រៀន
តើខ្ញុំជួយទាំងអាជីវកម្មរបស់ខ្ញុំ និងគ្រួសាររបស់ខ្ញុំយ៉ាងដូចម្ដេច ?
-
ម៉ោង ៖សូមដាក់ម៉ោងកំណត់ ៦០ នាទីសម្រាប់វគ្គការរៀននេះ ។
-
អាន ៖យើងគួរតែចាប់ផ្ដើមរក្សាកំណត់ត្រាប្រាក់អាជីវកម្មរបស់យើងពេលវាចូល និង ពេលវាចេញ ។ នោះអស្ចារ្យណាស់ ! ប៉ុន្តែ តើមានរឿងអ្វីកើតឡើងពេលយើងត្រូវការប្រាក់ប្រើប្រាស់សម្រាប់តម្រូវការផ្ទាល់ខ្លួន ឬគ្រួសារនោះ ?
-
មើល ៖« កុំសម្លាប់មាន់ ៖ ផ្នែកទី ១ » ( ពុំមានវីដេអូឬ ? សូមអាន ទំព័រ ៧៦ ) ។
-
ពិភាក្សា ៖បងប្រុសរបស់ម៉ារៀ ចង់ឲ្យនាងដកប្រាក់ពីអាជីវកម្មរបស់នាងទៅឲ្យគាត់ ។ ហើយនាងចង់ជួយ ។ ប៉ុន្តែនោះនឹងធ្វើឲ្យប៉ះពាល់ ឬបំផ្លាញអាជីវកម្មរបស់នាង ។ ថែមទៀត នាងបានលះបង់កម្លាំងក្នុងអាជីវកម្មរបស់នាងដើម្បីជួយនាងឲ្យកាន់តែមានភាពខ្លួនទីពឹងខ្លួន ។ តើម៉ារៀគួរធ្វើយ៉ាងណា ?
-
អាន ៖សំណួរប្រចាំសប្ដាហ៍--តើខ្ញុំញែកប្រាក់អាជីវកម្មចេញពីប្រាក់គ្រួសាររបស់ខ្ញុំយ៉ាងដូចម្ដេច ?
សកម្មភាពប្រចាំសប្ដាហ៍--ខ្ញុំនឹងទុកគណនី ហើយកំណត់ត្រាប្រចាំថ្ងៃសម្រាប់អាជីវកម្មរបស់ខ្ញុំដាច់ដោយឡែកពី ប្រាក់គ្រួសារ ហើយខ្ញុំនឹងឲ្យប្រាក់ឈ្នួលដល់ខ្លួនឯង ។
អំឡុងការប្រជុំនេះ យើងនឹងរៀនជំនាញដើម្បីជួយយើងឆ្លើយសំណួរនេះ ហើយអនុវត្តសកម្មភាពទាំងនេះ ។
រូបភាពផែនទីអាជីវកម្មជោគជ័យបន្ទាប់មក អំឡុងសប្ដាហ៍នេះ យើងនឹងប្រើជំហានជាក់ស្ដែងដើម្បីបំបែកហិរញ្ញវត្ថុអាជីវកម្ម ចេញពីហិរញ្ញវត្ថុគ្រួសារ ។ នេះនឹងក្លាយជាពរជ័យដ៏អស្ចារ្យមួយចំពោះយើង និងក្រុមគ្រួសារ ! សូមអានវគ្គការចំណាយ និង ការលក់នៃផែនទីអាជីវកម្មជោគជ័យ ។
ហេតុអ្វីខ្ញុំគួរបំបែកប្រាក់អាជីវកម្ម ចេញពីប្រាក់គ្រួសារដូច្នេះ ?
-
មើល ៖« កុំសម្លាប់មាន់ ៖ ផ្នែកទី ២ » ( ពុំមានវីដេអូឬ ? សូមអាន ទំព័រ ៧៧ ) ។
-
ពិភាក្សា ៖ចេញមកពីអ្វីដែលយើងរៀននៅក្នុងវីដេអូនេះ ហេតុអ្វីបានជាវាសំខាន់ដើម្បីបំបែកប្រាក់អាជីវកម្ម ចេញពីប្រាក់ផ្ទាល់ខ្លួន ហើយបង់ថ្លៃឈ្នួលខ្លួនឯងផងដូច្នេះ ?
-
អាន ៖ម្ចាស់អាជីវកម្មគឺជាម្ចាស់ផង និង ជានិយោជិតផង ។ នេះអាចនឹងកើតមានសំណួរគួរឲ្យចាប់អារម្មណ៍មួយចំនួន ។
ម្ចាស់អាជីវកម្មជោគជ័យបង់ដង្វាយមួយភាគក្នុងដប់មុននឹងបង់នអ្វីៗផ្សេងទៀត ។
យើងដឹងថា ពរជ័យដ៏អស្ចារ្យកើតមកពីការបង់ដង្វាយមួយភាគក្នុងដប់ពីចំណូលរបស់យើង ។ បើយើងរក្សាប្រាក់អាជីវកម្មរបស់យើង និងប្រាក់ផ្ទាល់ខ្លួនដាច់ដោយឡែកពីគ្នា នោះវានឹងងាយស្រួលជាងដើម្បីគណនាប្រាក់ដង្វាយមួយភាគក្នុងដប់របស់យើង ។
សូមចាំជំហានទាំងនេះ ៖
-
សូមរក្សាប្រាក់អាជីវកម្ម និងប្រាក់ផ្ទាល់ខ្លួន ក្នុងគណនី ឬទីតាំងផ្សេងពីគ្នា ។
-
យើងបង់ដង្វាយមួយភាគក្នុងដប់ពីចំណូលផ្ទាល់ខ្លួន ( ប្រាក់ខែ ឬកម្រៃជើងសារ ) ដែលយើងទទួលបានមកពីអាជីវកម្ម ។
-
ប្រាក់នៅក្នុងអាជីវកម្មពុំបង់ដង្វាយមួយភាគក្នុងដប់ទេ ។ ប្រាក់ក្នុងអាជីវកម្មត្រូវបានប្រើដើម្បីបង់ចំណាយអាជីវកម្ម ប្រាក់ឈ្នួល និងការពង្រីកអាជីវកម្ម ។
-
-
ពិភាក្សា ៖ចុះបើមិត្តភក្ដិឬ គ្រួសារត្រូវការប្រាក់ ដូចជាបងប្រុសរបស់ ម៉ារៀវិញនោះ ?
សូមឲ្យមនុស្សម្នាក់ក្នុងក្រុម អាន ឬសង្ខេបរឿងប្រៀបធៀបនៃស្ត្រីព្រហ្មចារីដប់នាក់មកពី ម៉ាថាយ ២៥:១–១៣ ។ ហើយមានពេលខ្លះ ដែលយើងពុំអាច ឬពុំគួរចែកចាយទេ ពេលនរណាម្នាក់សុំយើងឲ្យជួយនោះ ?
-
មើល ៖« កុំសម្លាប់មាន់ ៖ ផ្នែកទី ៣ » ( ពុំមានវីដេអូឬ ? សូមអាន ទំព័រ ៧៨ ) ។
-
ពិភាក្សា ៖តើម៉ារៀបានធ្វើរឿងត្រឹមត្រូវឬទេ ?
ម្ចាស់អាជីវកម្មជោគជ័យពុំលួចពីអាជីវកម្មរបស់ពួកគេទេ ។
-
អាន ៖ម្ចាស់អាជីវកម្មជោគជ័យពុំលួចពីអាជីវកម្មរបស់ពួកគេទេ ។
តើខ្ញុំរក្សាកំណត់ត្រាផ្សេងគ្នាយ៉ាងដូចម្ដេច ?
-
អាន ៖ដូច្នេះ តើខ្ញុំបំបែកប្រាក់អាជីវកម្មចេញពីប្រាក់គ្រួសារយ៉ាងដូចម្ដេច ? យើងរក្សាកំណត់ត្រាផ្សេងគ្នា ! ម៉ារៀ រក្សាកំណត់ត្រាប្រចាំថ្ងៃរាល់ប្រាក់ដែលចូលមកក្នុងអាជីវកម្មរបស់នាង និង ប្រាក់ដែលចាយសម្រាប់អាជីវកម្មទាំងអស់ ។ នាងក៏រក្សាកំណត់ត្រាប្រចាំថ្ងៃរាល់ប្រាក់ដែលចូលមកក្នុងគ្រួសាររបស់នាង និង ប្រាក់ដែលចាយសម្រាប់គ្រួសារទាំងអស់ ។ កំណត់ត្រាទាំងនេះ ហៅថា « កំណត់ត្រាចំណូល និង ចំណាយ » ។ នាងរក្សាកំណត់ត្រាពីរដាច់ដោយឡែកពីគ្នាទាំងស្រុង-- មួយសម្រាប់អាជីវកម្ម ហើយមួយទៀតសម្រាប់ប្រាក់ផ្ទាល់ខ្លួន ។
អ្នកផ្តល់ប្រាក់កម្ចី ជាញឹកញាប់នឹងចង់មើលកំណត់ត្រា ចំណូល និង ចំណាយអាជីវកម្មមួយមុននឹងឲ្យប្រាក់ខ្ចី ។ ការរក្សាកំណត់ត្រាដោយប្រុងប្រយ័ត្ន នឹងជួយយើងត្រៀមខ្លួនជាស្រេច បើសិនជាយើងសម្រេចចិត្តខ្ចីប្រាក់ ដើម្បីពង្រីកអាជីវកម្មរបស់យើង ។
-
អនុវត្ត ៖សូមមើលទៅគំរូនៃកំណត់ត្រាចំណូល និងចំណាយនេះក្នុងអាជីវកម្មរបស់នាង ។ កំណត់ចំណាំថា ថ្ងៃទី ១៦ ខែ សីហា ( ជាថ្ងៃដែលបងប្រុសម៉ារៀ បានមកសុំប្រាក់ ) អាជីវកម្មរបស់ម៉ារៀ ប្រមាណ ៣២០០ នៅក្នុងគណនីធនាគារ ។
កំណត់ត្រាចំណូល និងចំណាយអាជីវកម្មរបស់ម៉ារៀ ៖
កាលបរិច្ឆេទ
ការពិពណ៌នា
ចំណាយ
ចំណូល
តុល្យភាពសាច់ប្រាក់
តុល្យភាពសាច់ប្រាក់ អាជីវកម្មរបស់ម៉ារៀ
២៦០០
ថ្ងៃទី ១៤ ខែសីហា
បានទិញចំណី
-៣០០
២៣០០
ថ្ងៃទី ១៥ ខែសីហា
លក់ស៊ុត
៥០០
២៨០០
ថ្ងៃទី ១៦ ខែសីហា
លក់ស៊ុត
៤០០
៣២០០
ថ្ងៃទី ១៧ ខែសីហា
ប្រាក់ឈ្នួលរបស់ម៉ារៀ
-៣០០០
២០០
ថ្ងៃទី ១៨ ខែសីហា
លក់ស៊ុត
៦០០
៨០០
ថ្ងៃទី ១៩ ខែសីហា
បានទិញចំណី
-៦០០
២០០
ថ្ងៃទី ២០ខែសីហា
លក់ស៊ុត
៧០០
៩០០
កំណត់ត្រាចំណូល និងចំណាយផ្ទាល់ខ្លួនរបស់ម៉ារៀ ៖
កាលបរិច្ឆេទ
ការពិពណ៌នា
ចំណាយ
ចំណូល
តុល្យភាពសាច់ប្រាក់
តុល្យភាពសាច់ប្រាក់ ផ្ទាល់ខ្លួនរបស់ម៉ារៀ
៦០០
ថ្ងៃទី ១៤ ខែសីហា
អាហារ
-១០០
៥០០
ថ្ងៃទី ១៥ ខែសីហា
ថ្លៃសំលៀកបំពាក់
-២០០
៣០០
ថ្ងៃទី ១៦ ខែសីហា
សំបុត្រឡានក្រុង
-២០០
១០០
ថ្ងៃទី ១៧ ខែសីហា
ប្រាក់ឈ្នួល
៣០០០
៣១០០
ថ្ងៃទី ១៧ ខែសីហា
ដង្វាយមួយភាគក្នុងដប់
-៣០០
២៨០០
ថ្ងៃទី ១៩ ខែសីហា
អាហារ
-១៥០០
១៣០០
ថ្ងៃទី ២០ ខែសីហា
ថ្លៃជួលផ្ទះ
-៦០០
៧០០
-
ពិភាក្សា ៖តើនឹងមានរឿងអ្វីចំពោះអាជីវកម្មរបស់ម៉ារៀ បើនាងផ្ដល់ប្រាក់អាជីវកម្មនាងទៅបងប្រុស ១០០០ នោះ ? តើនាងនឹងអាចបង់ប្រាក់ឈ្នួលខ្លួននាង ៣០០០ នៅថ្ងៃស្អែកបានទេ ?
តើម៉ារៀគួរមានអារម្មណ៍ខុសឆ្គងឬទេ បើអាជីវកម្មនាង ពុំផ្ដល់ប្រាក់ទៅដល់សមាជិកគ្រួសារដែលខ្វះខាតនោះ ?
សូមមើលទៅកំណត់ត្រា ទាំងអាជីវកម្ម និងផ្ទាល់ខ្លួន ហើយរកមើលបន្ទាត់ដែលបង្ហាញប្រាក់ឈ្នួលនាង ។ តើអ្នកអាចឃើញទេថា ប្រាក់ឈ្នួលនាងគឺជាចំណាយមួយរបស់អាជីវកម្ម ហើយជាប្រាក់ចំណូលទៅប្រាក់ផ្ទាល់ខ្លួនរបស់នាងឬទេ ?
ប្រាក់ឈ្នួល ឬកម្រៃជើងសារ ?
បើពុំមានសាច់ប្រាក់គ្រប់គ្រាន់នៅក្នុងអាជីវកម្មរបស់ម៉ារៀ ដើម្បីបង់ថ្លៃប្រាក់ឈ្នួលទៀងទាត់មួយទេ នោះនាងអាចបង់ថ្លៃខ្លួននាងជាប្រាក់កម្រៃជើងសារផ្អែកលើការលក់ ។
-
អាន ៖ដូចយើងបានរៀនពីមុន ម៉ារៀគឺត្រូវ ដែលបង់ដង្វាយមួយភាគក្នុងដប់ពីចំណូលផ្ទាល់ខ្លួនរបស់នាង ។
ម្ចាស់អាជីវកម្មជោគជ័យរក្សាកំណត់ត្រាប្រចាំថ្ងៃ ។
តើខ្ញុំបែងចែកប្រាក់របស់ខ្ញុំពីគ្នាយ៉ាងដូចម្ដេច ?
-
អាន ៖សូមហាត់រៀនការបំបែកប្រាក់អាជីវកម្មរបស់យើងចេញពីប្រាក់ផ្ទាល់ខ្លួន ។ ឧទាហរណ៍ដូចខាងក្រោម ស្រមៃថា អ្នកមានអាជីវកម្មមួយដែលលក់ទឹកបរិសុទ្ធ ។
-
មើល ៖« អាជីវកម្មទឹកបរិសុទ្ធរបស់អ្នក » ( ពុំមានវីដែអូឬ ? សូមបន្ដ ) ។
-
អនុវត្ត ៖សូមធ្វើតាមជំហានទាំងប្រាំនេះ ហើយប្រើទម្រង់នៅ ទំព័របន្ទាប់ ដើម្បីញែកប្រាក់អាជីវកម្មរបស់អ្នកចេញពីប្រាក់ផ្ទាល់ខ្លួន ។
-
សូមមើលទៅចំណូល និងចំណាយផ្ទាល់ខ្លួន និងចំណូល និងចំណាយអាជីវកម្មសម្រាប់ថ្ងៃនីមួយៗនៃសប្ដាហ៍នោះ ។
-
សូមកត់ត្រាប្រាក់អាជីវកម្មរបស់អ្នកនៅក្នុងកំណត់ត្រាចំណូល និង ចំណាយក្នុងអាជីវកម្មរបស់អ្នក ។
-
សូមកត់ត្រាប្រាក់ផ្ទាល់ខ្លួនរបស់អ្នកនៅក្នុងកំណត់ត្រាចំណូល និង ចំណាយផ្ទាល់ខ្លួនរបស់អ្នក ។
-
សូមបង្កើតរបាយការណ៍ចំណូលអាជីវកម្មរបស់អ្នកចេញមកពីព័ត៌មាននៅក្នុងកំណត់ត្រាអាជីវកម្មរបស់អ្នក ។
-
សូមបង្កើតរបាយការណ៍ចំណូលផ្ទាល់ខ្លួនរបស់អ្នកចេញមកពីព័ត៌មាននៅក្នុងកំណត់ត្រាផ្ទាល់ខ្លួនរបស់អ្នក ។
សូមពិនិត្យមើលលំហាត់របស់អ្នកជាមួយនឹងគន្លឹះចម្លើយ នៅទំព័រ ៧៩ ។
-
-
ពិភាក្សា ៖តើយើងអាចរៀនអ្វីខ្លះចេញមកពីលំហាត់នេះ ? បើអ្នកធ្វើកំហុស តើអ្នកយល់ថាមកពីមូលហេតុអ្វីទេ ? អ្នកទាំងឡាយដែលយល់ អាចជួយអ្នកទាំងឡាយដែលភាន់ច្រឡំ ។
-
អាន ៖ម្ចាស់អាជីវកម្មជោគជ័យរក្សាកំណត់ត្រាប្រចាំថ្ងៃ ហើយប្រើវាដើម្បីធ្វើការសម្រេចចិត្តលើអាជីវកម្មដោយឈ្លាសវៃ ។
ខណៈដែលម៉ារៀ ពុំរីករាយនឹងការរក្សាកំណត់ត្រា នោះនាងធ្វើឲ្យខ្លួននាងរក្សាកំណត់ត្រាផ្សេងគ្នាសម្រាប់ប្រាក់អាជីវកម្មរបស់នាង និង ប្រាក់ផ្ទាល់ខ្លួនប្រចាំថ្ងៃ ។ នេះគឺជារបៀបដ៏ឈ្លាសវៃដើម្បីធ្វើអាជីវកម្ម !
លើសពីនោះ នាងក៏ដឹងថា បើនាងត្រូវការប្រាក់កម្ចីអាជីវកម្ម នោះអ្នកផ្ដល់ប្រាក់កម្ចីនឹងចង់មើលកំណត់ត្រាប្រចាំថ្ងៃផងដែរ ។
ម្ចាស់អាជីវកម្មជោគជ័យបំបែកកំណត់ត្រាអាជីវកម្ម ផ្សេងពីកំណត់ត្រាផ្ទាល់ខ្លួនរបស់ពួកគេ ។
-
មើល ៖សូមមើលរបៀបដែលដានីយ៉ែល កែលម្អអាជីវកម្មរបស់គាត់ ដោយការប្រើគោលការណ៍នៃភាពខ្លួនទីពឹងខ្លួន រួមទាំងការរក្សាកំណត់ត្រា ។ សូមមើលរឿងជោគជ័យ « ដានីយ៉ែល និងគ្រីស្ទានណា ៖ ហាងទូទៅ » ។ ( ពុំមានវីដេអូឬ ? សូមរំលងទៅ ទំព័របន្ទាប់ ) ។
-
អាន ៖យើងបានរៀនជំនាញសំខាន់មួយចំនួននៅថ្ងៃនេះ ដែលនឹងជួយយើងជោគជ័យ ។ សូមខិតខំធ្វើការនៅសប្ដាហ៍នេះ ដើម្បីធ្វើឲ្យជំនាញទាំងនេះក្លាយជាទម្លាប់មួយ ។ សូមរក្សាគណនីផ្សេងពី កំណត់ត្រាប្រចាំថ្ងៃ !
-
ពិភាក្សា ៖តើនរណា ឬអ្វីដែលអាចនឹងធ្វើឲ្យវាលំបាកសម្រាប់អ្នក ដើម្បីរក្សាកំណត់ត្រាប្រចាំថ្ងៃផ្សេងពីគ្នានោះ ? អ្នកអាចធ្វើផែនការមួយដើម្បីធ្វើឲ្យវាកាន់តែងាយស្រួល ។ អ្នកអាចធ្វើវានៅក្នុងពេលតែមួយរាល់ថ្ងៃ ។ អ្នកអាចរក្សាកំណត់ត្រាក្នុងកន្លែងជាក់លាក់មួយ ។ អ្នកអាចបង្កើតជាការរំឭកសម្រាប់ខ្លួនអ្នក ។ សូមសរសេរផែនការរបស់អ្នកនៅខាងក្រោម ។
តើខ្ញុំបង្ហាញពីអាជីវកម្មរបស់ខ្ញុំយ៉ាងដូចម្ដេច ?
-
អាន ៖សប្ដាហ៍ក្រោយ យើងនឹងធ្វើបទបង្ហាញទៅដល់ក្រុមរបស់យើងអំពីអាជីវកម្មរបស់យើង ។ យើងចង់មានលទ្ធភាពដើម្បីពិពណ៌នាអំពីអាជីវកម្មរបស់យើងទៅអ្នកដទៃ ។ យើងចង់ស្ដាប់យោបល់នានាអំពីអាជីវកម្មរបស់យើង ។
-
អាន ៖ធ្វើតាមការណែនាំទាំងនេះ ឬបង្ហាញតាមរបៀបមួយដែលល្អបំផុតសម្រាប់អ្នក ។
អាជីវកម្មរបស់ខ្ញុំក្នុងបីនាទី--ការណែនាំ
ផ្នែកទី ១
តិចជាងមួយនាទី ពិពណ៌នាពីអាជីវកម្មរបស់អ្នក ។
ផ្នែកទី ២
តិចជាងមួយនាទី ពិពណ៌នាអំពីរបៀបឆ្លើយសំណួរមួយនៃសំណួរខាងក្រោម ដែលបានកែលម្អដល់អាជីវកម្មរបស់អ្នកយ៉ាងខ្លាំង ។
១. តើមនុស្សចង់ទិញអ្វីខ្លះ ?
២. តើខ្ញុំលក់យ៉ាងដូចម្ដេច ?
៣. តើខ្ញុំអាចគ្រប់គ្រងចំណាយរបស់ខ្ញុំយ៉ាងដូចម្ដេច ?
៤. តើខ្ញុំបង្កើនប្រាក់ចំណេញយ៉ាងដូចម្ដេច ?
៥. តើខ្ញុំចាត់ចែងអាជីវកម្មរបស់ខ្ញុំយ៉ាងដូចម្ដេច ?
ផ្នែកទី ៣
តិចជាងមួយនាទី ពិពណ៌នាពីអ្វីមួយដែលអ្នកនឹងធ្វើដើម្បីបន្ដកែលម្អអាជីវកម្មរបស់អ្នក ។
-
អាន ៖
អំឡុងសប្ដាហ៍ សូមគិតអំពីអ្វីដែលអ្នកចង់ចែកចាយ ។ ពិពណ៌នាអំពីអាជីវកម្មរបស់អ្នកនៅក្នុងសៀវភៅកំណត់ចំណាំអាជីវកម្មរបស់អ្នក ។ បើសិនអ្នកចង់ សូមហាត់រៀនធ្វើបទបង្ហាញរបស់អ្នកទៅគ្រួសារ ឬមិត្តភក្ដិរបស់អ្នក ។ សូមមកនៅសប្ដាហ៍ក្រោយ ដោយបានត្រៀមដើម្បីចែកចាយបទបង្ហាញអាជីវកម្មរបស់អ្នក ។