រៀន
តើខ្ញុំចង់បានអាជីវកម្មនេះឬទេ ?
-
ម៉ោង ៖សូមដាក់ម៉ោងកំណត់ ៦០ នាទីសម្រាប់វគ្គការរៀននេះ ។
-
មើល ៖« ឡានដឹកទំនិញធំជាងនេះឬ ? » ( ពុំមានវីដេអូឬ ? សូមអាន ទំព័រ 42 ) ។
-
អាន ៖បើបុរសទាំងពីរនាក់នេះអាចដឹកឪឡឹក២០០ ផ្លែនៅក្នុងឡានដឹកទំនិញមួយ នោះការគណនានឹងមានដូចខាងក្រោម ៖
-
ពិភាក្សា ៖តើឡានដឹកទំនិញធំជាងនឹងជួយឬទេ ? ហេតុអ្វីជួយ ឬ ហេតុអ្វីមិនជួយ ?
-
អាន ៖សំណួរប្រចាំសប្ដាហ៍--តើខ្ញុំទិញផលិតផលរបស់ខ្ញុំ ហើយកំណត់ថ្លៃលក់ផលិតផលយ៉ាងដូចម្ដេច ?
សកម្មភាពប្រចាំសប្ដាហ៍--ខ្ញុំនឹងរកប្រភពមួយសម្រាប់ទំនិញរបស់ខ្ញុំ និងជ្រើសរើសថ្លៃ ។
-
អាន ៖អំឡុងការប្រជុំនេះ អ្នកនឹងរៀន ហើយអនុវត្តជំនាញដើម្បីជួយអ្នកឆ្លើយសំណួរទាំងនេះ ហើយអនុវត្តសកម្មភាពទាំងនេះ ។
-
អនុវត្ត ៖បន្ទាប់មក អំឡុងសប្ដាហ៍ក្រោយនេះ អ្នកនឹងរៀនរបៀបដើម្បីនិយាយជាមួយនឹងអ្នកផ្គត់ផ្គង់ទំនិញ ដើម្បី « ទិញបានថោក » ឬទិញក្នុងតម្លៃទាប ។ អ្នកក៏នឹងរៀនផងដែរអំពីរបៀបកំណត់ថ្លៃដើម្បី « លក់បានថ្លៃ »-- ដើម្បីបានប្រាក់ចំណេញ ។
សូមអានវគ្គការចំណាយ និង ការលក់នៃ ផែនទីអាជីវកម្មជោគជ័យ ។
តើខ្ញុំអាចបង្កើតប្រាក់ចំណេញយ៉ាងដូចម្ដេច ?
-
អាន ៖បុរសលក់ឪឡឹក ចាំបាច់ត្រូវចាប់ផ្ដើមរកប្រាក់ចំណេញពីអាជីវកម្មឪឡឹករបស់ពួកគេ ។
មានរបៀបពីយ៉ាងដើម្បីទទួលបានចំណេញ ។
បន្ទាបថ្លៃទិញ ( ថ្លៃដែលអ្នកបង់ទៅអ្នកផ្គត់ផ្គង់ទំនិញ ) ។
បង្កើនថ្លៃលក់ ( ថ្លៃដែលអ្នកគិតពីអតិថិជន ) ។
ពេលខ្លះ អ្នកអាចធ្វើទាំងពីរ ៖ ទិញថោក ហើយ លក់ថ្លៃ !
ម្ចាស់អាជីវកម្មដ៏ជោគជ័យ ទិញថោក ហើយលក់ថ្លៃ ។
-
អាន ៖យើងពុំមានការគ្រប់គ្រងរើនលើថ្លៃលក់ ឬការចំណាយរបស់យើងឡើយ ។ យើងមានការគ្រប់គ្រងខ្លះៗ ។ ម្ចាស់អាជីវកម្មដ៏ជោគជ័យ ព្យាយាមបង្កើតថ្លៃលក់ ហើយបន្ទាបថ្លៃទិញ ។
-
ពិភាក្សា ៖តើអ្នកមានគិតអំពីអាជីវកម្មដែលអ្នកទិញអាហារប្រេងសាំង និងសំលៀកបំពាក់របស់អ្នក បង្កើតប្រាក់ចំណេញដែរឬទេ ?
-
អាន ៖នេះគឺជាមូលហេតុមួយទៀត ដើម្បីទិញថោក ហើយលក់ថ្លៃ ។ រាល់អាជីវកម្មទាំងអស់ មានការចំណាយច្រើន មិនត្រឹមតែការចំណាយលើផលិតផលនោះទេ ។
សូមគិតអំពីអ្នកលក់ឪឡឹក ។ សន្មត់ថាពួកគេរៀនអំពីរបៀបទិញបានថោក ហើយលក់បានថ្លៃ ។ ទោះជាយ៉ាងណា ពួកគេមានការចំណាយផ្សេងទៀត ដូចជាការដឹកជញ្ជូន និងប្រាក់ឈ្នួល ។ សូមមើលរឿងនេះឡើងវិញ ។
-
អាន ៖តាមរយៈការទិញបានថោក ហើយលក់បានថ្លៃ នោះបុរសនោះ អាចទូរទាត់ការចំណាយនានាឲ្យថ្លៃឈ្នួលដល់ខ្លួនឯង ហើយនៅបង្កើតបានប្រាក់ចំណេញបន្ដិចបន្ដួច ។ នេះគឺជាការចាប់ផ្ដើមធ្វើអាជីវកម្មពិតមួយ !
-
ពិភាក្សា ៖បើអ្នកនៅក្នុងអាជីវកម្មសេវាកម្ម តើអ្នកអាចធ្វើអ្វីខ្លះ ដើម្បីគ្រប់គ្រងចំណាយ ហើយទទួលបានប្រាក់ចំណេញច្រើន ?
តើខ្ញុំបន្ថយការចំណាយយ៉ាងដូចម្ដេច ?
-
មើល ៖« កុំបិទអាជីវកម្មរបស់អ្នកឡើយ » ( ផ្នែកទី ១ និង ២) ( ពុំមានវីដេអូឬ ? សូមអាន ទំព័រ ៤៣ ) ។
-
ពិភាក្សា ៖តើអ្នកគួរនឹងធ្វើអ្វីខ្លះ ? តើអ្នកគួរមានអ្នកផ្គត់ផ្គង់ទំនិញប៉ុន្មាននាក់ ?
តើខ្ញុំធ្វើការជាមួយអ្នកផ្គត់ផ្គង់ទំនិញយ៉ាងដូចម្ដេច ?
-
អាន ៖វាសំខាន់សម្រាប់យើងដើម្បីនិយាយនឹងអ្នកផ្គត់ផ្គង់ទំនិញរបស់យើង ។
-
មើល ៖« និយាយទៅកាន់អ្នកផ្គង់ផ្គង់ទំនិញ » (ពុំមានវីដេអូឬ? សូមបន្ដអាន ) ។
-
អាន ៖សប្ដាហ៍នេះ សូមនិយាយជាមួយមនុស្សដែលអាចផ្គត់ផ្គង់ទំនិញផលិតផលដល់អ្នក ឬគ្រឿងផ្សំផលិតផលរបស់អ្នក ។ បើអ្នកកំពុងផ្ដល់សេវាកម្ម សូមនិយាយនឹងមនុស្សដែលនឹងជួយអ្នកផ្ដល់សេវាកម្មរបស់អ្នក ។ សូមសរសេរអ្វីដែលអ្នកបានរៀននៅក្នុងសៀវភៅកំណត់ចំណាំអាជីវកម្មរបស់អ្នក ។
-
អនុវត្ត ៖សូមហាត់សួរសំណួរដែលអ្នកនឹងសួរដល់អ្នកផ្គត់ផ្គង់ទំនិញនៅសប្ដាហ៍នេះ ជាមួយនឹងដៃគូ ។ សូមពន្យល់ដៃគូរបស់អ្នកអំពីប្រភេទអ្នកផ្គត់ផ្គង់ទំនិញដែលអ្នកចាំបាច់និយាយជាមួយសម្រាប់អាជីវកម្មរបស់អ្នក ។ សូមប្តូរវេនសួរសំណួរ ហើយផ្ដល់មតិកែលម្អដែលជាជំនួយ ។ សូមកត់ចំណាំនៅក្នុងសៀវភៅកំណត់ចំណាំអាជីវកម្មរបស់អ្នក ។ សូមសួរសំណួរជាក់លាក់ដែលនឹងជួយអ្នកកែលម្អអាជីវកម្មរបស់អ្នក។
-
ពិភាក្សា ៖ពេលគ្រប់គ្នាបានហាត់ជាមួយគ្នាយ៉ាងហោចណាស់បានម្ដងហើយ ៖
តើអ្នកនឹងធ្វើអ្វីខ្លះ ពេលអ្នកនិយាយនឹងអ្នកផ្គត់ផ្គង់ទំនិញក្នុងសប្ដាហ៍នេះ ? តើអ្នកមានសំណួរណាផ្សេងទៀត សួរទៅពួកគេឬទេ ? សូមសរសេរគំនិតអ្នកនៅត្រង់នេះ ឬនៅក្នុងសៀវភៅកំណត់ចំណាំអាជីវកម្មរបស់អ្នក ៖
តើខ្ញុំកំណត់តម្លៃដើម្បីបង្កើនប្រាក់ចំណេញយ៉ាងដូចម្ដេច ?
-
អាន ៖ម្ចាស់អាជីវកម្មទាំងអស់ត្រូវតែរកចំណូលបានច្រើនជាងការចំណាយរបស់វា ។ យើងដឹងពីរបៀបដែលយើងនឹងនិយាយជាមួយអ្នកផ្គត់ផ្គង់ទំនិញដើម្បីស្វែងរកផលិតផលដែលមានគុណភាពហើយមានតម្លៃថោក ឬទិញបានថោក ។ ឥឡូវ តើយើងនឹងកំណត់តម្លៃរបស់យើង ឬលក់តម្លៃប៉ុណ្ណា ? នៅពេលយើងធ្វើការសម្រេចចិត្តនេះ អំឡុងសប្ដាហ៍ យើងម្នាក់ៗអាចសួរថា ៖
-
តើការចំណាយល្អបំផុតប៉ុន្មាន ដែលខ្ញុំអាចទទួលបានមកពីអ្នកផ្គត់ផ្គង់ទំនិញរបស់ខ្ញុំ ?
-
តើខ្ញុំមានការចំណាយផ្សេងទៀតឬទេ ? ( ទឹកភ្លើង សម្ភារ ថ្លៃជួល ។ ល ។ )
-
តើថ្លៃឈ្នួលអ្វីខ្លះ ដែលខ្ញុំចាំបាច់ត្រូវគិតឲ្យខ្លួនខ្ញុំ និងអ្នកដទៃ ?
-
តើខ្ញុំអាចបន្ថែមគុណតម្លៃ ហើយធ្វើឲ្យផលិតផលខ្ញុំខុសប្លែកពីគេយ៉ាងដូចម្ដេច ? ភាពងាយស្រួល សេវាកម្ម រាក់ទាក់ និងគុណភាព អាចជាការបន្ថែមគុណតម្លៃ ហើយធ្វើឲ្យខ្ញុំប្លែកពីគេ ។
-
តើគូប្រកួតប្រជែងគិតថ្លៃអ្វីខ្លះ ? តើខ្ញុំអាចយកថ្លៃច្រើន ផ្ដោតទៅលើការបន្ថែមគុណតម្លៃឬទេ ?
-
សូមផ្ដល់នូវកត្តាទាំងអស់នេះ ឲ្យបានច្រើនតាមដែលអាចធ្វើបាន តើខ្ញុំអាចធ្វើឲ្យមានប្រាក់ចំណេញប៉ុន្មាន ដើម្បីធ្វើឲ្យអាជីវកម្មរបស់ខ្ញុំអាចពង្រីក និងទទួលជោគជ័យបាននោះ ?
-
-
អនុវត្ត ៖សូមអានរឿងខាងក្រោម ហើយពិភាក្សាជាមួយដៃគូ អំពីតម្លៃប៉ុន្មាន ដែលអតិថិជនរបស់ហ្គ្រេស អាចនឹងយល់ព្រមទិញទឹករបស់នាង ។
ហ្គ្រេស ទិញទឹក ៖
៥ ក្នុងមួយដប
ថ្លៃឈ្នួលនាង មធ្យោបាយធ្វើដំណើរ និងថ្លៃចំណាយដឹកជញ្ជូន ៖
២ ក្នុងមួយដប
គូប្រកួតប្រជែងលក់ទៅអតិថិជន ៖
៨-១០ ក្នុងមួយដប
នាងចាំបាច់ត្រូវបង្កើតប្រាក់ចំណេញឲ្យបានច្រើនតាមដែលអាចធ្វើទៅបាន ៖
? ក្នុងមួយដប
សូមប្រាប់តម្លៃដល់ក្រុមដែលអ្នកសម្រេចចិត្តឲ្យ ហ្គ្រេស គួរតែកំណត់តម្លៃនោះសម្រាប់ឲ្យនាងលក់ទឹក ហើយហេតុអ្វី ។
-
ពិភាក្សា ៖តើហ្គ្រេស អាចរកឃើញថាអតិថិជនប៉ុន្មាននាក់នឹងយល់ព្រមទិញយ៉ាងដូចម្ដេច ?
តើអ្នកអាចគ្រប់គ្រងចំណាយ បន្ថែមគុណតម្លៃនិងកំណត់តម្លៃត្រឹមត្រូវ យ៉ាងដូចម្តេច ដើម្បីឲ្យអាជីវកម្មរបស់អ្នក អាចបង្កើនបានប្រាក់ចំណេញ ?