រៀន

ការចាប់ផ្ដើម និង ការពង្រីកអាជីវកម្មរបស់ខ្ញុំ

មាតិកា
បុព្វកថា
តារាងមាតិកា
១ ៖តើខ្ញុំចាប់ផ្ដើម ឬធ្វើឲ្យអាជីវកម្មរបស់ខ្ញុំកាន់តែប្រសើរឡើងយ៉ាងដូចម្ដេច ?
២ ៖ តើមនុស្សចង់ទិញអ្វីខ្លះ ?
៣ ៖ តើខ្ញុំទិញផលិតផលរបស់ខ្ញុំ ហើយកំណត់ថ្លៃលក់ផលិតផលយ៉ាងដូចម្ដេច ?
៤ ៖ តើខ្ញុំដឹងថាអាជីវកម្មរបស់ខ្ញុំកំពុងទទួលបានប្រាក់ចំណេញយ៉ាងដូចម្ដេច ?
៥ ៖ តើខ្ញុំញែកប្រាក់អាជីវកម្មចេញពីប្រាក់គ្រួសាររបស់ខ្ញុំយ៉ាងដូចម្ដេច ?
៦ ៖ តើអាជីវកម្មខ្ញុំកំពុងតែរីកចម្រើនយ៉ាងដូចម្ដេច ?
៧ ៖ តើខ្ញុំនឹងពង្រីកអាជីវកម្មរបស់ខ្ញុំយ៉ាងដូចម្ដេច ?
៨ ៖ តើខ្ញុំគួរតែមានប្រាក់ប៉ុន្មានដើម្បីវិនិយោគពង្រីកអាជីវកម្មរបស់ខ្ញុំ ?
៩ ៖ តើខ្ញុំដឹងថា ខ្ញុំគួរប្រើប្រាក់កម្ចីដើម្បីពង្រីកអាជីវកម្មរបស់ខ្ញុំយ៉ាងដូចម្ដេច ?
១០ ៖ តើខ្ញុំនឹងទាក់ទាញអតិថិជនឲ្យបានកាន់តែច្រើន ហើយបញ្ចប់ការលក់ដូចម្ដេច ?
១១ ៖ តើខ្ញុំនឹងបង្កើនប្រាក់ចំណេញរបស់ខ្ញុំយ៉ាងដូចម្ដេច ?
១២ ៖ តើខ្ញុំបន្ដកែលម្អអាជីវកម្មរបស់ខ្ញុំយ៉ាងដូចម្ដេច ?
តើខ្ញុំមានភាពរីកចម្រើនដែរទេ ?
វិញ្ញាបនបត្របញ្ចប់ការសិក្សា
ផែនទីអាជីវកម្មជោគជ័យ

រៀន

រូបភាព

រូបអំពូលភ្លើងពណ៌បៃតង

« តើខ្ញុំអាចមានលទ្ធភាពទិញទ្រព្យសកម្មកាន់តែច្រើនឬទេ ?

ម៉ោង ៖សូមដាក់ម៉ោងកំណត់ទៅ ៦០ នាទីសម្រាប់ការរៀនវគ្គនេះ » ។

អាន ៖វិធីមួយដើម្បីពង្រីកអាជីវកម្មរបស់យើង គឺដើម្បីបន្ថែមទ្រព្យសកម្មដែលឲ្យផលច្រើន ។ មុនពេលយើងបន្ថែមទ្រព្យសកម្មដែលឲ្យផលច្រើនទៅដល់អាជីវកម្មរបស់យើង នោះយើងចាំបាច់ត្រូវដឹងថា តើយើងអាចមានលទ្ធភាពឬអត់ ។

មើល ៖« តើខ្ញុំអាចមានលទ្ធភាពទិញទ្រព្យសកម្មកាន់តែច្រើនឬទេ ? ( ផ្នែកទី ១ ) » ( ពុំមានវីដេអូឬ ? សូមអាន ទំព័រ ១២២ ) ។

ពិភាក្សា ៖តើម៉ារៀអាចរកឃើញថា នាងនឹងមានប្រាក់គ្រប់គ្រាន់ដើម្បីបង់សងប្រាក់កម្ចីយ៉ាងដូចម្ដេច ?

អាន ៖ម្ចាស់អាជីវកម្មជោគជ័យ ត្រូវប្រាកដថាពួកគេអាចមានលទ្ធភាពកែលម្អដល់អាជីវកម្មរបស់ពួកគេ មុនពេលពួកគេធ្វើវា ។

ម្ចាស់អាជីវកម្មជោគជ័យ ធ្វើការវិនិយោគដោយឈ្លាសវៃ ។

អាន ៖សំណួរប្រចាំសប្ដាហ៍-- តើខ្ញុំអាចមានលទ្ធភាពខ្ចីប្រាក់កម្ចីដើម្បីទិញទ្រព្យសកម្មមួយបានឬទេ ?

សកម្មភាពប្រចាំសប្ដាហ៍--ខ្ញុំនឹងបង្កើតរបាយការណ៍លំហូរសាច់ប្រាក់ ដើម្បីយល់កាន់តែល្អ អំពីអនាគតនៃអាជីវកម្មរបស់ខ្ញុំ ។

អាន ៖របាយការណ៍លំហូរសាច់ប្រាក់ គឺជាឧបករណ៍៍មួយ ដែលជួយអ្នកមើលទៅលើអាជីវកម្មរបស់អ្នក ដើម្បីអ្នកអាចប្រាប់ពីវិធីដើម្បីពង្រីកអាជីវកម្មរបស់អ្នក ។ មានជំហានបីយ៉ាងសម្រាប់ការបង្កើតលំហូរសាច់ប្រាក់ ។

ជំហានទី ១ ប្រើរបាយការណ៍ចំណូលពីមុនរបស់អ្នក មើលទៅលើស្នាដៃការងារកន្លងមករបស់អាជីវកម្មអ្នក ។
ជំហានទី ២ មើលទៅអនាគតអាជីវកម្មរបស់អ្នក ដោយការសួរខ្លួនអ្នកនូវសំណួរនេះ ៖ « តើចំណូល និង ចំណាយរបស់ខ្ញុំវានឹងយ៉ាងម៉េចដែរនៅពេលអនាគត ? »
ជំហានទី ៣ គិតរកមើលថាអ្នកនឹងមានសាច់ប្រាក់ដែលមានប៉ុន្មាននៅពេលអនាគត ។

របាយការណ៍លំហូរសាច់ប្រាក់ អាចជួយអ្នកសម្រេចចិត្តពីរបៀបផ្សេងៗ ដើម្បីពង្រីកអាជីវកម្មរបស់អ្នក ដូចជាការបន្ថែមទៅក្នុងការជ្រើសរើសផលិតផលរបស់អ្នក ការបន្ថយចំណាយការបង្កើនចំណូល និងការវាយតម្លៃពីប្រាក់កម្ចីដែលមាន ។

មើល ៖សូមមើលរឿងជោគជ័យមួយ « រ៉ូសាននី ៖ អាហារក្ដៅ » ដើម្បីមើលពីរបៀបទទួលបានប្រាក់កម្ចី បានជួយរ៉ូសាននី ពង្រីកអាជីវកម្មរបស់នាងយ៉ាងណា ។ ( ពុំមានវីដេអូឬ ? សូមរំលងទៅ ទំព័របន្ទាប់ ) ។

តើមានសាច់ប្រាក់ប៉ុន្មានបច្ចុប្បន្ននេះ ?

មើល ៖« តើមានសាច់ប្រាក់ប៉ុន្មាន ? ( ពុំមានវីដេអូឬ ? សូមបន្ដ ) ។

បន្ទាប់ពីអ្នកមើលវីដេអូហើយ សូមរំឭកទំព័រនេះ ដើម្បីអ្នកអាចចងចាំពីអ្វីដែលអ្នកបានរៀន ។

អាន ៖ដើម្បីដឹងថា ម៉ារៀមានសាច់ប្រាក់គ្រប់គ្រាន់ដើម្បីពង្រីកអាជីវកម្មរបស់ខ្លួន នាងចាំបាច់ត្រូវដឹងចំណុចទាំងបីនេះ ៖ អតីតកាល អនាគត និង លំហូរសាច់ប្រាក់ ។

នាងអាចរកឃើញចំណុចទាំងបីនេះ តាមរយៈការបង្កើតរបាយការណ៍លំហូរសាច់ប្រាក់ ។

ជំហានទី ១ ៖ អតីតកាល

ប្រើរបាយការណ៍ចំណូលរបស់នាង ម៉ារៀ សរសេរទុកចំណូលរបស់នាង ចំណាយថេរ ចំណាយប្រែប្រួល និងចំណេញ ឬប្រាក់ខាតសម្រាប់រយៈពេលពីរខែកន្លងទៅ ។

	២ ខែមុន	ខែមុន
ចំណូល	៤៤០០	៤៤០០
ចំណាយថេរ	-៣៣០០	-៣៣០០
ចំណាយប្រែប្រួល	-១០០០	-១០០០
ចំណេញ ( ឬខាត )	១០០	១០០

សាច់ប្រាក់ដើមគ្រា

សាច់ប្រាក់ដែលមាន

ពិភាក្សា ៖សូមមើលទៅរបាយការណ៍លំហូរសាច់ប្រាក់របស់ម៉ារៀនៅខាងលើ ។ តើចំណូលរយៈពេលពីរខែកន្លងទៅប្រាប់ម៉ារៀអំពីអាជីវកម្មរបស់នាងអ្វីខ្លះ ?

ជំហានទី ២ ៖ អនាគត

ផ្អែកទៅលើចំនួនកាលពីពីរខែមុន ម៉ារៀសរសេរអ្វីដែលនាងគិតពីចំណូលអនាគតរបស់នាង ចំណាយថេរ ចំណាយប្រែប្រួល និងប្រាក់ចំណេញ ឬប្រាក់ខាត នឹងកើតឡើង ។

	២ ខែមុន	ខែមុន	ខែនេះ	ខែក្រោយ	ខែ ៣	ខែ ៤	ខែ ៥	ខែ ៦
ចំណូល	៤៤០០	៤៤០០	៤៤០០	៤៤០០	៤៤០០	៤៤០០	៤៤០០	៤៤០០
ចំណាយថេរ	-៣៣០០	-៣៣០០	-៣៣០០	-៣៣០០	-៣៣០០	-៣៣០០	-៣៣០០	-៣៣០០
ចំណាយប្រែប្រួល	-១០០០	-១០០០	-១០០០	-១០០០	-១០០០	-១០០០	-១០០០	-១០០០
ចំណេញ ( ឬខាត )	១០០	១០០	១០០	១០០	១០០	១០០	១០០	១០០

សាច់ប្រាក់ដើមគ្រា

សាច់ប្រាក់ដែលមាន

ម៉ារៀគ្មានផែនការដើម្បីធ្វើការផ្លាស់ប្ដូរណាមួយទៅលើអាជីវកម្មរបស់នាងទេ ដូច្នេះនាងគិតពីចំណូល និង ចំណាយរបស់នាងសម្រាប់ប្រាំមួយខែក្រោយ នឹងដូចគ្នា កាលពីពីរខែមុន ។

ពិភាក្សា ៖សូមមើលទៅរបាយការណ៍លំហូរសាច់ប្រាក់របស់ម៉ារៀនៅខាងលើ ។ តើប្រាក់ចំណេញប្រចាំខែរបស់ម៉ារៀផ្លាស់ប្ដូរឬទេ ?

ជំហានទី ៣ ៖ សាច់ប្រាក់ដែលមាន

សាច់ប្រាក់ដើមគ្រា គឺជាអ្វីដែលម៉ារៀ មាននៅក្នុងធនាគរនៅពេលដើមខែ ។ នៅក្នុងករណីនេះ នាងចាប់ផ្ដើមជាមួយសាច់ប្រាក់ ៥០ ។

	២ ខែមុន	ខែមុន	ខែនេះ	ខែក្រោយ	ខែ ៣	ខែ ៤	ខែ ៥	ខែ ៦
ចំណូល	៤៤០០	៤៤០០	៤៤០០	៤៤០០	៤៤០០	៤៤០០	៤៤០០	៤៤០០
ចំណាយថេរ	-៣៣០០	-៣៣០០	-៣៣០០	-៣៣០០	-៣៣០០	-៣៣០០	-៣៣០០	-៣៣០០
ចំណាយប្រែប្រួល	-១០០០	-១០០០	-១០០០	-១០០០	-១០០០	-១០០០	-១០០០	-១០០០
ចំណេញ ( ឬខាត )	១០០	១០០	១០០	១០០	១០០	១០០	១០០	១០០

សាច់ប្រាក់ដើមគ្រា	៥០	១៥០	២៥០	៣៥០	៤៥០	៥៥០	៦៥០	៧៥០
	១០០	១០០	១០០	១០០	១០០	១០០	១០០	១០០
សាច់ប្រាក់ដែលមាន	១៥០	២៥០	៣៥០	៤៥០	៥៥០	៦៥០	៧៥០	៨៥០

រាល់ខែនាងបានបន្ថែមប្រាក់ចំណេញប្រចាំខែរបស់នាងទៅក្នុងសាច់ប្រាក់ដើមគ្រា ដើម្បីនាងអាចមានប្រាក់ ( ៥០ + ១០០ = ១៥០ ) ។

សាច់ប្រាក់ដែលមាន បានក្លាយជាសាច់ប្រាក់ដើមគ្រាសម្រាប់ខែក្រោយ ( ១៥០ ) ។

ពិភាក្សា ៖សូមមើលទៅរបាយការណ៍លំហូរសាច់ប្រាក់នៅខាងលើ ។ តើម៉ារៀមានប្រាក់ចំនួនប៉ុន្មាននៅចុងប្រាំមួយខែ ?

អាន ៖ឥឡូវដោយម៉ារៀដឹងថានាងនឹងមានប្រាក់ចំនួនប៉ុន្មានក្នុងរយៈពេលប្រាំមួយខែទៀត នោះនាងអាចសម្រេចចិត្តវិធីផ្សេងដើម្បីពង្រីកអាជីវកម្មរបស់នាង ។

តើមានសាច់ប្រាក់ប៉ុន្មាន សម្រាប់ការបង់សងប្រាក់កម្ចី ?

អនុវត្ត ៖ឥឡូវសូមមើលអ្វីកើតឡើងចំពោះលំហូរសាច់ប្រាក់របស់ម៉ារៀ បើនាងខ្ចីប្រាក់ ១៥០០ សម្រាប់រយៈពេល ៦ ខែដើម្បីទិញមាន់ ១៥ ក្បាល ។ សូមមើលទៅលំហូរសាច់ប្រាក់របស់ម៉ារៀនៅខាងស្ដាំ ។ តើម៉ារៀមានលំហូរសាច់ប្រាក់គ្រប់គ្រាន់ សម្រាប់បង់សងប្រាក់កម្ចីនៃ ២៧៥ ឬទេ ? សូមពិនិត្យមើលសាច់ប្រាក់ដែលម៉ារៀមាន ជាមួយនឹងដៃគូ ។

ពិភាក្សា ៖រួមនឹងក្រុមទាំងមូល សូមពិភាក្សាអំពីសំណួរដូចខាងក្រោម ៖ តើម៉ារៀគួរតែធ្វើអ្វី ? តើម៉ារៀគួរសាកល្បងខ្ចីប្រាក់កម្ចីប៉ុន្មានវិញ ? តើនាងអាចសន្សំ ហើយដកសាច់ប្រាក់ទៅទិញមាន់បានឬទេ ?

សូមមើលរបាយការណ៍លំហូរសាច់ប្រាក់របស់ម៉ារៀ

ដោយសារនាងនឹងមានស៊ុតច្រើន នោះម៉ារៀគិតថា រាល់ខែនាងនឹងមានចំណូលបន្ថែមប្រហែលជា ៩០០ ( ថែមចំណូល ៦០ ក្នុងមាន់មួយក្បាល គុណនឹង ១៥ ) ។ ៩០០ បូកនឹងចំណូលបច្ចុប្បន្នរបស់នាង ៤៤០០ គឺស្មើនឹង ៥៣០០ ។
នាងគិតថា ការចំណាយថេររបស់នាងនឹងកើនឡើងទៅដល់ ៣៥០០ ( បន្ថែម ២០០ ទៅការជួលកង់មួយ បូកនឹងចំណាយដែលមានរួចហើយរបស់នាង គឺ ៣៣០០ ) ។
បើនាងយកប្រាក់កម្ចី នោះនឹងមានការចំណាយថេរមួយចំនួន ២៧៥ ផងដែរ ( ៣៥០ នៃខែទីមួយ ) ។

	២ ខែមុន	ខែមុន	ខែនេះ	ខែក្រោយ	ខែ ៣	ខែ ៤	ខែ ៥	ខែ ៦	ខែ ៧	ខែ ៨
ចំណូល	៤៤០០	៤៤០០	៥៣០០	៥៣០០	៥៣០០	៥៣០០	៥៣០០	៥៣០០	៥៣០០	៥៣០០
ចំណាយថេរ	-៣៣០០	-៣៣០០	-៣៥០០	-៣៥០០	-៣៥០០	-៣៥០០	-៣៥០០	-៣៥០០	-៣៥០០	-៣៥០០
ការបង់សងប្រាក់កម្ចី			-៣៥០	-២៧៥	-២៧៥	-២៧៥	-២៧៥	-២៧៥
ចំណាយប្រែប្រួល	-១០០០	-១០០០	-១៦០០	-១៦០០	-១៦០០	-១៦០០	-១៦០០	-១៦០០	-១៦០០	-១៦០០
ចំណេញ ( ឬខាត )	១០០	១០០	-១៥០	-៧៥	-៧៥	-៧៥	-៧៥	-៧៥	២០០	២០០

សាច់ប្រាក់ដើមគ្រា	៥០	១៥០	២៥០	១០០	២៥	-៥០	-១២៥	-២០០	-២៧៥	-៧៥
	១០០	១០០	-១៥០	-៧៥	-៧៥	-៧៥	-៧៥	-៧៥	២០០	២០០
សាច់ប្រាក់ដែលមាន	១៥០	២៥០	១០០	២៥	-៥០	-១២៥	-២០០	-២៧៥	-៧៥	១២៥

នាងគិតថា ចំណាយប្រែប្រួលរបស់នាងនឹងកើតឡើងដល់ 1600 ដោយសារមាន 500 បន្ថែមទៅលើចំណីមាន់ និង 100 សម្រាប់ក្មួយរបស់នាងដើម្បីដឹកជញ្ជូនស៊ុត ។
នៅពីរខែដំបូង ម៉ារៀ មានសាច់ប្រាក់គ្រប់គ្រាន់ ដើម្បីធ្វើការបង់សងប្រាក់កម្ចី ។
ទោះជាយ៉ាងណាក៏ដោយ សូមមើលទៅបួនខែមុននៃប្រាក់កម្ចី ( ខែ ៣-៦ ) ។ តើម៉ារៀនឹងមានប្រាក់គ្រប់គ្រាន់ដើម្បីធ្វើការបង់សងប្រាក់កម្ចីទាំងអស់របស់នាងឬទេ ?
បន្ទាប់ពីម៉ារៀបានសងប្រាក់កម្ចីអស់ហើយ តើចំណូលរបស់នាងនឹងកើនឡើងវិញទេ ។ ប៉ុន្តែតើវាយឺតពេលឬទេ ?

មើល ៖« តើខ្ញុំអាចមានលទ្ធភាពទិញទ្រព្យសកម្មកាន់តែច្រើនឬទេ ? ( ផ្នែកទី ២ ) » ( ពុំមានវីដេអូឬ ? សូមអាន ទំព័រ ១២៣ ) ។

អនុវត្ត ៖ឥឡូវសូមមើលអ្វីកើតឡើងចំពោះលំហូរសាច់ប្រាក់របស់ម៉ារៀ បើនាងខ្ចីប្រាក់តិចជាងនេះ គឺខ្ចីតែ ៨០០ សម្រាប់រយៈពេល៦ ខែដើម្បីទិញមាន់ ៨ ក្បាល ។ សូមមើលទៅលំហូរសាច់ប្រាក់របស់ម៉ារៀនៅខាងស្ដាំ ។ តើម៉ារៀមានលំហូរសាច់ប្រាក់គ្រប់គ្រាន់សម្រាប់បង់សងប្រាក់កម្ចីនៃ ៨០០ ឬទេ ? សូមពិនិត្យមើលសាច់ប្រាក់ដែលម៉ារៀមាន ជាមួយនឹងដៃគូ ។

ពិភាក្សា ៖រួមនឹងក្រុមទាំងមូល សូមពិភាក្សាអំពីសំណួរខាងក្រោម ៖ តើម៉ារៀអាចបង់សងប្រាក់កម្ចីច្រើនជាងនេះបានទេ ? តើនាងគួរតែខ្ចីប្រាក់កម្ចីដែលច្រើនជាងនោះឬ ?

អាន ៖នៅក្នុងឧទាហរណ៍នេះ ម៉ារៀ កំពុងប្រើរបាយការណ៍លំហូរសាច់ប្រាក់របស់នាងដើម្បីសម្រេចចិត្ត ថាតើនាងអាចមានលទ្ធភាពទិញមាន់ថ្មីឬទេ ។ នាងអាចនឹងប្រើរបាយការណ៍លំហូរសាច់ប្រាក់ដើម្បីសម្រេចចិត្តធ្វើការផ្លាស់ប្ដូរផ្សេងចំពោះអាជីវកម្មរបស់គាត់ ដូចជាការជួលកង់ ការទិញផ្លាកថ្មី ឬការទិញចំណីផ្សេង ។

មើលរបាយការណ៍លំហូរសាច់ប្រាក់របស់ម៉ារៀ

ម៉ារៀ គិតថា ជាមួយនឹងមាន់ ៨ ក្បាល នាងនឹងរកបានប្រហែលជា ៤៨០ បន្ថែមចូលក្នុងចំណូល( ថែម ៦០ ក្នុងមាន់មួយក្បាល គុណនឹង ៨ ) ។ ៤៨០ បូកនឹងចំណូលបច្ចុប្បន្នរបស់នាង ៤៤០០ គឺស្មើនឹង ៤៨៨០ ។
នាងគិតថា ចំណាយថេររបស់នាង នឹងពុំកើនទេ ពីព្រោះនាងនឹងពុំជួលកង់មួយឡើយ ។
បើនាងយកប្រាក់កម្ចី នោះនឹងមានការចំណាយថេរមួយចំនួន ១៥០ ផងដែរ ( ២៥០ នៃខែទីមួយ ) ។

	២ ខែមុន	ខែមុន	ខែនេះ	ខែក្រោយ	ខែ ៣	ខែ ៤	ខែ ៥	ខែ ៦	ខែ ៧	ខែ ៨
ចំណូល	៤៤០០	៤៤០០	៤៨៨០	៤៨៨០	៤៨៨០	៤៨៨០	៤៨៨០	៤៨៨០	៤៨៨០	៤៨៨០
ចំណាយថេរ	-៣៣០០	-៣៣០០	-៣៣០០	-៣៣០០	-៣៣០០	-៣៣០០	-៣៣០០	-៣៣០០	--៣៣០០	-៣៣០០
ការបង់សងប្រាក់កម្ចី			-២៥០	-១៥០	-១៥០	-១៥០	-១៥០	-១៥០
ចំណាយប្រែប្រួល	-១០០០	-១០០០	-១៣០០	-១៣០០	-១៣០០	-១៣០០	-១៣០០	-១៣០០	-១៣០០	-១៣០០
ចំណេញ ( ឬខាត )	១០០	១០០	៣០	១៣០	១៣០	១៣០	១៣០	១៣០	២៨០	២៨០

សាច់ប្រាក់ដើមគ្រា	៥០	១៥០	២៥០	២៨០	៤១០	៥៤០	៦៧០	៨០០	៩៣០	១២១០
	១០០	១០០	៣០	១៣០	១៣០	១៣០	១៣០	១៣០	២៨០	២៨០
សាច់ប្រាក់ដែលមាន	១៥០	២៥០	២៨០	៤១០	៥៤០	៦៧០	៨០០	៩៣០	១២១០	១៤៩០

នាងគិតថា ចំណាយប្រែប្រួលរបស់នាងនឹងកើតឡើងដល់ ១៣០០ ដោយសារមាន ២៥០ បន្ថែមទៅលើចំណីមាន់ និង ៥០ សម្រាប់ក្មួយរបស់នាងដើម្បីដឹកជញ្ជូនស៊ុត ។
សូមមើលទៅសាច់ប្រាក់ដែលនាងមាន ។ តើម៉ារៀនឹងមានប្រាក់គ្រប់គ្រាន់ដើម្បីធ្វើការបង់សងប្រាក់កម្ចីទាំងអស់របស់នាងឬទេ ?
សូមមើលទៅប្រាក់ចំណេញ និងខាតរបស់ម៉ារៀ ។ សូមកត់ចំណាំថា ប្រាក់ចំណេញរបស់នាង គឺតិចជាងអំឡុងពេលមានប្រាក់កម្ចី ប៉ុន្តែវាខ្ពស់ជាង មុនពេលនាងយកប្រាក់កម្ចី ។

តើមានសាច់ប្រាក់ប៉ុន្មាន សម្រាប់អាជីវកម្មរបស់ខ្ញុំ ?

អនុវត្ត ៖ឥឡូវធ្វើរបាយការណ៍លំហូរសាច់ប្រាក់សម្រាប់អាជីវកម្មផ្ទាល់របស់អ្នក ។ សូមរកដៃគូ ហើយនៅលើរបាយការណ៍លំហូរសាច់ប្រាក់ នៅខាងស្ដាំដៃ សូមធ្វើតាមជំហានដូចខាងក្រោម ។ ( សូមមើល ទំព័រ ១០៩–១៧ សម្រាប់ជំនួយ ) ។ មានទម្រង់ទទេរបន្ថែមទៀតនៅ ទំព័រ ១១៨ ។ អ្នកអាចថតចម្លងទម្រង់នេះចូលទៅក្នុងសៀវភៅកំណត់ចំណាំអាជីវកម្មរបស់អ្នក ។

សូមគិតអំពីទ្រព្យសកម្មដែលឲ្យផលច្រើនមួយ ដែលអ្នកអាចទិញសម្រាប់អាជីវកម្មរបស់អ្នក ។ សូមគិតអំពីប្រាក់ចំណូល និង ចំណាយដែលអ្នកនឹងទទួលបានបន្ថែម ។

បើអ្នកពុំដឹងថាត្រូវប្រើលេខមួយណា ឬអ្នកពុំមានអាជីវកម្មទេ សូមជួយដល់នរណាម្នាក់ដែលមាន ។ នេះគ្រាន់តែជាការហាត់ទេ ។

អាន ៖បន្ទាប់ពីការប្រជុំរបស់យើង យើងនឹងនិយាយជាមួយអ្នកផ្តល់ប្រាក់កម្ចី ហើយរកមើលអំពីការបង់សងប្រាក់កម្ចីរបស់យើងនឹងមានអ្វីខ្លះ ។ រួចហើយយើងនឹងអាចដាក់បញ្ចូលការបង់សងប្រាក់កម្ចីចូលទៅក្នុងរបាយការណ៍លំហូរសាច់ប្រាក់បាន ។

ពិភាក្សា ៖តើការដឹងពីសាច់ប្រាក់ដែលមានរបស់អ្នក ជួយអ្នកធ្វើការសម្រេចចិត្តអំពីអាជីវកម្មរបស់អ្នកយ៉ាងដូចម្ដេច ? ក្រៅពីការបង់សងប្រាក់កម្ចី តើមានវិធីផ្សេងទៀត ដែលការដឹងពីលំហូរសាច់ប្រាក់របស់អ្នក អាចជួយអ្នកពង្រីកអាជីវកម្មរបស់អ្នកឬទេ ?

របាយការណ៍លំហូរសាច់ប្រាក់របស់អ្នក

ការប្រើរបាយការណ៍ចំណូលរបស់អ្នក សូមសរសេរចំណូល និងចំណាយរបស់អ្នកកាលពីពីរខែមុន ។
សូមសរសេរនូវអ្វីដែលអ្នកគិតថា ចំណូលថ្មីរបស់អ្នកនឹងសម្រាប់ប្រាំមួយខែក្រោយ ( ចំណូលកាលពីមុន បូកនឹងចំណូលពីទ្រព្យសកម្មថ្មី ) ។
សូមសរសេរនូវអ្វីដែលអ្នកគិតថា ចំណូលថ្មីរបស់អ្នកនឹងមានសម្រាប់ប្រាំមួយខែក្រោយ ( ចំណូលកាលពីមុន បូកនឹងចំណូលពីទ្រព្យសកម្មថ្មី ) ។
អ្នកនឹងសរសេរការចំណាយប្រាក់កម្ចីរបស់អ្នកនៅទីនេះ ប៉ុន្តែបើអ្នកពុំចេះទេ សូមទុកបន្ទាត់នេះនៅទំនេរឥឡូវនេះ ) ។

	២ ខែមុន	ខែមុន	ខែនេះ	ខែក្រោយ	ខែ ៣	ខែ ៤	ខែ ៥	ខែ ៦
ចំណូល
ចំណាយថេរ
ការបង់សងប្រាក់កម្ចី
ចំណាយប្រែប្រួល
ចំណេញ ( ឬខាត )

សាច់ប្រាក់ដើមគ្រា

សាច់ប្រាក់ដែលមាន

គណនាប្រាក់ចំណេញ និង ខាតរបស់អ្នកតាមរយៈការដកចំណាយរបស់អ្នកចេញពីចំណូលរបស់អ្នក ។
ដើម្បីរកសាច់ប្រាក់អ្នកមានប៉ុន្មាន សូមបន្ថែមប្រាក់ចំណេញរបស់អ្នកទៅ ( ឬដកប្រាក់ខាតរបស់អ្នកពី ) សាច់ប្រាក់ដើមគ្រា ។
នៅពេលអ្នករកឃើញចំនួនការបង់សងប្រាក់កម្ចីអ្នកហើយ អ្នកអាចប្រើលំហូរសាច់ប្រាក់នេះ ដើម្បីមើលថាតើអ្នកមានសាច់ប្រាក់គ្រប់គ្រាន់ ដើម្បីធ្វើការបង់សងប្រាក់កម្ចីអ្នកទាំងអស់ឬទេ ។

របាយការណ៍លំហូរសាច់ប្រាក់ប្រាំមួយខែ

បង្កើតរបាយការណ៍លំហូរសាច់ប្រាក់ដើម្បីបង្ហាញពីស្ថានភាពអាជីវកម្មបច្ចុប្បន្នរបស់អ្នក ។ សូមមើល ទំព័រ ១០៩–១៧ សម្រាប់ជំនួយ ។

លំហូរសាច់ប្រាក់ #១ ស្ថានភាពបច្ចុប្បន្ន
	២ ខែមុន	ខែមុន	ខែនេះ	ខែក្រោយ	ខែ ៣	ខែ ៤	ខែ ៥	ខែ ៦
ចំណូលសរុប
ចំណាយថេរ
ការបង់សងប្រាក់កម្ចី
ការបង់ថ្លៃប្រែប្រួល
ប្រាក់ចំណេញ/ខាតសរុប

សាច់ប្រាក់ដើមគ្រា

សាច់ប្រាក់ដែលមាន

បន្ទាប់មកបង្កើតរបាយការណ៍លំហូរសាច់ប្រាក់ដែលបញ្ចូលវិធីមួយដើម្បីទទួលបានទ្រព្យសកម្មថ្មី ។

លំហូរសាច់ប្រាក់ #២ ទ្រព្យសកម្មថ្មី
	២ ខែមុន	ខែមុន	ខែនេះ	ខែក្រោយ	ខែ ៣	ខែ ៤	ខែ ៥	ខែ ៦
ចំណូលសរុប
ចំណាយថេរ
ការបង់សងប្រាក់កម្ចី
ការបង់ថ្លៃប្រែប្រួល
ប្រាក់ចំណេញ/ខាតសរុប

សាច់ប្រាក់ដើមគ្រា

សាច់ប្រាក់ដែលមាន