៤. កាដេស-បារនា
នេះជារូបភាពមើលពីទិសខាងជើងឆៀងខាងកើតនូវច្រកភ្នំនៃទីរហោស្ថានដ៏ធំ (ក៏ហៅថា ប្រឡាយគោក) ដែលមានកាដេស-បារនា។ ស្ទឹងដែលហូរមកទីនេះនៅរដូវវស្សា ធ្វើឲ្យទីនេះទៅជាមានទឹកជោកជាំ ហើយមានផ្លែផ្កាដ៏បរិបូរនៅក្នុងទីរហោស្ថានស៊ីន។
ព្រឹត្តិការណ៍សំខាន់ៗ ៖ នេះប្រហែលកន្លែងដែលលោកម៉ូសេបានចាត់មនុស្ស ១២ នាក់ឲ្យទៅស៊ើបការមើលស្រុកកាណាន (ជនគ. ១៣:១៧–៣០)។ ទីនេះទុកជាជំរំសម្រាប់ពួកសាសន៍អ៊ីស្រាអែលនៅរវាង ៣៨ ឆ្នាំ ក្នុងកំឡុងពេល ៤០ ឆ្នាំដែលពួកគេដើររសាត់ព្រាត់ នៅក្នុងទីរហោស្ថាន (ចោទិ. ២:១៤)។ នាងម៉ារាមបានស្លាប់ ហើយបានកប់នៅទីនេះ (ជនគ. ២០:១)។ មានព្រឹត្តិការណ៍អំពីការបះបោររបស់កូរេ ការរអ៊ូរទាំនៃប្រជាជន និងដំបងរបស់អើរ៉ុនពកឡើង (ជនគ. ១៦–១៧)។ នៅក្បែរទីនេះ លោកម៉ូសេបានវាយថ្ម ហើយក៏មានទឹកហូរចេញមក (ជនគ. ២០:៧–១១)។
៤. កាដេស-បារនា កន្លែងនេះដែលស្គាល់ថា កាដេស-បារនា ប្រហែលជាកន្លែងដែលពួកអ៊ីស្រាអែលបោះជំរំ កាលពួកគេនៅក្នុងទីរហោស្ថានអស់ ៤០ ឆ្នាំ។