ធនធាននានា
យើងអាចធ្វើដូចនេះបាន !
សូមជ្រើសរើសតួ ហើយដើរតួដូចខាងក្រោម ៖
ម៉ារៀ ៖ អស្ចារ្យណាស់ វាពិតជាដំណើរការ ! ទីបំផុត ខ្ញុំបានឃើញវាហើយ ។
ស្វាមីរបស់ម៉ារៀ ឌីអាហ្គោ តើអូនកំពុងនិយាយអំពីអ្វី ? ការងារអ្វី?
ម៉ារៀ ៖ អ្វីៗគ្រប់យ៉ាងត្រូវគ្នាណាស់ ។ កាលពីដប់ពីរសប្ដាហ៍កន្លងទៅ ពេលយើងចាប់ផ្ដើមទៅកាន់ក្រុមភាពខ្លួនទីពឹងខ្លួនរបស់យើង អូនគ្មានយោបល់អ្វីសោះ ថាវានឹងកែលម្អរអាជីវកម្មរបស់យើងខ្លាំងប៉ុណ្ណាទេ ។ ការតាំងចិត្តដែលយើងបានរក្សា រឿងទាំងឡាយដែលយើងបានរៀននៅក្នុងក្រុមភាពខ្លួនទីពឹងខ្លួនរបស់យើង —អ្វីៗគ្រប់យ៉ាងគឺត្រឹមត្រូវ !
ឌីអាហ្គោ ៖ បាទ បងបានឃើញដូចគ្នានេះ ជាមួយនឹងក្រុមភាពខ្លួនទីពឹងខ្លួនស្រាវជ្រាវការងាររបស់បងដែរ ។ ឥឡូវបងមានការងារដ៏ល្អនៅមន្ទីរពេទ្យ ។ ដោយមានប្រាក់ចំណូលពីការងាររបស់បងនិងអាជីវកម្មលក់ស៊ុត ទីបំផុត យើងនឹងអាចទំនុកបម្រុងគ្រួសាររបស់យើងហើយ ។ អ្វីៗគ្រប់យ៉ាងគឺត្រូវល្អណាស់ ។
ម៉ារៀ ៖ ឌីអាហ្គោ វាពុំមែនគ្រាន់តែអាជីវកម្មរបស់អូនប៉ុណ្ណោះទេ ។ វាជាអាជីវកម្មរបស់យើង ។ អរគុណបងដែលខំធ្វើការយ៉ាងខ្លាំងនៅកន្លែងការងាររបស់បង ហើយមកជួយអូនក្នុងអាជីវកម្មលក់ស៊ុតទៀតនោះ ។
ឌីអាហ្គោ ៖ វាក៏ជាអាជីវកម្មរបស់ព្រះអម្ចាស់ផងដែរ ។ យើងបានថ្វាយកិច្ចខិតខំអាជីវកម្មរបស់យើងទៅលើទ្រង់ អនុវត្តសេចក្ដីជំនឿទៅលើព្រះអង្គសង្គ្រោះ ហើយបានអធិស្ឋានសម្រាប់អាជីវកម្មរបស់យើង ។
ម៉ារៀ ៖ យើងចាំបាច់ត្រូវមើលឲ្យបានល្អិតល្អន់ទៅលើអាជីវកម្មលក់ស៊ុតរបស់យើង ។ យើងបាននិយាយទៅអតិថិជន ហើយនឹងម្ចាស់អាជីវកម្មដទៃទៀត ដើម្បីគិតពីអ្វីដែលពួកគេចង់បាន ។ មានចាំទេ ? យើងបានដឹងថា យើងគួរតែលក់ទឹកដោះគោជាមួយនឹងស៊ុតរបស់យើងផងដែរ ។
ឌីអាហ្គោ ៖ បាទ ហើយយើងបានរកមើលកន្លែងដែលយើងអាចទិញស៊ុត និងទឹកដោះគោ ។ យើងបានសម្រេចចិត្តថា វាពុំមែនជាគំនិតល្អសម្រាប់យើងដើម្បីទិញពពែហើយយកទឹកដោះវានោះទេ ។ វាប្រសើរជាងដើម្បីទិញទឹកដោះគោស្រស់ៗពី ពេត្រូ ជាអ្នកដែលមានពពែច្រើននោះតែម្តង ។
ម៉ារៀ ៖ បន្ទាប់មកយើងបានរៀនពីរបៀបដើម្បីបង្កើតប្រាក់រាល់ថ្ងៃ ។ ខ្ញុំបានរក្សាកំណត់ត្រាតាមដានអ្វីៗទាំងអស់ ដែលយើងចំណាយ និងទឹកប្រាក់ចំនួនប៉ុន្មានដែលមនុស្សទិញពីយើងនោះ ។ យើងរកបានប្រាក់កាន់តែច្រើន នៅពេលយើងចាប់ផ្ដើមធ្វើការដឹកជញ្ជូនដល់ផ្ទះ ។
ឌីអាហ្គោ ៖ ហើយខ្ញុំក៏តែងតែកត់ត្រាតាមដានថាយើងចំណាយប៉ុន្មាន និងយើងរកប្រាក់បានប៉ុន្មានសម្រាប់គ្រួសារយើងផងដែរ ។ យើងអាចបង់ថ្លៃសម្ភារសាលារៀនរបស់កូនៗហើយឥឡូវនេះ ។
ឌីអាហ្គោ ៖ ណាអូមី បានជួយយើងគិតរបៀបដើម្បីលក់ឲ្យបានច្រើន ។ យើងបានចាប់ផ្ដើមសួរសំណួរដល់អតិថិជន ស្ដាប់ពួកគេ ហើយធ្វើការផ្ដល់យោបល់ ។ យើងលើកទឹកចិត្តអតិថិជនឲ្យទិញស៊ុតកាន់តែច្រើន ហើយទិញទឹកដោះគោ ។ នោះជាគំនិតល្អណាស់ ដើម្បីឲ្យសូហ្វីយ៉ា ធ្វើការដឹកជញ្ជូនទៅតាមផ្ទះ ។ យើងបានស្គាល់អតិថិជនកាន់តែប្រសើរ ហើយក្លាយជាមិត្តនឹងពួកគេជាច្រើននាក់ ។
ឌីអាហ្គោ ៖ បន្ទាប់មក ជាមួយនឹងអតិថិជនថ្មីទាំងអស់ យើងត្រូវការស៊ុតច្រើនរាល់ថ្ងៃ ហើយយើងបានរៀនអំពីការខ្ចីប្រាក់ដើម្បីទិញមាន់ថែម ។ ខ្ញុំរីករាយដែលយើងពុំខ្ចីប្រាក់កម្ចីពីដំបូងនោះ ។ យើងនឹងពុំមានលទ្ធភាពបង់សងទេ ។ យើងគ្រាន់តែត្រូវការប្រាក់កម្ចីតិច ដើម្បីទិញមាន់ថែមតិចតួចប៉ុណ្ណោះ ។
ម៉ារៀ ៖ ឃើញទេ ? ! អ្វីៗគ្រប់យ៉ាងត្រូវគ្នាណាស់ ។ ឥឡូវយើងគ្រាន់តែត្រូវការរកមើលវិធីដើម្បីកាត់បន្ថយប្រាក់ចំណាយ និងបង្កើនចំនួនលក់ប៉ុណ្ណោះ ។
ឌីអាហ្គោ ៖ មែនហើយ ។ យើងអាចធ្វើដូចនេះបាន !
សូមត្រឡប់ទៅ ទំព័រ ១៨៤ វិញ
អាជីវកម្មរបស់ខ្ញុំក្នុងប្រាំនាទី
អ្នកសម្របសម្រួលគួរតែអានចំណុចដូចខាងក្រោមខណៈដែលសមាជិកក្រុមផ្សេងទៀតផ្ទៀងតាមជាមួយ ទំព័រ ១៨៧ ។
ម៉ារៀ ៖ ខ្ញុំភ័យបន្ដិចក្នុងការធ្វើបទបង្ហាញប៉ុន្ដែខ្ញុំបានស្គាល់អ្នកទាំងអស់គ្នាច្បាស់ហើយ ។ ខ្ញុំនឹងមិនអីទេ ។ ផ្នែកទី ១—ខ្ញុំត្រូវពិពណ៌នាអំពីអាជីវកម្មរបស់ខ្ញុំ ។ អាជីវកម្មរបស់ខ្ញុំ គឺលក់ស៊ុត និង ទឹកដោះគោ ។ ខ្ញុំបានចាប់ផ្ដើមដោយលក់តែស៊ុតប៉ុណ្ណោះកាលពីពីរបីខែមុន ។ ខ្ញុំបានបន្ថែមការលក់ទឹកដោះគោក្រោយពីខ្ញុំបានដឹងថា អតិថិជនខ្ញុំចង់ទិញវា ។ ខ្ញុំក៏មានសេវាដឹកជញ្ជូនដល់ផ្ទះដែរឥឡូវនេះ ។ អាជីវកម្មរបស់ខ្ញុំ កំពុងដំណើរការកាន់តែល្អ ចាប់តាំងពីខ្ញុំមកក្រុមភាពខ្លួនទីពឹងខ្លួននេះ ។
ម៉ារៀ ៖ ផ្នែកទី ២ គឺអំពីសំណួរប្រចាំសប្ដាហ៍ ។ សំណួរទាំងឡាយ បានជួយខ្ញុំទាំងអស់ ។ ប៉ុន្តែបើខ្ញុំត្រូវជ្រើសរើសមួយសំណួរដែលបានកែលម្អអាជីវកម្មរបស់ខ្ញុំជាងគេបំផុត គឺការបែងចែកហិរញ្ញវត្ថុអាជីវកម្ម និង ហិរញ្ញវត្ថុផ្ទាល់ខ្លួន ។ មុននោះ ប្រាក់ទាំងឡាយដែលខ្ញុំរកបានក្នុងអាជីវកម្ម គឺច្របល់គ្នានឹងប្រាក់ផ្ទាល់ខ្លួនរបស់ខ្ញុំ ហើយត្រូវបានយកមកចំណាយ ។ វាមិនងាយស្រួលទេ ។ ឥឡូវខ្ញុំរក្សាទុកវាដាច់ដោយឡែកពីគ្នា ។
ម៉ារៀ ៖ ផ្នែកទី ៣—កំណត់ត្រាហិរញ្ញវត្ថុ និង ការសន្សំប្រាក់ ។ ខ្ញុំអាចសន្សំប្រាក់ ៩ ក្នុង ១២ សប្ដាហ៍ ។ ខ្ញុំរក្សាកំណត់ត្រាសម្រាប់អាជីវកម្មរបស់ខ្ញុំអស់ ៨ សប្ដាហ៍មិនដែលខានសោះឡើយ ។ ខ្ញុំបានធ្វើដូចគ្នាចំពោះកំណត់ត្រាផ្ទាល់ខ្លួនរបស់ខ្ញុំ ។ ខ្ញុំដាក់ផែនការបន្ដរក្សាកំណត់ត្រា ។ ខ្ញុំពិតជាដឹងថាខ្ញុំរកបានប្រាក់ប៉ុន្មាន ហើយខ្ញុំបានចំណាយប៉ុន្មាន ។ ខ្ញុំមានចិត្តរីករាយណាស់ដើម្បីមានប្រាក់សន្សំ ។ ខ្ញុំពុំធ្លាប់មានដូចនេះពីមុនទេ ។ វាលួងលោមខ្ញុំដោយដឹងថាវាមាននៅទីនោះ ។
ម៉ារៀ ៖ ល្អ ឥឡូវសម្រាប់ផ្នែកទី ៤—ការបន្ដដើម្បីកែលម្អអាជីវកម្មរបស់ខ្ញុំ ។ ខ្ញុំបានរៀនច្រើនកាលពី ១២ សប្ដាហ៍មុន ។ ខ្ញុំចង់បន្ដរៀនវា ។ ខ្ញុំនឹងចូលរួមក្នុងក្រុមម្ចាស់អាជីវកម្មរបស់ស្ដេកយើង ។
ម៉ារៀ ៖ ផ្នែកចុងក្រោយ ។ ផ្នែកទី ៥ គឺជាគោលដៅអាជីវកម្ម ។ នៅក្នុងមួយឆ្នាំ ខ្ញុំចង់ឲ្យអាជីវកម្មរបស់ខ្ញុំមានលំហូរសាច់ប្រាក់គ្រប់គ្រាន់ ដែលខ្ញុំអាចជួលកន្លែងមួយនៅក្នុងកន្លែងទីផ្សារដ៏កុះករមួយ ។ នោះនឹងជួយខ្ញុំពង្រីកអាជីវកម្មរបស់ខ្ញុំកាន់តែខ្លាំង ។
អរគុណ ដល់អ្នកគ្រប់គ្នា ។ អ្នកពិតជាបានជួយខ្ញុំកែលម្អអាជីវកម្មរបស់ខ្ញុំ !
សូមត្រឡប់ទៅ ទំព័រ ១៨៧វិញ