រៀន

ការបោះពុម្ពផ្សាយលើកមុន

ការចាប់ផ្ដើម និង ការពង្រីកអាជីវកម្មរបស់ខ្ញុំ

មាតិកា
បុព្វកថា
តារាងមាតិកា
១ ៖តើខ្ញុំចាប់ផ្ដើម ឬធ្វើឲ្យអាជីវកម្មរបស់ខ្ញុំកាន់តែប្រសើរឡើងយ៉ាងដូចម្ដេច ?
២ ៖ តើមនុស្សចង់ទិញអ្វីខ្លះ ?
៣ ៖ តើខ្ញុំទិញផលិតផលរបស់ខ្ញុំ ហើយកំណត់ថ្លៃលក់ផលិតផលយ៉ាងដូចម្ដេច ?
៤ ៖ តើខ្ញុំដឹងថាអាជីវកម្មរបស់ខ្ញុំកំពុងទទួលបានប្រាក់ចំណេញយ៉ាងដូចម្ដេច ?
៥ ៖ តើខ្ញុំញែកប្រាក់អាជីវកម្មចេញពីប្រាក់គ្រួសាររបស់ខ្ញុំយ៉ាងដូចម្ដេច ?
៦ ៖ តើអាជីវកម្មខ្ញុំកំពុងតែរីកចម្រើនយ៉ាងដូចម្ដេច ?
៧ ៖ តើខ្ញុំនឹងពង្រីកអាជីវកម្មរបស់ខ្ញុំយ៉ាងដូចម្ដេច ?
៨ ៖ តើខ្ញុំគួរតែមានប្រាក់ប៉ុន្មានដើម្បីវិនិយោគពង្រីកអាជីវកម្មរបស់ខ្ញុំ ?
៩ ៖ តើខ្ញុំដឹងថា ខ្ញុំគួរប្រើប្រាក់កម្ចីដើម្បីពង្រីកអាជីវកម្មរបស់ខ្ញុំយ៉ាងដូចម្ដេច ?
១០ ៖ តើខ្ញុំនឹងទាក់ទាញអតិថិជនឲ្យបានកាន់តែច្រើន ហើយបញ្ចប់ការលក់ដូចម្ដេច ?
១១ ៖ តើខ្ញុំនឹងបង្កើនប្រាក់ចំណេញរបស់ខ្ញុំយ៉ាងដូចម្ដេច ?
១២ ៖ តើខ្ញុំបន្ដកែលម្អអាជីវកម្មរបស់ខ្ញុំយ៉ាងដូចម្ដេច ?
តើខ្ញុំមានភាពរីកចម្រើនដែរទេ ?
វិញ្ញាបនបត្របញ្ចប់ការសិក្សា
ផែនទីអាជីវកម្មជោគជ័យ

រៀន

រូបភាព

រូបអំពូលភ្លើងពណ៌ក្រហម

តើខ្ញុំនឹងលក់ឲ្យបានកាន់តែច្រើនយ៉ាងដូចម្ដេច ?

ម៉ោង ៖សូមដាក់ម៉ោងកំណត់ ៦០ នាទីសម្រាប់វគ្គការរៀននេះ ។

មើល ៖« បានលក់ តែខាតឱកាសលក់ ! » ( ពុំមានវីដេអូឬ ? សូមមើល ទំព័រ ១៧៨) ។

អាន ៖នោះគឺងាយស្រួលទេ ។ ម៉ារៀបានលក់ ។ សៀលវីយ៉ា បានទទួលនូវអ្វីដែលនាងចង់បាន ។ ពួកគេទាំងពីរនាក់សប្បាយចិត្ត ដូចគ្នា ។ ប៉ុន្តែម៉ារៀ បានខាតឱកាសលក់ខ្នាតធំ—គឺការលក់បន្ថែមដោយសេវាដឹកជញ្ជូន ។ ការបន្ថែមសេវាដឹកជញ្ជូន នឹងអនុញ្ញាតឲ្យម៉ារៀលក់កាន់តែច្រើន ឬ « ផ្តល់ជម្រើសដើម្បីបង្កើនការលក់ » សម្រាប់សៀលវីយ៉ា ។

« ផ្តល់ជម្រើសដើម្បីបង្កើនការលក់ » មានន័យថា ជាការផ្ដល់ដល់អតិថិជននូវជម្រើសទិញផលិតផលកាន់តែច្រើន ឬកាន់តែល្អជាងអ្វីដែលពួកគេនឹងទិញ ។

ឧទាហរណ៍ ៖

បន្ថែមទៀត ៖ ផ្ដល់ភេសជ្ជៈ ឬនំប៉័ងទៅអតិថិជនដែលទិញត្រីងៀត ។
កាន់តែប្រសើរ ៖ ផ្ដល់នូវម៉ាស៊ីនដេរគុណភាពខ្ពស់ ដល់អតិថិជន ដែលគិតទិញម៉ាស៊ីនដេរគុណភាពទាប ។

មើល ៖« ផ្តល់ជម្រើសដើម្បីបង្កើនការលក់ » ( ពុំមានវីដេអូឬ ? សូមមើល ទំព័រ ១៧៨) ។

ពិភាក្សា ៖តើម៉ារៀអាចផ្តល់ជម្រើសដើម្បីបង្កើនការលក់លើសេវាកម្មដឹកជញ្ជូនដល់សៀលវីយ៉ាយ៉ាងដូចម្ដេច ? តើឧទាហរណ៍មួយចំនួននៃការផ្តល់ជម្រើសដើម្បីបង្កើនការលក់ដែលអ្នកបានឃើញមានអ្វីខ្លះ ?

ម្ចាស់អាជីវកម្មជោគជ័យផ្តល់ជម្រើសដើម្បីបង្កើនការលក់ជានិច្ច ។

អាន ៖សំណួរប្រចាំសប្ដាហ៍—តើខ្ញុំនឹងបង្កើតប្រាក់ចំណេញរបស់ខ្ញុំយ៉ាងដូចម្ដេច ?

សកម្មភាពប្រចាំសប្ដាហ៍—ខ្ញុំនឹងសាកល្បងវិធីពីរយ៉ាងដើម្បីផ្តល់ជម្រើសបង្កើនការលក់ ។ ខ្ញុំនឹងសាកល្បងពីរវិធីដើម្បីបន្ថយប្រាក់ចំណាយរបស់ខ្ញុំទាបជាង ។

តើខ្ញុំគួរតែផ្តល់ជម្រើសដើម្បីបង្កើនការលក់លើផលិតផលអ្វីខ្លះ ?

អាន ៖អតិថិជននឹងមិនទិញអ្វីច្រើនតាមដែលយើងផ្ដល់យោបល់នោះទេ ។ វាត្រូវតែជាអ្វីមួយដែលពួកគេចង់បានច្រើនជាងផលិតផលដើម ។

ពួកគេនឹងស្ម័គ្រចិត្តបង់ច្រើនសម្រាប់រឿងដូចជា ៖

ចំណេញពេល
សន្សំប្រាក់
គុណភាព
បរិមាណ
ការបម្រើ
ទំនាក់ទំនង
ល្បឿន
ភាពជឿជាក់
ស្អាត
កេរ្តិ៍ឈ្មោះ

ម្ចាស់អាជីវកម្មជោគជ័យ ស្គាល់អ្វីដែលអតិថិជន ខ្លួនឲ្យតម្លៃ ។

អនុវត្ត ៖តើអតិថិជនរបស់អ្នកនឹងបង់ថ្លៃកាន់តែច្រើនសម្រាប់អ្វីខ្លះ ? តើអ្នកអាចស្វែងយល់យ៉ាងដូចម្ដេច ? សូមជួបជាមួយដៃគូ ហើយពិភាក្សាថាអ្វីដែលអ្នកគិតអំពីអ្វីដែលអតិថិជនរបស់អ្នកឲ្យតម្លៃ ។

សូមប្រើតារាងខាងក្រោម ដើម្បីសរសេរវិធីបីយ៉ាង ដែលអ្នកនឹងស្វែងយល់អំពីអ្វីដែលអតិថិជនរបស់អ្នកឲ្យតម្លៃ ( ឧទាហរណ៍បានផ្ដល់ឲ្យ ) ។

គំនិតរបស់ខ្ញុំអំពីអ្វីដែលអតិថិជនរបស់ខ្ញុំឲ្យតម្លៃ	អ្វីដែលខ្ញុំនឹងសួរ ឬ ធ្វើដើម្បីស្វែងយល់
ខ្ញុំគិតថាអតិថិជនរបស់ខ្ញុំអាចឲ្យតម្លៃលើភាពជឿជាក់ ។	សូមសួរអតិថិជន « បើខ្ញុំធានាថាដឹកជញ្ជូននៅត្រឹមម៉ោង ៥:០០ រាល់ពេល តើអ្នកនឹងចាប់អារម្មណ៍ឬទេ ?
ខ្ញុំគិតថាអតិថិជនរបស់ខ្ញុំអាចឲ្យតម្លៃលើផលិតផលស្រស់ៗ ។	សូមដាក់ស្លាកលើប្រអប់ផ្លែឈើមួយថា « បេះស្រស់ៗព្រឹកនេះ » និង ប្រអប់មួយទៀតថា « បានបេះសប្ដាហ៍នេះ » ។ តើអតិថិជននឹងជ្រើសរើសមួយណា ។

បន្ទាប់ពីសរសេរគំនិតរបស់អ្នក សូមចែកចាយវាជាមួយក្រុម ។

តើតម្លៃនៃផលិតផលដែលផ្តល់ជម្រើសដើម្បីបង្កើនការលក់គួរតែប៉ុន្មាន ?

អាន ៖អតិថិជនអាចនឹងចង់ទិញអ្វីមួយច្រើន ប៉ុន្តែតើពួកគេហ៊ានទិញថ្លៃប៉ុន្មាន ?

តើយើងចង់លក់ថ្លៃប៉ុន្មាន ? យើងត្រូវបង្កើតប្រាក់ចំណេញ ។

ឧទាហរណ៍ ណាអូមី បានសាកល្បងគំនិតរបស់គាត់ ថាអតិថិជនគាត់ឲ្យតម្លៃលើគុណភាព ។ ជាធម្មតា ពួកគេជ្រើសរើសផ្លែឈើដែលត្រូវបាន « បេះស្រស់ៗនាព្រឹកនេះ » ។ បញ្ហាគឺថាការចំណាយរបស់គាត់គឺមានខ្ពស់ជាង ទៅលើផ្លែឈើស្រស់ ។ តាមពិត គាត់បានខាត ។

គាត់បានសម្រេចចិត្តលក់ផ្លែឈើ « ដែលបានបេះសប្ដាហ៍នេះ » សម្រាប់ ១០ ( ប្រាក់ចំណេញ= ១ ) ហើយផ្លែឈើ « ដែលបានបេះស្រស់ពីព្រឹកមិញ » សម្រាប់ ១៣ ( ប្រាក់ចំណេញ=៣ ) ។ គាត់នឹងសាកល្បងផ្តល់ជម្រើសដើម្បីបង្កើនការលក់ទៅលើផ្លែឈើដែលបានបេះស្រស់ៗដល់អតិថិជនរបស់នាង ។

អនុវត្ត ៖សូមជួបដៃគូ ។ សូមរកមើលអ្វីដែលអតិថិជនអ្នកឲ្យតម្លៃមកពីទំព័រមុន ។ សូមសរសេរផលិតផល ឬសេវាកម្ម ដែលអ្នកនឹងផ្តល់ជម្រើសដើម្បីបង្កើនការលក់ ។ សូមប្រើតារាងដូចខាងក្រោមដើម្បីសរសេរថ្លៃរបស់អ្នក ។

ផ្តល់ជម្រើសដើម្បីបង្កើនការលក់	តម្លៃនៃផលិតផលដែលខ្ញុំផ្តល់ជម្រើសដើម្បីបង្កើនការលក់
ខ្ញុំនឹងលក់ផ្លែឈើ « បានបេះស្រស់ៗព្រឹកមិញ » ។	ផ្លែឈើ « បានបេះសប្ដាហ៍នេះ » ថ្លៃ=១០ ( ចំណេញ ១ ) ផ្លែឈើ « បានបេះស្រស់ៗព្រឹកមិញ » ថ្លៃ=១៣ ( ចំណេញ ៣ )
ខ្ញុំនឹងធានាថា ការបោកអ៊ុតគឺហើយត្រឹមម៉ោង ៥:00 ។	តម្លៃការបោកអ៊ុតថ្ងៃបន្ទាប់តាមធម្មតា=២០( ប្រាក់ចំណេញ ៤ ) តម្លៃការបោកអ៊ុតដែលធានាឲ្យទាន់ម៉ោង=២៧( ប្រាក់ចំណេញ ៨ )
ខ្ញុំនឹងលក់សាប៊ូថែស្បែក ។	តម្លៃសាប៊ូធម្មតា=១២( ប្រាក់ចំណេញ ២ ) តម្លៃសាប៊ូថែស្បែក=១៨( ប្រាក់ចំណេញ ៦ )

ពិភាក្សា ៖បន្ទាប់ពីសរសេរគំនិតរបស់អ្នក សូមចែកចាយវាជាមួយក្រុម ។

តើខ្ញុំនឹងផ្តល់ជម្រើសដើម្បីបង្កើនការលក់យ៉ាងដូចម្ដេច ?

អាន ៖តើអ្វី ដែលធ្វើឲ្យអតិថិជនរបស់យើងចង់ទិញកាន់តែច្រើន ? យើងត្រូវការ « ឃ្លាមួយនៃការផ្តល់ជម្រើសដើម្បីបង្កើនការលក់ » ។ ឃ្លាផ្តល់ជម្រើសដើម្បីបង្កើនការលក់អាចមានដូចជា៖ « វាថ្លៃបន្តិចមែន តែ____ » ។ យើងបំពេញនៅក្នុងចន្លោះជាមួយនឹងគុណតម្លៃដែលយើងដឹងថាវាសំខាន់ចំពោះអតិថិជន ។

ឧទាហរណ៍ នៅពេលអតិថិជនរបស់ណាអូមីទៅរកផ្លែឈើ « បេះសប្ដាហ៍នេះ » គាត់និយាយថា « ខ្ញុំបានបេះផ្លែឈើស្រស់ៗព្រឹកនេះ » ។

បន្ទាប់មក នាងបន្ថែមឃ្លាផ្តល់ជម្រើសដើម្បីបង្កើនការលក់ថា« វាថ្លៃបន្ដិចមែន តែវាស្រស់ៗជាង » ។

ម្ចាស់អាជីវកម្មជោគជ័យ ធ្វើឲ្យមានភាពងាយស្រួលដើម្បីទិញពីពួកគេ ។

អនុវត្ត ៖សូមគិតអំពីអាជីវកម្មផ្ទាល់របស់អ្នក ។ សូមគិតអំពីផលិតផលដែលផ្តល់ជម្រើសដើម្បីបង្កើនការលក់របស់អ្នក ។ តើអ្នកនឹងនិយាយអ្វីខ្លះ ដើម្បីផ្តល់ជម្រើសបង្កើនការលក់ដល់អតិថិជនអ្នក ? សូមប្រើតារាងខាងក្រោម ដើម្បីបង្កើតឃ្លាផ្តល់ជម្រើសដើម្បីបង្កើនការលក់របស់អ្នក ( ឧទាហរណ៍បានផ្ដល់ឲ្យ ) ។

សរសេរឃ្លាផ្តល់ជម្រើសដើម្បីបង្កើនការលក់
ផលិតផល ឬសេវាកម្មដំបូងគេ	ផលិតផល ឬសេវាកម្មផ្តល់ជម្រើសដើម្បីបង្កើនការលក់	តើអ្វីដែលអតិថិជនខ្ញុំឲ្យតម្លៃ ?	ឃ្លាផ្តល់ជម្រើសដើម្បីបង្កើនការលក់
ផ្លែឈើ « បេះសប្តាហ៍នេះ »	ផ្លែឈើ « បេះស្រស់ៗព្រឹកនេះ »	គុណភាព ( ភាពស្រស់ )	វាថ្លៃបន្តិចមែន តែវាស្រស់ជាង ។
ទឹកដោះគោកន្លះលីត្រថ្លៃ ៣	ទឹកដោះគោមួយលីត្រថ្លៃ ៥	សន្សំប្រាក់	វាថ្លៃបន្ដិចមែន ប៉ុន្តែអ្នកទទួលបានទ្វេរដងដោយគ្រាន់តែបង់២ទៀតប៉ុណ្ណោះ ។
សាប៊ូធម្មតា	សាប៊ូថែស្បែក	គុណភាព	វាថ្លៃបន្ដិចមែន តែវាល្អប្រសើរណាស់សម្រាប់ស្បែករបស់អ្នក ។
សេវាកម្មបោកអ៊ុត	អ៊ុតខោអាវ	ចំណេញពេល	វាថ្លៃបន្ដិចមែន តែវាចំណេញពេលអ្នកច្រើន ។

តើខ្ញុំនឹងលក់ផលិតផលរបស់ខ្ញុំកាន់តែលឿនយ៉ាងដូចម្ដេច ?

អាន ៖ម្ចាស់អាជីវកម្មជោគជ័យ លក់កាន់តែច្រើនដល់អតិថិជនម្នាក់ៗ ដូច្នេះពួកគេអាច « បង្វិលសន្និធិ » បានឆាប់ ។ ដើម្បី « បង្វិលសន្និធិ » មានន័យថា លក់ផលិតផលទាំងអស់ ដែលយើងទិញមកពីអ្នកផ្គត់ផ្គង់ទំនិញរបស់យើង ។ យើងអាចប្រើបច្ចេកទេសផ្តល់ជម្រើសដើម្បីបង្កើនការលក់ ដើម្បីលក់កាន់តែច្រើនដល់អតិថិជន ។

ម្ចាស់អាជីវកម្មជោគជ័យ បង្វិលសន្និធិញឹកញាប់ ។

មើល ៖« បង្វិលសន្និធិឲ្យបានឆាប់ » ( ពុំមានវីដេអូឬ ? សូមអាន ទំព័រ ១៧៩ ) ។

ពិភាក្សា ៖តើម៉ារៀបង្វិលសន្និធិរបស់នាងបានឆាប់យ៉ាងដូចម្ដេច ? តើការណ៍នេះបង្កើនប្រាក់ចំណេញរបស់នាងយ៉ាងដូចម្ដេច ?

ពីមុន	អ្វីដែលម៉ារៀបានធ្វើ	បន្ទាប់
ម៉ារៀ បានបង់ថ្លៃទៅអ្នកផ្គង់ផ្គង់ទឹកដោះគោអស់ ១៧ សម្រាប់ទឹកដោះគោមួយលីត្រ ។	នាងបាននិយាយទៅអ្នកផ្គត់ផ្គង់ទំនិញនាងអំពីការបញ្ចុះតម្លៃ ពេលនាងទិញដុំ ។	ឥឡូវនាងបង់ថ្លៃ ១៥ ក្នុងមួយលីត្រ ។
ម៉ារៀបង្កើនសន្និធិរបស់នាងដោយការទិញជាដុំ ។ នាងពុំចាំបាច់ផ្លាស់ប្ដូរថ្លៃរបស់នាងទេ ។ វាចំណាយពេលយូរជាងដើម្បីបង្វិលសន្និធិរបស់នាង ហើយទឹកដោះគោខ្លះបានខូច ។	នាងបានប្រើបច្ចេកទេសផ្តល់ជម្រើសដើម្បីបង្កើនការលក់ ៖ បើពួកគេទិញពីរលីត្រ ឬច្រើនជាងនេះ នោះពួកគេនឹងទទួលការបញ្ចុះតម្លៃ ។	ឥឡូវនាងបង្វិលសន្និធិរបស់នាងក្នុងពីរថ្ងៃ ។ គ្មានទឹកដោះគោខូចទេ ។ នាងមានប្រាក់ទិញបន្ថែមទៀត ។ ហើយនាងរកប្រាក់បានច្រើន ។

អាន ៖ផលិតផលពិសេសមួយចំនួន ចំណាយពេលយូរដើម្បីលក់ដាច់ ហើយនោះវាមិនអីទេ ។ ប៉ុន្តែ បើយើងមានផលិតផលដែលមិនលក់ដាច់ នោះវាមានន័យថា ប្រាក់អាជីវកម្មដ៏មានតម្លៃរបស់យើង គឺជាប់គាំងនៅក្នុងសន្និធិនោះ រហូតដល់វាលក់ដាច់ ។

ពិភាក្សា ៖ជាមួយដៃគូ សូមពិភាក្សាអំពីសំណួរពីរដូចខាងក្រោម ។ សូមសរសេរគំនិតរបស់អ្នក ។

តើខ្ញុំអាចបង្វិលសន្និធិរបស់ខ្ញុំបានឆាប់យ៉ាងដូចម្ដេច ?
តើខ្ញុំអាចកាត់បន្ថយសន្និធិនៃផលិតផលរបស់ខ្ញុំដែលពុំលក់ដាច់យ៉ាងដូចម្ដេច ?

តើខ្ញុំនឹងបន្ទាបថ្លៃយ៉ាងដូចម្ដេច ?

អាន ៖ការបង្វិលសន្និធិឆាប់បង្កើនប្រាក់ចំណេញរបស់យើង ។ យើងក៏អាចធ្វើឲ្យអាជីវកម្មរបស់យើងទទួលបានប្រាក់ចំណេញកាន់តែច្រើន ដោយការបន្ទាបការចំណាយ ។

អនុវត្ត ៖សូមជួបដៃគូ ។ សូមប្តូរវេនគ្នាអានវិធីនានាដើម្បីកាត់បន្ថយចំណាយខាងក្រោម ។ សូមសរសេរវិធីដទៃទៀតដែលអ្នកអាចកាត់បន្ថយចំណាយ។

ថេរ	ប្រែប្រួល
ទទួលប្រយោជន៍ពីអ្វីដែលយើងបានមាន ថ្លៃជួលផ្ទះ	ចរចារជាមួយអ្នកផ្គត់ផ្គង់ទំនិញ ប្រើអ្នកផ្គត់ផ្គង់ទំនិញចម្រុះគ្នា

សូមត្រឡប់ទៅក្រុមទាំងមូល ហើយចែកចាយគំនិតរបស់អ្នក ។

អាន ៖យើងក៏អាចគិតអំពីវិធីនានាដែលយើងអាចចៀសពីការចំណាយផងដែរ ។

អនុវត្ត ៖ណាអូមី កំពុងគិតអំពីការប្រើអ្នកជួយពីរនាក់ ៖ សាំយូអែល និង យ៉ូសែប ។

នាងនឹងជួលសាំយូអែលដើម្បីធ្វើការនៅហាងផ្លែឈើរបស់នាងបួនម៉ោងរាល់ថ្ងៃ ( ចំណាយថេរ ) ។ នាងនឹងពុំជួលយ៉ូសែប ប៉ុន្តែនាងនឹងហៅគាត់តែពេលធ្វើការដឹកជញ្ជូនចាំបាច់ប៉ុណ្ណោះ ( ចំណាយប្រែប្រួល ) ។

ជួបនឹងមនុស្សពីរនាក់ទៀត ហើយពិភាក្សាអំពីវិធីចៀសវាង ឬកាន់បន្ថយចំណាយថេរ និងចំណាយប្រែប្រួលរបស់ណាអូមី ។

អនុវត្ត ៖ឥឡូវ ដល់វេនអ្នក ។ សូមសរសេរចំណាយប្រែប្រួល និងចំណាយថេរក្នុងអាជីវកម្មរបស់អ្នក ។ សូមជួបដៃគូ ហើយពិភាក្សាអំពីវិធីនានាដើម្បីកាត់បន្ថយចំណាយទាំងនេះ ។

ថេរ	ប្រែប្រួល