បុព្វកថា
តើក្រុមនេះអាចជួយខ្ញុំចាប់ផ្ដើម ឬពង្រីកអាជីវកម្មមួយបានដែរឬទេ ?
វាពុំងាយស្រួលទេដើម្បីចាប់ផ្ដើម ឬពង្រីកអាជីវកម្មមួយ ប៉ុន្តែក្រុមភាពខ្លួនទីពឹងខ្លួនរបស់អ្នក នឹងជួយអ្នករៀនធ្វើការសម្រេចចិត្តធ្វើអាជីវកម្មដ៏ឈ្លាសវៃ ។ នៅក្នុងការប្រជុំក្រុម អ្នកនឹងតាំងចិត្តឲ្យធ្វើសកម្មភាពជាក់លាក់នានា ។ ក្រុមនឹងផ្ដល់គំនិតថ្មីៗហើយលើកទឹកចិត្តអ្នក ។ គោលដៅនៃក្រុមនេះ គឺពុំគ្រាន់តែជួយអ្នកជាមួយនឹងអាជីវកម្មរបស់អ្នកប៉ុណ្ណោះទេ តែវាក៏ជួយអ្នកធ្វើការគោរពប្រតិបត្តិកាន់តែខ្លាំង និងមានជំនឿកាន់តែខ្លាំងទៅលើព្រះអម្ចាស់ ហើយទទួលពរជ័យដែលបានសន្យារបស់ទ្រង់ ទាំងភាពខ្លួនទីពឹងខ្លួនខាងសាច់ឈាម និងខាងវិញ្ញាណ ។
តើក្រុមភាពខ្លួនទីពឹងខ្លួននេះគឺជាអ្វី ?
ក្រុមភាពខ្លួនទីពឹងខ្លួនមួយ គឺវាខុសពីថ្នាក់រៀន មេរៀន ឬវគ្គបណ្ដុះបណ្ដាលក្នុងសាសនាចក្រផ្សេងៗ ។ វាគ្មានគ្រូបង្រៀន អ្នកដឹកនាំ ឬអ្នកបំពាក់បំប៉នទេ ។ សមាជិកក្នុងក្រុមរៀនជាមួយគ្នា ហើយគាំទ្រ និងលើកទឹកចិត្តគ្នាទៅវិញទៅមក ។ យើងទទួលខុសត្រូវចំពោះគ្នាទៅវិញទៅមកសម្រាប់ការតាំងចិត្តរបស់យើង ហើយយើងប្រឹក្សាជាមួយគ្នាដើម្បីដោះស្រាយបញ្ហា ។
តើសមាជិកក្រុមធ្វើអ្វីខ្លះ ?
នៅក្នុងការប្រជុំ សមាជិកក្រុមតាំងចិត្តដើម្បីធ្វើសកម្មភាព ។ យើងពុំគ្រាន់តែ រៀនទេ តែក៏ ធ្វើ អ្វីៗដែលធ្វើឲ្យយើងមានភាពខ្លួនទីពឹងខ្លួនផងដែរ ។ យើងធ្វើការតាំងចិត្ត ជួយគ្នាទៅវិញទៅមករក្សាការតាំងចិត្ត ហើយរាយការណ៍ពីការរីកចម្រើនរបស់យើង ។ ដោយសារក្រុមធ្វើការជាក្រុមប្រឹក្សាមួយ នោះវាសំខាន់ដើម្បីចូលរួមការប្រជុំជាទៀងទាត់ និងទាន់ពេលវេលា ។ សូមនាំយកសៀវភៅលំហាត់នេះ និងកូនសៀវភៅ មូលដ្ឋានគ្រឹះរបស់ខ្ញុំ ៖ គោលការណ៍ ជំនាញ ទម្លាប់ និង មាគ៌ារបស់ខ្ញុំឆ្ពោះទៅកាន់ភាពខ្លួនទីពឹងខ្លួន មកជាប់នឹងខ្លួនជានិច្ច ។ ការប្រជុំក្រុមនីមួយៗគួរតែចំណាយពេលប្រហែលជាពីរម៉ោង ។ ការអនុវត្តនូវការតាំងចិត្តរបស់យើង នឹងចំណាយពេលមួយម៉ោងទៅពីរម៉ោងក្នុងមួយថ្ងៃ ។
តើអ្នកសម្របសម្រួលធ្វើអ្វីខ្លះ ?
អ្នកសម្របសម្រួល ពុំមែនជាអ្នកជំនាញនៅក្នុងអាជីវកម្ម ឬការបង្រៀនទេ។ ពួកគាត់ពុំដឹកនាំ ឬបង្រៀនក្រុមឡើយ ។ ពួកគាត់គ្រាន់តែជួយក្រុមឲ្យធ្វើតាមឯកសារបានត្រឹមត្រូវនៅពេលពួកគេសរសេរប៉ុណ្ណោះ ។ អ្នកជំនាញខាងភាពខ្លួនទីពឹងខ្លួន ជួយសម្រួលការប្រជុំក្រុម តែទោះជាយ៉ាងណា សមាជិកក្រុមអាចត្រូវបានចាត់ឲ្យសម្របសម្រួលបើថ្នាក់នោះក្រោយពីរៀនបានច្រើនសប្តាហ៍មក បើអាចធ្វើបាន ។ ដើម្បីរៀនបន្ថែម សូមមើល មគ្គុទេសន៍អ្នកដឹកនាំ និង វីដេអូដែលអមមកជាមួយនៅគេហទំព័រ srs.lds.org។
វិញ្ញាបនបត្របញ្ចប់ការសិក្សា
សមាជិកក្រុមដែលចូលរួមការប្រជុំ និង រក្សាការតាំងចិត្ត នឹងមានភាពសក្តសិមដើម្បីទទួលបាននូវវិញ្ញាបនបត្រពីរមកពីមហាវិទ្យាល័យពាណិជ្ជកម្ម អិល.ឌី.អេស ៖ វិញ្ញាបនបត្រនៅក្នុងអាជីវកម្មសហគ្រិនភាព ( សូមមើល ទំព័រ ១៩៧–៩៨ សម្រាប់តម្រូវការនានា ) និង វិញ្ញាបនបត្រភាពខ្លួនទីពឹងខ្លួន ( សូមមើល ទំព័រ ២៩ នៅក្នុង មូលដ្ឋានគ្រឹះរបស់ខ្ញុំ) ។