សម្រាប់អ្នកសម្របសម្រួល
ថ្ងៃនៃការប្រជុំ ៖
-
សូមផ្ញើសារ ឬទូរសព្ទទៅសមាជិកក្រុម បើអ្នកមានព័ត៌មានទំនាក់ទំនងរបស់ពួកគេ ។ សូមសួរដល់ពួកគេបើពួកគេមកកាន់ការប្រជុំឬទេ ។ សូមអញ្ជើញពួកគេឲ្យមកដល់មុនម៉ោង ១០ នាទី ដើម្បីចុះឈ្មោះ ។
-
សូមរៀបចំឯកសារការប្រជុំ ៖
-
សូមយកសៀវភៅលំហាត់នេះ និងកូនសៀវភៅ ៖ មូលដ្ឋានគ្រឹះរបស់ខ្ញុំ ៖ គោលការណ៍ ជំនាញ ទម្លាប់ មកជាមួយផងដែរ សម្រាប់សមាជិកក្រុមម្នាក់ៗ ។
-
សូមយកកូនសៀវភៅ មាគ៌ារបស់ខ្ញុំឆ្ពោះទៅរកភាពខ្លួនទីពឹងខ្លួន ប្រាំក្បាលបន្ថែមករណីសមាជិកក្រុមពុំទាន់បានទទួលវា ។
-
សូមរៀបចំវិធីមួយដើម្បីបង្ហាញវីដេអូ បើអាចធ្វើទៅបាន ។
-
តើគ្មានសៀវភៅ ឬវីដេអូឬ ? អ្នកអាចដកសៀវភៅ ឬវីដេអូចេញពីអ៊ិនធើណែតបាននៅក្នុងគេហទំព័រ srs.lds.org។
-
៣០ នាទីមុនការប្រជុំ ៖
-
សូមរៀបចំកៅអីជុំវិញតុ ដើម្បីឲ្យគ្រប់គ្នាអាចអង្គុយជិតគ្នា ។
-
អ្នកសម្របសម្រួលពុំឈរ អំឡុងពេលប្រជុំឡើយ ហើយក៏ពុំអង្គុយនៅក្បាលតុដែរ ។ អ្នកសម្របសម្រួលពុំគួរធ្វើឲ្យគេចាប់អារម្មណ៍សំខាន់លើខ្លួនឡើយ តែគួរតែជួយដល់សមាជិកក្រុមផ្ដោតចិត្តទៅលើគ្នាទៅវិញទៅមកវិញ។
-
១០ នាទីមុនការប្រជុំ ៖
-
សូមស្វាគមន៍ដល់ពួកគេយ៉ាងកក់ក្ដៅ ពេលពួកគេមកដល់ ។ ស្គាល់ឈ្មោះរបស់ពួកគេ ។
-
សូមចែកក្រដាសមួយសន្លឹកម្នាក់ ហើយហុចតៗគ្នា ហើយសុំឲ្យសមាជិកក្រុមសរសេរឈ្មោះពេញរបស់ពួកគេ ឈ្មោះវួដ ឬសាខា និងថ្ងៃខែឆ្នាំកំណើត ( ថ្ងៃ និងខែ ពុំមែនឆ្នាំទេ) ។
-
បន្ទាប់ពីការប្រជុំក្រុម សូមចូលទៅក្នុងគេហទំព័រ srs.lds.org/report និងធ្វើតាមការណែនាំដើម្បីចុះឈ្មោះសមាជិកក្រុមទាំងអស់ ។
-
បន្ទាប់ពីការប្រជុំដំបូង សូមធ្វើបញ្ជីទំនាក់ទំនងដើម្បីចែកចាយក្នុងក្រុម ។
-
-
សូមចាត់ឲ្យមានអ្នកកំណត់ពេលវេលា ដើម្បីរក្សាក្រុមតាមកាលវិភាគ ។ សូមឲ្យពួកគេដាក់ម៉ោងកំណត់ដូចបានណែនាំក្នុងសៀវភៅ ។
-
ឧទាហរណ៍ អ្នកនឹងឃើញការណែនាំដែលប្រាប់ថា « ម៉ោង ៖សូមដាក់ម៉ោងកំណត់ ៦០ នាទីសម្រាប់វគ្គការរៀននេះ » ។ អ្នកកំណត់ពេលវេលា នឹងដាក់ម៉ោងនៅលើទូរសព្ទ នាឡិកា ឬម៉ោងរោទិ៍ដែលមានផ្សេងទៀត ហើយនឹងប្រាប់ដល់ក្រុមនៅពេលដល់ម៉ោង ។ បន្ទាប់មកក្រុមអាចសម្រេចថាតើត្រូវចាប់ផ្ដើមវគ្គថ្មី ឬក៏នៅបន្ដការពិភាក្សារបស់ពួកគេពីរបីនាទីទៀត ។
-
នៅពេលចាប់ផ្ដើម ៖
-
សូមនិយាយថា ៖ « សូមស្វាគមន៍មកកាន់ក្រុមភាពខ្លួនទីពឹងខ្លួននេះ » ។
-
សូមឲ្យពួកគេបិទទូរសព្ទដៃ និងឧបករណ៍ដទៃទៀតរបស់ពួកគេ ។
-
សូមនិយាយដូចតទៅនេះ ៖
-
« នេះគឺជាក្រុមភាពខ្លួនទីពឹងខ្លួន ដែលបានហៅថា ‹ ការចាប់ផ្ដើម និងការពង្រីកអាជីវកម្មរបស់ខ្ញុំ ›។ តើអ្នកទាំងអស់គ្នាដែលនៅទីនេះចាប់ផ្ដើម ឬពង្រីកអាជីវកម្មមែនទេ ?
-
« មូលនិធិការអប់រំជាបន្ដបន្ទាប់ ពុំមានប្រាក់កម្ចីធ្វើអាជីវកម្មទេ ។ ប៉ុន្តែនៅចុងបញ្ចប់នៃការប្រជុំទាំងនេះ អ្នកនឹងបានត្រៀមខ្លួនកាន់តែល្អប្រសើរ ដើម្បីធ្វើការសម្រេចចិត្តអំពីប្រាក់កម្ចីមកពីអ្នកផ្ដល់ប្រាក់កម្ចីក្នុងមូលដ្ឋាន ។
-
« យើងនឹងជួបគ្នា ១២ ដង ។ ការប្រជុំក្រុមម្តងៗ វានឹងចំណាយពេលប្រហែលជាពីរម៉ោង ។ យើងក៏នឹងចំណាយពេលមួយម៉ោង ទៅពីរម៉ោងរាល់ថ្ងៃដើម្បីរក្សារការតាំងចិត្តរបស់យើងដែលនឹងជួយដល់អាជីវកម្មរបស់យើងផងដែរ ។ តើអ្នកនឹងធ្វើការតាំងចិត្តចំពោះពេលវេលានេះឬទេ ?
-
-
សូមអធិស្ឋានបើក ( និងច្រៀងទំនុកតម្កើង បើចង់ ) ។
-
សូមនិយាយដូចតទៅនេះ ៖
-
« គ្រប់ពេលដែលយើងជួបគ្នា យើងចាប់ផ្ដើមជាមួយនឹងប្រធានបទមួយមកពីកូនសៀវភៅ ដែលមានចំណងជើងថា មូលដ្ឋានគ្រឹះរបស់ខ្ញុំ ៖ គោលការណ៍ ជំនាញ ទម្លាប់ ។ ការណ៍នេះនឹងជួយយើងរៀន ហើយរស់នៅតាមគោលការណ៍ ជំនាញ និងទម្លាប់នានា ដែលនាំទៅរកភាពខ្លួនទីពឹងខ្លួនខាងវិញ្ញាណ និងខាងសាច់ឈាម ។
-
« ព្រះវិញ្ញាណបរិសុទ្ធនឹងផ្ដល់គំនិតដល់អ្នក នៅក្នុងសប្ដាហ៍ ។ សូមសរសេរគំនិតទាំងឡាយ ហើយធ្វើវា ។ នៅពេលអ្នកធ្វើដូច្នោះ នោះព្រះអម្ចាស់នឹងប្រទានពរអ្នក ហើយធ្វើអព្ភូតហេតុរបស់ទ្រង់ជាមួយនឹងអាជីវកម្មរបស់អ្នក » ។
-
-
សូមដាក់ម៉ោងកំណត់ ២០ នាទីសម្រាប់វគ្គ មូលដ្ឋានគ្រឹះរបស់ខ្ញុំនេះ ។
-
សូមអាន លិខិតណែនាំរបស់គណៈប្រធានទីមួយនៅទំព័រទី ២ នៃកូនសៀវភៅ មូលដ្ឋានគ្រឹះរបស់ខ្ញុំ ។ បន្ទាប់មកសួមបំពេញ គោលការណ៍ទី ១ នៅក្នុងកូនសៀវភៅនោះ ហើយត្រឡប់មកសៀវភៅលំហាត់នេះវិញ ។