១១. ភ្នំដើមអូលីវ, ឧទ្យាន អួរសុន ហៃឌ៍
រូបនេះមើលទៅទិសខាងត្បូងឆៀងខាងកើតពីឧទ្យាន អួរសុន ហៃឌ៍ ដែលនៅលើភ្នំដើមអូលីវ ឆ្ពោះទៅក្រុងយេរូសាឡិម។ នៅជម្រាលខាងលិចភ្នំដើមអូលីវ គឺជាសួនច្បារគែតសេម៉ានី។ នៅថ្ងៃទី ២៤ ខែតុលា ឆ្នាំ ១៨៤១ អែលឌើរអួរសុន ហៃឌ៍ បានដើរឡើងភ្នំដើមអូលីវ ហើយបានថ្វាយពាក្យអធិស្ឋានក្នុងតំណែងជាព្យាការី ដើម្បីការវិលមកវិញនៃកូនចៅរបស់អ័ប្រាហាំ និងការសង់ព្រះវិហារ។
ព្រឹត្តិការណ៍សំខាន់ ៖ពួករ៉ូមបានបំផ្លាញក្រុងយេរូសាឡិម នៅឆ្នាំ ៧០ គ.ស. ដូចដែលបានប្រាប់ទុកជាមុនដោយព្រះអង្គសង្គ្រោះ (សូមមើល យ.ស.—ម៉ាថាយ ១:២៣)។ ព្រះអង្គសង្គ្រោះនឹងឈរលើភ្នំដើមអូលីវទៀតមុនការលេចមករបស់ទ្រង់ដល់អស់ទាំងមនុស្សលោក។ (សូមមើល សាការី ១៤:៣–៥; គ. និង ស. ៤៥:៤៨–៥៣; ១៣៣:១៩–២០; សេចក្ដីណែនាំដល់បទគម្ពីរទាំងឡាយ « ភ្នំដើមអូលីវ »)។
១១. ភ្នំដើមអូលីវ, ឧទ្យាន អួរសុន ហៃឌ៍ នៅក្បែរទីនេះ នៅឆ្នាំ ១៨៤១ អែលឌើរអួរសុន ហៃឌ៍ បានធ្វើពិធីឆ្លងដែនដីបរិសុទ្ធ សម្រាប់ការវិលមកវិញនៃកូនចៅលោកអ័ប្រាហាំ។