រៀន
តើការខ្ចីលុយវាល្អ ឬអាក្រក់ ?
-
ម៉ោង ៖សូមដាក់ម៉ោងកំណត់ ៦០ នាទីសម្រាប់វគ្គការរៀននេះ ។
-
ពិភាក្សា ៖សូមគិតអំពីមនុស្សដែលអ្នកស្គាល់ ដែលបានខ្ចីលុយ ។ តើការខ្ចីលុយជួយពួកគេ ឬបំផ្លាញពួកគេ ?
-
អាន ៖បំណុលគ្រួសារផ្ទាល់ខ្លួន និងបំណុលអាជីវកម្មគឺផ្សេងគ្នា ។
ប្រាក់កម្ចីផ្ទាល់ខ្លួនគឺត្រូវបានប្រើដើម្បីចំណាយច្រើនជាងដែលយើងអាចបង់សងវិញប៉ុណ្ណោះ ។ ប្រាក់កម្ចីអាជីវកម្ម គឺត្រូវបានប្រើដើម្បីយកផលច្រើនជាងដែលយើងមានមធ្យោបាយធ្វើវា ។
សូមអានពាក្យដកស្រង់នៅខាងស្តាំ ។ ពួកព្យាការីបានទូន្មានយើងឲ្យចៀសវាងពីបំណុលផ្ទាល់ខ្លួន ។
បំណុលអាជីវកម្មអាចជួយយើងពង្រីកអាជីវកម្មរបស់យើង ។ ប៉ុន្តែបំណុលអាជីវកម្មពុំមែនជាជម្រើសឈ្លាសវៃជានិច្ចកាលនោះទេ ។ យើងត្រូវតែដឹងនៅពេលណាវា « មានផលប្រយោជន៍ល្អ » ដូចប្រធានប៊ែនសិន បានមានប្រសាសន៍ ។
-
អាន ៖សំណួរប្រចាំសប្ដាហ៍--តើខ្ញុំដឹងថា ខ្ញុំគួរប្រើប្រាក់កម្ចីដើម្បីពង្រីកអាជីវកម្មរបស់ខ្ញុំយ៉ាងដូចម្ដេច ?
សកម្មភាពប្រចាំសប្ដាហ៍-- ខ្ញុំនឹង (១) និយាយជាមួយអតិថិជនយ៉ាងហោចណាស់ ១០ នាក់ ដើម្បីរៀនពីពួកគេ បើពួកគេនឹងទិញច្រើនឬទេ បើខ្ញុំលក់ច្រើននោះ និង (២) ទៅជួបនឹងអ្នកផ្តល់ប្រាក់កម្ចីយ៉ាងហោចណាស់ ៤ នាក់ ហើយសួរពួកគេអំពីតារាងបញ្ជីលក្ខខណ្ឌប្រាក់កម្ចី ។
អំឡុងពេលការប្រជុំនេះ យើងនឹងរៀន ហើយអនុវត្តជំនាញ ដើម្បីជួយយើងដឹងថា បើការខ្ចីលុយ គឺជាគំនិតល្អសម្រាប់អាជីវកម្មយើងឬទេ ។
តើ « ចំណុចត្រឹមត្រូវទាំងបួន » នឹងជួយខ្ញុំសម្រេចចិត្តដោយរបៀបណា ?
-
មើល ៖« ខ្ចីប្រាក់កម្ចីឬទេ ? » ( ពុំមានវីដេអូឬ ? សូមអាន ទំព័រ ១៣៦ ) ។
-
ពិភាក្សា ៖តើអ្នកដឹងថា ប្រាក់កម្ចីមួយនឹងជួយអ្នក ឬបំផ្លាញអ្នកយ៉ាងដូចម្ដេច ?
-
អាន ៖សូមអានឮៗ ហើយពិភាក្សាដោយសង្ខេបនូវ « ចំណុចត្រឹមត្រូវទាំងបួន » នីមួយៗ ។
ចំណុចត្រឹមត្រូវទាំងបួន
១. មូលហេតុត្រឹមត្រូវ
ខ្ចីតែពេលវានឹងជួយអាជីវកម្មរបស់ខ្ញុំរកប្រាក់បានច្រើនប៉ុណ្ណោះ ។
២. ពេលវេលាត្រឹមត្រូវ
ខ្ចីតែពេលខ្ញុំនៅក្នុងអាជីវកម្មយូរល្មមគ្រប់គ្រាន់ដើម្បីស្គាល់អាជីវកម្មខ្ញុំបានល្អ ហើយអាចបង្ហាញថាមានមនុស្សច្រើនល្មម ដែលនឹងទិញអ្វីដែលខ្ញុំកំពុងលក់តែប៉ុណ្ណោះ ។
៣. លក្ខខណ្ឌត្រឹមត្រូវ
ខ្ចីតែពេលខ្ញុំរកបានអ្នកផ្តល់ប្រាក់កម្ចីល្អប៉ុណ្ណោះ ។
៤. ចំនួនត្រឹមត្រូវ
ខ្ចីតែពេលខ្ញុំអាចបង្ហាញថា ខ្ញុំដឹងថា ខ្ញុំអាចបង់សងទៅវិញបានប៉ុណ្ណោះ ។
-
អនុវត្ត ៖នៅពេលអ្នកមើលវីដេអូខាងក្រោម សូមសម្រេចចិត្តបើអ្នកគិតថា ម៉ារៀ និងខាឡូស អាចឆ្លើយសំណួរសម្រាប់ចំណុចត្រឹមត្រូវទាំងបួនដែរឬទេ ។
សូមគូស « បាទ/ច៎ាស » « ទេ » ឬ « មិនប្រាកដ » មកពីម៉ារៀ និងខាឡូស ។
-
មើល ៖« មូលហេតុត្រឹមត្រូវឬទេ ? » ( ពុំមានវីដេអូឬ ? សូមអាន ទំព័រ ១៣៧ ) ។
-
ពិភាក្សា ៖តើម៉ារៀ និងខាឡូស ខ្ចីប្រាក់សម្រាប់មូលហេតុត្រឹមត្រូវឬទេ ? ហេតុអ្វីត្រឹមត្រូវ ឬ ហេតុអ្វីអត់ត្រឹមត្រូវ ?
មូលហេតុខ្ចីប្រាក់
ម៉ារៀ
ខាឡូស
បាទ/ចា៎ស
ទេ
ពុំប្រាកដ
បាទ/ចា៎ស
ទេ
ពុំប្រាកដ
តើខ្ញុំខ្ចីប្រាក់សម្រាប់មូលហេតុអាជីវកម្មកាន់តែល្អ ( ពុំមែនផ្ទាល់ខ្លួន ) ឬទេ ?
តើរបស់ដែលខ្ញុំទិញដោយប្រើប្រាក់កម្ចី រកប្រាក់ឲ្យខ្ញុំបានភ្លាមៗឬទេ ?
តើការទទួលប្រាក់កម្ចីល្អជាងការសន្សំប្រាក់ដើម្បីពង្រីកអាជីវកម្មឬ ?
តើខ្ញុំបានគិតអំពីហានិភ័យទាំងអស់ឬទេ ?
-
មើល ៖« ពេលវេលាត្រឹមត្រូវឬទេ ? » ( ពុំមានវីដេអូឬ ? សូមអាន ទំព័រ ១៣៨ ) ។
-
ពិភាក្សា ៖តើម៉ារៀ និងខាឡូស ខ្ចីប្រាក់នៅពេលវេលាត្រឹមត្រូវឬទេ ? ហេតុអ្វីត្រឹមត្រូវ ឬ ហេតុអ្វីអត់ត្រឹមត្រូវ ?
ពេលវេលាខ្ចីប្រាក់
ម៉ារៀ
ខាឡូស
បាទ/ចា៎ស
ទេ
ពុំប្រាកដ
បាទ/ចា៎ស
ទេ
ពុំប្រាកដ
តើខ្ញុំស្ថិតនៅក្នុងអាជីវកម្មយូរល្មមដើម្បីស្គាល់អាជីវកម្មរបស់ខ្ញុំបានល្អគ្រប់គ្រាន់ឬទេ ?
តើនេះមានចំណែកក្នុងផែនការដែលខ្ញុំត្រូវពង្រីកអាជីវកម្មរបស់ខ្ញុំឬទេ ?
តើខ្ញុំអាចបង្ហាញថា អតិថិជន នឹងទិញច្រើន បើខ្ញុំលក់ច្រើនឬទេ ?
បើខ្ញុំទិញអ្វីមួយសម្រាប់អាជីវកម្មរបស់ខ្ញុំ ( ដូចជាមាន់ ឬឡានដឹកទំនិញ ) តើវានឹងយូរអង្វែងជាងប្រាក់កម្ចីខ្ញុំឬទេ ?
-
មើល ៖« លក្ខខណ្ឌត្រឹមត្រូវឬទេ ? » ( ពុំមានវីដេអូឬ ? សូមអាន ទំព័រ ១៣៩ ) ។
-
ពិភាក្សា ៖តើម៉ារៀ និងខាឡូស ខ្ចីប្រាក់តាមលក្ខខណ្ឌត្រឹមត្រូវឬទេ ? ហេតុអ្វីត្រឹមត្រូវ ឬ ហេតុអ្វីអត់ត្រឹមត្រូវ ?
លក្ខខណ្ឌខ្ចីប្រាក់
ម៉ារៀ
ខាឡូស
បាទ/ចា៎ស
ទេ
ពុំប្រាកដ
បាទ/ចា៎ស
ទេ
ពុំប្រាកដ
តើខ្ញុំអាចសរសេរឈ្មោះអ្នកផ្តល់ប្រាក់កម្ចីល្អឲ្យបានបីទៅប្រាំនាក់ឬទេ ?
តើខ្ញុំស្គាល់ការចំណាយពិតនៃប្រាក់កម្ចីឬទេ ?
តើខ្ញុំអាចពន្យល់រាល់លក្ខខណ្ឌនៃប្រាក់កម្ចីឬទេ ?
តើខ្ញុំអាចពន្យល់ថា ហេតុអ្វីអ្នកផ្តល់ប្រាក់កម្ចីម្នាក់នេះ ល្អជាងម្នាក់ទៀតបានឬទេ ?
-
មើល ៖« ចំនួនត្រឹមត្រូវឬទេ ? » ( ពុំមានវីដេអូឬ ? សូមអាន ទំព័រ ១៤០ ) ។
-
ពិភាក្សា ៖តើម៉ារៀ និងខាឡូស ខ្ចីប្រាក់ក្នុងចំនួនត្រឹមត្រូវឬទេ ? ហេតុអ្វីត្រឹមត្រូវ ឬ ហេតុអ្វីអត់ត្រឹមត្រូវ ?
ចំនួនខ្ចីប្រាក់
ម៉ារៀ ៖
ខាឡូស
បាទ/ចា៎ស
ទេ
ពុំប្រាកដ
បាទ/ចា៎ស
ទេ
ពុំប្រាកដ
តើខ្ញុំបានធ្វើរបាយការណ៍លំហូរសាច់ប្រាក់រយៈពេលប្រាំមួយខែឬទេ ?
តើខ្ញុំអាចបង់សង ហើយនៅរកបានប្រាក់ដែរឬទេ ?
បើខ្ញុំពុំមានការលក់បន្ថែម តើខ្ញុំអាចនៅតែធ្វើការបង់សងប្រាក់កម្ចីបានឬទេ ?
-
អាន ៖យើងរៀនពីរបៀបដើម្បីប្រើរបាយការណ៍លំហូរសាច់ប្រាក់ ដើម្បីដឹងបើយើងនឹងមានសាច់ប្រាក់ល្មមដើម្បីបង់សង ។ នេះនឹងជួយយើងដឹង បើយើងកំពុងខ្ចីក្នុងចំនួនត្រឹមត្រូវឬទេ ។
-
អនុវត្ត ៖បន្ទាប់ពីអ្នកជួបនឹងអ្នកផ្តល់ប្រាក់កម្ចីនៅសប្ដាហ៍នេះ សូមប្រើតារាងលំហូរសាច់ប្រាក់នៅ ទំព័រ ១៤៣ ដើម្បីប្រាកដថាអ្នកអាចមានលទ្ធភាពបង់សង ។ ( សូមមើលរឿងទាំងឡាយដែលយើងបានរៀនកាលពីសប្ដាហ៍មុន បើអ្នកត្រូវការជំនួយក្នុងការបង្កើតរបាយការណ៍លំហូរសាច់ប្រាក់ ) ។
នៅពេលម៉ារៀពុំប្រាកដអំពីចម្លើយចំពោះសំណួរមួយនៃសំណួអំពីចំណុចត្រឹមត្រូវទាំងបួន នោះនាងបង្កើតផែនការមួយដើម្បីស្វែងរកចម្លើយ ។
មុនពេលយើងខ្ចីប្រាក់ យើងគួរតែស្វែងរកចម្លើយផងដែរ បើយើងពុំប្រាកដប្រជានោះ ។ សូមសួរសមាជិកក្រុម ឬអ្នកដទៃទៀតឲ្យជួយបើចាំបាច់ ។
តើខ្ញុំគួរខ្ចីប្រាក់សម្រាប់អាជីវកម្មរបស់ខ្ញុំឬទេ ?
-
អនុវត្ត ៖នេះជាឧបករណ៍ខ្លះៗដើម្បីប្រើអំឡុងសប្ដាហ៍ ដើម្បីប្រមូលព័ត៌មាន និងធ្វើការសម្រេចចិត្ត ។ សូមទៅ ទំព័រ ១៤១–៤៣ ។ សូមចំណាយពេលប្រាំនាទី រកមើលបញ្ជីចំណុចត្រឹមត្រូវទាំងបួន និងតារាងបញ្ជីលក្ខខណ្ឌប្រាក់កម្ចី ហើយពិភាក្សាអំពីរបៀបប្រើវា ។
តារាងបញ្ជីលក្ខខណ្ឌប្រាក់កម្ចី
រូបភាពទំព័រសូមមើល ទំព័រ ១៤២ ។
អំឡុងសប្ដាហ៍នេះ សូមប្រើតារាងបញ្ជីលក្ខខណ្ឌប្រាក់កម្ចីនេះ ដើម្បីរៀនអំពីអ្នកផ្តល់ប្រាក់កម្ចីយ៉ាងហោចណាស់មានអ្នកផ្តល់ប្រាក់កម្ចីចំនួន ៤ នាក់ ។
ព័ត៌មានអ្នកផ្តល់ប្រាក់កម្ចី
រូបភាពទំព័រសូមមើលក្រដាសចែកមកពីអ្នកសម្របសម្រួល។ បើពុំមានទេនោះ សូមសួរម្ចាស់អាជីវកម្មផ្សេងទៀតសម្រាប់ផ្ដល់យោបល់អំពីអ្នកផ្តល់ប្រាក់កម្ចីល្អ នៅក្នុងតំបន់របស់អ្នក ។
អំឡុងសប្ដាហ៍ ចូរប្រើព័ត៌មាននេះដើម្បីរក និងទាក់ទងអ្នកផ្តល់ប្រាក់កម្ចី ។
លំហូរសាច់ប្រាក់រយៈពេលប្រាំមួយខែ
រូបភាពទំព័រសូមមើល ទំព័រ ១៤៣ ។
សូមប្រើប្រាស់បញ្ជីនេះដើម្បីបង្កើតរបាយការណ៍លំហូរសាច់ប្រាក់ដើម្បីដឹងថា អ្នកអាចមានលទ្ធភាពទទួលប្រាក់កម្ចីមួយណា ។