១៩. សេសារា និងវាលទំនាបសារ៉ុន ទៅ កើមែល
មើលទៅទិសខាងជើង គឺកំពង់សេសារាពីបុរាណ។ ហើយក៏មើលទៅខាងលើរូបថត គឺជាជួរភ្នំកើមែល។
ព្រឹត្តិការណ៍សំខាន់ៗ ៖ លោកអេលីយ៉ាបានតទល់នឹងពួកព្យាការីក្លែងក្លាយនៃព្រះបាលនៅលើភ្នំកើមែល (១ ពង្សាវ. ១៨)។ វា ម៉ារីស (ផ្លូវសមុទ្រ) ជាផ្លូវដ៏សំខាន់មួយនៅសម័យបុរាណ គឺសន្ធឹងទៅខាងជើងក្រុងសេសារា។ បន្ទាប់ពីបានទទួលការនិមិត្តដ៏ជាក់ស្ដែងមួយ កាលនៅក្រុងយ៉ុបប៉េ នោះពេត្រុសបានចាប់ផ្ដើមការងារបម្រើនៅក្នុងចំណោមពួកសាសន៍ដទៃ ដោយបានបង្រៀនមេគ្រប់គ្រងលើកងទ័ពរ៉ូមម្នាក់ ឈ្មោះ កូនេលាស នៅក្រុងសេសារា (កិច្ចការ ១០)។ ភីលីពបានផ្សាយដំណឹងល្អ ហើយបាននៅទីនេះ ហើយមានកូនក្រមុំបួននាក់ដែល ចេះព្យាករ (កិច្ចការ ៨:៤០; ២១:៨–៩)។ ប៉ុលបានជាប់គុកនៅទីក្រុងនេះពីរឆ្នាំ (កិច្ចការ ២៣–២៦)។ លោកបានផ្សាយដំណឹងល្អដល់ភេលីច, ភេស្ទុស, និងស្ដេចហេរ៉ូឌ អ័គ្រីប៉ា ទី២ ដែលមានបន្ទូលថា ៖ « បន្តិចទៀតឯងនឹងនាំឲ្យយើងត្រឡប់ជាអ្នកគ្រីស្ទានដែរ » (កិច្ចការ ២៦:២៨)។
១៩. សេសារា និងវាលទំនាបសារ៉ុន ទៅ កើមែល ប៉ុលបានផ្សាយដំណឹងល្អដល់ស្ដេចអ័គ្រីប៉ានៅទីក្រុងនេះ (សូមមើលគម្ពីរកិច្ចការ ២៦)។