! បន្ទាប់មកសូមផ្លាស់តួ ។ សូមផ្ដល់មតិកែលម្អដែលមានប្រយោជន៍អំពីគ្នាទៅវិញទៅមក ហើយហាត់នូវភាពទន់ខ្សោយនានា ។

សេចក្តីណែនាំ ៖ សួស្ដី ខ្ញុំ ___( ឈ្មោះ ) ។ ចុះអ្នកវិញ ? ខ្ញុំរៀនក្នុងថ្នាក់អាជីវកម្ម ហើយយើងកំពុងព្យាយាមរៀនអំពីអតិថិជន ។ ខ្ញុំសូមសួរសំណួរខ្លះបានទេ ?

តម្រូវការអតិថិជន ផលិតផល

តើអ្នកនឹងទិញអ្វីខ្លះពីអាជីវកម្មនេះ ?
បើអ្នកអាច តើអ្នកនឹងផ្លាស់ប្ដូរផលិតផលនេះឬទេ ? អាជីវកម្មនេះឬទេ ?
តើអ្នកធ្លាប់ទិញផលិតផលនេះពីកន្លែងផ្សេងឬទេ ? តើវាល្អជាង ឬអាក្រក់ជាង ? ហេតុអ្វី ?

ការលក់ ប្រាក់ចំណេញ

តើអ្នកចូលចិត្តអ្វី បានជាទិញផលិតផលនៅទីនេះ ?
តើអ្វីដែលធ្វើឲ្យអ្នកចង់ទិញច្រើន ?
តើថ្លៃសមរម្យទេ ? តើអ្នកនឹងទិញច្រើនឬទេ បើថ្លៃទាបជាងនេះ ?
តើអ្នកនៅតែទិញច្រើនឬ បើទោះជាគេឡើងថ្លៃក៏ដោយនោះ ?
តើទីតាំងសំខាន់ឬទេ ?

ការសង្កេត ( សូមកុំសួរសំណួរដូចខាងក្រោម សូមមើលទៅអតិថិជនដើម្បីរកចម្លើយ ) ។

តើពួកគេភាគច្រើនជាស្ត្រី ឬបុរស ឬក៏ចម្រុះគ្នា ?
តើពួកគេភាគច្រើនជាក្មេងៗ ឬមនុស្សចាស់ ?
តើពួកគេមើលទៅមានលុយច្រើន ឬលុយតិច ?
តើពួកគេទិញនៅពេលណា ?
តើពួកគេទិញប៉ុន្មាន ?

រូបភាព

រូបសញ្ញាសៀវភៅកំណត់ហេតុ

អាន ៖

រៀងរាល់ថ្ងៃក្នុងសប្ដាហ៍នេះ នៅពេលអ្នកនិយាយជាមួយនឹងអតិថិជន សូមសរសេរនូវអ្វីដែលអ្នកបានរៀនចូលក្នុងសៀវភៅកំណត់ចំណាំអាជីវកម្មរបស់អ្នក ។

ពិភាក្សា ៖តើអ្នកនឹងសួរអតិថិជនអ្នកអ្វីខ្លះក្នុងសប្ដាហ៍នេះ ? សូមសរសេរគំនិតអ្នកនៅត្រង់នេះ ឬនៅក្នុងសៀវភៅកំណត់ចំណាំអាជីវកម្មរបស់អ្នក ៖

តើខ្ញុំធ្វើការស្រាវជ្រាវទីផ្សារយ៉ាងដូចម្ដេច ?

អាន ៖នៅពេលយើងធ្វើការស្រាវជ្រាវទីផ្សារ យើងនឹងចាំបាច់ត្រូវវាយតម្លៃនូវអ្វីដែលយើងបានរៀន ។ សូមអនុវត្តដំណើរការនៃការវាយតម្លៃ ។

អនុវត្ត ៖សូមជ្រើសរើសសមាជិកក្រុមផ្សេងមកធ្វើការជាមួយអ្នក ។ សូមមើលទៅលើប្រាក់ចំណេញ ការប្រកួតប្រជែង និងអ្នកផ្គត់ផ្គង់ទំនិញនៃអាជីវកម្មពីរដូចខាងក្រោមយ៉ាងខ្លី ។

តូបលក់ផ្លែឈើ		ការវាយតម្លៃ
ចំនួនលក់ ( ជាមធ្យមប្រចាំថ្ងៃ )	២០០	ឯកតា/ខែ	៥០០០
ថ្លៃលក់	៥ ក្នុងមួយផ្លែ ( ជាមធ្យម )	ការលក់/ខែ	២៥០០០
ការចំណាយទិញ	៤ ក្នុងមួយផ្លែ ( ជាមធ្យម )	ការចំណាយ/ខែ	( ២០២០០ )
ការប្រកួតប្រជែង	មានតូបលក់ផ្លែឈើចំនួន ៦	ប្រាក់ចំណេញ	៤៨០០
អ្នកផ្គត់ផ្គង់ទំនិញ	មានអ្នកផ្គត់ផ្គង់ទំនិញ ២នាក់ នៅឆ្ងាយ

សំលៀកបំពាក់កុមារ		ការវាយតម្លៃ
ចំនួនកំប្លេដែលបានលក់ ( ជាមធ្យមប្រចាំថ្ងៃ )	២០	ឯកតា/ខែ	៥០០
ថ្លៃលក់	១០០ ក្នុងមួយកំប្លេ ( ជាមធ្យម )	ការលក់/ខែ	៥០០០០
ការចំណាយទិញ	៨០ ក្នុងមួយកំប្លេ ( ជាមធ្យម )	ការចំណាយ/ខែ	( ៤០០០ )
ការប្រកួតប្រជែង	គ្មាននៅជិត	ប្រាក់ចំណេញ	១០០០០
អ្នកផ្គត់ផ្គង់ទំនិញ	មានអ្នកផ្គត់ផ្គង់ទំនិញ ៣ នៅជិត

ពិភាក្សា ៖តើអាជីវកម្មមួយណាដែលអ្នកនឹងជ្រើសរើសយក ? ហេតុអ្វី ?

ចេញមកពីអ្វីដែលយើងបានពិភាក្សាថ្ងៃនេះ តើសំណួរផ្សេងទៀតអ្វីខ្លះ ដែលអ្នកនឹងសួរអំពី អាជីវកម្មទាំងនេះ ឬអតិថិជនរបស់ពួកគេ ?

អាន ៖នៅក្នុងសប្ដាហ៍នេះ យើងនឹងរៀបចំដើម្បីសម្រេចចិត្តអំពីអាជីវកម្មរបស់យើង ! អំឡុងសប្ដាហ៍ យើងនឹងរំឭកនូវអ្វីទាំងអស់ដែលយើងបានរៀនឡើងវិញ ហើយមកការប្រជុំលើកក្រោយដោយមានគំនិតអាជីវកម្មមួយមកជាមួយ ( ទោះជាអាជីវកម្មថ្មី ឬអាជីវកម្មបានកែលម្អក្ដី ) ។ បើយើងមានអាជីវកម្មរួចហើយ យើងនឹងសម្រេចចិត្តថាតើវាជាជម្រើសល្អបំផុតសម្រាប់យើងឬទេ ។