រៀន
តើអ្វីៗគ្រប់យ៉ាងនឹងត្រូវគ្នាយ៉ាងដូចម្ដេច ?
-
ម៉ោង ៖សូមដាក់ម៉ោងកំណត់ ៦០ នាទីសម្រាប់វគ្គការរៀននេះ ។
-
មើល ៖« យើងអាចធ្វើដូចនេះបាន ! » ( ពុំមានវីដេអូឬ ? សូមអាន ទំព័រ ១៩២ ) ។
-
អនុវត្ត ៖អាជីវកម្មរបស់ម៉ារៀ គឺប្រសើរជាងកាលពី ១២ សប្ដាហ៍កន្លងទៅ ។ តើអាជីវកម្មរបស់អ្នក ប្រសើរជាងកាលពី ១២ សប្ដាហ៍កន្លងទៅយ៉ាងដូចម្ដេច ? ជួបនឹងសមាជិកក្រុម ។ ដកយកផែនទីអាជីវកម្មជោគជ័យរបស់អ្នកចេញមក ។ សូមសួរថា « តើមាន______( អ្វីមួយចេញពីផែនទីនេះ ) ជួយកែលម្អដល់អាជីវកម្មអ្នកយ៉ាងដូចម្ដេច ?
ឧទាហរណ៍ « តើការប្រើប្រាស់អ្នកផ្គត់ផ្គង់ទំនិញចម្រុះគ្នាបានកែលម្អដល់អាជីវកម្មអ្នកយ៉ាងដូចម្ដេច ? »
សូមប្តូរវេនសួរគ្នាទៅវិញមកនូវសំណួរផ្សេងទៀតសម្រាប់រយៈពេលពីរនាទី ។
-
អាន ៖យើងអាចធ្វើដូចនេះបាន ! យើងបានជោគជ័យច្រើន ។ យើងបានចាប់ផ្ដើម ហើយបានពង្រីកអាជីវកម្មរបស់យើង ! យើងចាំបាច់ត្រូវបន្ដកែលម្អអាជីវកម្មរបស់យើង ហើយបង្កើនប្រាក់ចំណេញរបស់យើង ។
-
អាន ៖សំណួរប្រចាំសប្ដាហ៍—តើខ្ញុំនឹងបង្កើតប្រាក់ចំណេញរបស់ខ្ញុំយ៉ាងដូចម្ដេច ? តើខ្ញុំអាចបន្ដការរៀន និងការកែលម្អយ៉ាងដូចម្ដេច ?
សកម្មភាពប្រចាំសប្ដាហ៍-- ខ្ញុំនឹងដាក់គោលដៅសម្រាប់អាជីវកម្មរបស់ខ្ញុំ ។ ខ្ញុំនឹងរៀបចំបទបង្ហាញមួយអំពីអាជីវកម្មរបស់ខ្ញុំ ។
តើខ្ញុំនឹងសម្រេចគោលដៅអាជីវកម្មរបស់ខ្ញុំយ៉ាងដូចម្ដេច ?
-
ពិភាក្សា ៖សូមអានពាក្យដកស្រង់នៅខាងស្តាំ ។ តើគោលដៅ « បានបំផុសការនឹកគិតរបស់អ្នក ហើយបង្កើតជាក្ដីរំភើបនៅក្នុងដួងចិត្តអ្នកឬទេ ? »
-
អនុវត្ត ៖សូមសរសេរគោលដៅបីដែលអ្នកមានសម្រាប់អាជីវកម្មរបស់អ្នក ។ សូមចំណាយពេលពីរនាទី ។
សូមជួបនឹងមនុស្សពីរនាក់ ។ សូមមើលទៅគោលដៅនៅខាងក្រោម ។
ខ្ញុំចង់ធ្វើឲ្យល្អប្រសើរ ក្នុងការគ្រប់គ្រងប្រាក់របស់ខ្ញុំ ដោយសារជាញឹកញាប់ ខ្ញុំពុំមានប្រាក់គ្រប់គ្រាន់ដើម្បីបង់ថ្លៃការចំណាយទាំងអស់របស់ខ្ញុំទេ លុះត្រាតែខ្ញុំខ្ចីពីគ្រួសាររបស់ខ្ញុំ ដែលពេលខ្លះមានការលំបាក ដោយសារពួកគេពុំមានប្រាក់គ្រប់គ្រាន់ជានិច្ចនោះទេ ។
ខ្ញុំនឹងបង្កើនប្រាក់ចំណេញទេ្វរដងនៅខែក្រោយ ។
សូមឆ្លើយសំណួរដូចខាងក្រោម ។ សូមពិភាក្សាមូលហេតុដែលអ្នកជ្រើសរើសចម្លើយនីមួយៗ ។
-
តើគោលដៅមួយណាគួរឲ្យចាប់អារម្មណ៍ជាងគេ ?
-
តើគោលដៅមួយណា ងាយចងចាំជាងគេ ?
-
តើគោលដៅមួយណា ងាយស្រួលវាស់វែងជាងគេ ( ដោយដឹងពីពេលវេលាដែលអ្នកបានសម្រេចគោលដៅ ? )
ម្ចាស់អាជីវកម្មជោគជ័យដាក់គោលដៅដ៏គួរឲ្យចាប់អារម្មណ៍ និងអាចវាស់វែងបាន ។
-
-
អាន ៖ម្ចាស់អាជីវកម្មជោគជ័យ ដាក់គោលដៅដ៏គួរឲ្យចាប់អារម្មណ៍ ងាយចងចាំ ហើយងាយវាស់វែង ។
-
អនុវត្ត ៖សូមសរសេរគោលដៅបីសម្រាប់អាជីវកម្មរបស់អ្នកឡើងវិញ ។ សូមចំណាយពេលពីរនាទីដើម្បីដាក់គោលដៅដ៏គួរឲ្យចាប់អារម្មណ៍ងាយចងចាំ និងងាយវាស់វែងរបស់អ្នក ។
ឥឡូវ សូមអ្នកទាំងអស់គ្នាក្រោកឈរឡើង ហើយបិទសៀវភៅលំហាត់អ្នក ។ សូមងាកទៅអ្នកដែលនៅជិតអ្នក ហើយប្រាប់មនុស្សម្នាក់នោះនូវគោលដៅដ៏គួរឲ្យចាប់អារម្មណ៍បំផុតរបស់អ្នក ។ សូមឆាប់ផ្លាស់ពីមួយទៅមួយរហូតដល់អ្នកបានចែកចាយជាមួយមនុស្សគ្រប់គ្នា ។
សូមត្រឡប់មកក្រុមទាំងមូលវិញ ។ សូមចែកចាយជាមួយនរណាម្នាក់អំពីគោលដៅផ្សេងទៀត ជាមួយក្រុម ( កុំចែកចាយខ្លួនអ្នកផ្ទាល់ឡើយ ) ។
-
ពិភាក្សា ៖តើគោលដៅរបស់អ្នកដ៏គួរឲ្យចាប់អារម្មណ៍ ងាយចងចាំ និងងាយវាស់វែងដែរឬទេ ?
-
អាន ៖គោលដៅមិនកើតឡើងដោយសារយើងចង់ឲ្យវាកើតឡើងទេ ។ យើងត្រូវតែធ្វើការខ្លាំងដើម្បីសម្រេចគោលដៅយើង ។ សូមអានពាក្យដកស្រង់របស់ប្រធានម៉នសុននៅខាងស្តាំ ។
-
អនុវត្ត ៖សូមសរសេរគោលដៅបីរបស់អ្នកម្ដងទៀតនៅខាងក្រោមនេះ ។ សូមសរសេរនូវអ្វីដែលអ្នកដាក់ផែនការដើម្បីធ្វើឲ្យសម្រេចគោលដៅរបស់អ្នក ( ឧទាហរណ៍បានផ្ដល់ឲ្យ ) ។
គោលដៅ
តើខ្ញុំនឹងសម្រេចគោលដៅរបស់ខ្ញុំយ៉ាងណា ?
ខ្ញុំនឹងបង្កើតប្រាក់ចំណេញខ្ញុំទ្វេរដងនៅខែក្រោយ ដោយការបើកតូបមួយនៅតាមផ្លូវ ។
ខ្ញុំនឹងឲ្យកូនប្រុសរបស់ខ្ញុំកាន់អាជីវកម្មរបស់ខ្ញុំ ខណៈដែលខ្ញុំស្វែងរកកន្លែងល្អថ្មីមួយសម្រាប់តូបថ្មីខ្ញុំ ។
ខ្ញុំនឹងផ្ដល់ជាប៉ាន់គំរូ ដូច្នេះមនុស្សនឹងដឹងថាទិញអ្វីពីខ្ញុំ ។
ម្ចាស់អាជីវកម្មជោគជ័យពុំដែលចុះចាញ់ឡើយ ។
-
អាន ៖យើងប្រហែលជាមានការលំបាក និងការខកចិត្ត ពេលយើងធ្វើតាមគោលដៅរបស់យើង ។ ម្ចាស់អាជីវកម្មជោគជ័យ ពុំដែលបោះបង់ ហើយពួកគេរៀបផែនការដើម្បីយកឈ្នះការលំបាក ។ សូមអានរឿងខាងក្រោម ។
-
សូមសរសេរ ៖សូមចែកចាយគំនិតសម្រាប់វិធីនានាដែលអ្នកអាចយកឈ្នះលើការលំបាកដើម្បីសម្រេចគោលដៅរបស់អ្នក ។ សូមចងចាំថា ព្រះអម្ចាស់អាចជួយអ្នក ហើយថាអ្នកដទៃអាចជួយអ្នក ។ សូមសរសេរគំនិតរបស់អ្នកនៅខាងក្រោម ។
តើខ្ញុំអាចរៀបចំខ្លួនរបៀបណាដើម្បីបានទទួលសញ្ញាបត្រ ?
-
អាន ៖ជាផ្នែកនៃការបញ្ចប់ការសិក្សានេះ យើងម្នាក់ៗនឹងឈរឡើង ហើយពិពណ៌នាអំពីអាជីវកម្មរបស់យើងទៅម្ចាស់អាជីវកម្មដទៃទៀត សមាជិកគ្រួសារ និងមិត្តភក្ដិ ។ នៅពេលអ្នកមើលវីដេអូ សូមមើលតាមនូវការណែនាំដូចខាងក្រោម ។
-
មើល ៖« អាជីវកម្មរបស់ខ្ញុំក្នុងប្រាំនាទី » ( ពុំមានវីដេអូឬ ? អ្នកសម្របសម្រួលអាចអាន ទំព័រ ១៩៣ ខណៈដែលអ្នកផ្សេងទៀតផ្ទៀងតាមការណែនាំខាងក្រោម ) ។
អាជីវកម្មរបស់ខ្ញុំក្នុងប្រាំនាទី ៖ សេចក្តីណែនាំ
ផ្នែកទី ១ ៖
តិចជាងមួយនាទី ពិពណ៌នាពីអាជីវកម្មរបស់អ្នក ។
ផ្នែកទី ២ ៖
តិចជាងមួយនាទី ពិពណ៌នាអំពីរបៀបឆ្លើយសំណួរមួយនៃសំណួរខាងក្រោម ដែលបានកែលម្អដល់អាជីវកម្មរបស់អ្នកយ៉ាងខ្លាំង ៖
-
តើមនុស្សចង់ទិញអ្វីខ្លះ ?
-
តើខ្ញុំលក់យ៉ាងដូចម្ដេច ?
-
តើខ្ញុំអាចគ្រប់គ្រងចំណាយរបស់ខ្ញុំយ៉ាងដូចម្ដេច ?
-
តើខ្ញុំបង្កើនប្រាក់ចំណេញយ៉ាងដូចម្ដេច ?
-
តើខ្ញុំចាត់ចែងអាជីវកម្មរបស់ខ្ញុំយ៉ាងដូចម្ដេច ?
ផ្នែកទី 3 ៖
តិចជាងមួយនាទី សូមពិពណ៌នាអំពីរបៀបដែលអ្នកបានបង្កើនប្រាក់សន្សំ និងការរក្សាកំណត់ត្រាហិរញ្ញវត្ថុ ។
-
តើអ្នកបានបន្ថែមទៅក្នុងការសន្សំប្រាក់របស់អ្នកប៉ុន្មានសប្ដាហ៍ហើយ ? ___
-
តើអ្នករក្សាកំណត់ត្រាហិរញ្ញវត្ថុអាជីវកម្មប៉ុន្មានសប្ដាហ៍ហើយ ? ___
-
តើអ្នករក្សាកំណត់ត្រាហិរញ្ញវត្ថុផ្ទាល់ខ្លួនប៉ុន្មានសប្ដាហ៍ហើយ ? ___
ផ្នែកទី ៤ ៖
តិចជាងមួយនាទី ពិពណ៌នាពីអ្វីមួយដែលអ្នកនឹងធ្វើដើម្បីបន្ដកែលម្អអាជីវកម្មរបស់អ្នក ។
ផ្នែកទី ៥ ៖
តិចជាងមួយនាទី សូមពិពណ៌នាគោលដៅអាជីវកម្មមួយ ដែលអ្នកមាន និងរបៀបដែលអ្នកនឹងសម្រេចគោលដៅរបស់អ្នក ។
-
-
អនុវត្ត ៖អំឡុងសប្ដាហ៍ សូមគិតអំពីអ្វីដែលអ្នកចង់ចែកចាយ ។ សូមសរសេរគំនិតនានានៅក្នុងសៀវភៅកំណត់ចំណាំអាជីវកម្មរបស់អ្នក ។ សូមហាត់រៀនធ្វើបទបង្ហាញរបស់អ្នកទៅគ្រួសារ ឬមិត្តភក្ដិរបស់អ្នក ។ សូមមកក្រុមដោយបានត្រៀមដើម្បីចែកចាយបទបង្ហាញអាជីវកម្មរបស់អ្នក ។ ( បើអ្នកចង់ អ្នកអាចប្រើកំណត់ចំណាំ តារាង និងវត្ថុជំនួយផ្សេងទៀត ) ។
តើខ្ញុំនឹងធ្វើអ្វីខ្លះ បន្ទាប់ពីបញ្ចប់ការសិក្សា ?
-
អាន ៖ម្ចាស់អាជីវកម្មជោគជ័យ បន្ដព្យាយាមរៀនសូត្រ ។ យើងអាចរៀនចេញពីសៀវភៅ ម្ចាស់អាជីវកម្មផ្សេងទៀត ពីថ្នាក់រៀន និងពីគ្នាទៅវិញទៅមក ។
ឧទាហរណ៍ អ្នកអាចនឹងពិចារណាចុះបញ្ជីអាជីវកម្មស្របច្បាស់របស់អ្នក ។ សូមពិភាក្សារឿងនេះជាមួយសមាជិកក្រុមរបស់អ្នក ឬសមាជិកនៃក្រុមប្រឹក្សាអាជីវកម្មមួយ អាចជួយអ្នកដឹងថា ពេលណា និងរបៀបណាដើម្បីធ្វើវា ។
ម្ចាស់អាជីវកម្មជោគជ័យ រៀនជាបន្ដបន្ទាប់ ។
-
ពិភាក្សា ៖តើអ្នកចង់បន្ដជួបជាក្រុមឬទេ ? តើអ្នកចង់ជួបក្រុមដទៃទៀតក្នុងស្ដេកឬទេ ?
-
អាន ៖បើអ្នកជ្រើសរើសបន្ដការជួប នោះយើងអាចបង្កើតរបៀបវារៈផ្ទាល់ខ្លួនយើង ឬធ្វើតាមរបៀបវារៈមួយដូចនេះ ៖
តើខ្ញុំកំពុងតែមានភាពខ្លួនទីពឹងខ្លួនកាន់តែច្រើនឬ ?
-
អាន ៖រូបភាពគម្របសៀវភៅមាគ៌ារបស់ខ្ញុំឆ្ពោះទៅកាន់ភាពខ្លួនទីពឹងខ្លួន
គោលដៅរបស់យើងគឺភាពខ្លួនទីពឹងខ្លួន ទាំងខាងសាច់ឈាម និងខាងវិញ្ញាណ ។ ការធ្វើឲ្យអាជីវកម្មរបស់យើងជោគជ័យ គឺមានតែចំណែកនៃគោលដៅនោះប៉ុណ្ណោះ។
-
ពិភាក្សា ៖តើមានការផ្លាស់ប្ដូរអ្វីខ្លះដែលអ្នកឃើញនៅក្នុងជីវិតរបស់អ្នក ពេលអ្នកបានអនុវត្ត និងបានបង្រៀនគោលការណ៍ មូលដ្ឋានគ្រឹះ ?
-
អនុវត្ត ៖សូមបើកកូនសៀវភៅ មាគ៌ារបស់ខ្ញុំឆ្ពោះទៅកាន់ភាពខ្លួនទីពឹងខ្លួន របស់អ្នកទៅកន្លែងវាយតម្លៃភាពខ្លួនទីពឹងខ្លួនដែលនៅទំនេរ ( នៅខាងក្រោយ ) ។ សូមបំពេញជំហាននានា ។
នៅពេលអ្នកធ្វើចប់ សូមចំណាយពេលបីនាទីពិចារណាដូចខាងក្រោម៖
តើឥឡូវអ្នកបានចេះច្រើនអំពីការចំណាយរបស់អ្នកឬទេ ? តើឥឡូវអ្នក អាចឆ្លើយ « ញឹកញាប់ » ឬ « ជានិច្ចជាកាល » ចំពោះសំណួរទាំងនេះភាគច្រើនឬទេ ? តើអ្នកកាន់តែមានទំនុកចិត្តទៅលើចំនួន ដែលអ្នកបានដាក់ជាចំណូលភាពខ្លួនទីពឹងខ្លួនរបស់អ្នកឬទេ ? តើអ្នកជិតទទួលបានចំណូលភាពខ្លួនទីពឹងខ្លួនរបស់អ្នកហើយឬនៅ ? តើខ្ញុំអាចធ្វើអ្វីដើម្បីកែលម្អ ?