1 И сега, синко мој Хеламан, ти заповедам да ги земеш записите кои ми беа доверени на мене;

2 И исто така ти заповедам да водиш запис за овој народ, како што правев јас, врз плочите на Нефи, и чувај ги свети сите овие нешта кои јас ги чував, и тоа како што ги чував јас; бидејќи тие се чувани за мудра причина.

3 И овие плочи од месинг, кои ги содржат овие гравури, кои имаат запис за светите писма врз нив, кои го имаат родословието на нашите предци, и тоа од почетокот—

4 Ете, беше пророкувано од нашите татковци, дека ќе бидат зачувани и предадени од едно поколение на друго, и ќе бидат чувани и заштитени од раката на Господ сѐ додека не да се објават на секоја нација, колено, јазик, и народ, за да знаат за мистериите кои ги содржат.

5 И сега ете, ако се чувани мораат да ја задржат својата јаснотија; да, и ќе ја задржат својата јаснотија; да, и исто така сите плочи кои го содржат тоа што е свето пишување.

6 Сега можеш да претпоставиш дека ова е будалаштина од мене; но ете ти велам, дека преку мали и едноставни нешта големи нешта се исполнуваат; и малите средства во многу случаи ги збунуваат мудрите.

7 И Господ Бог делува преку средства за да ги исполни Неговите големи и вечни цели; и преку многу мали средства Господ ги збунува мудрите и го исполнува спасението на многу души.

8 И сега, до сега беше мудрост во Бог дека овие нешта треба да бидат зачувани; зашто ете, тие го зголемија сеќавањето на овој народ; да, и убедија многумина за погрешноста на нивните патишта, и ги доведоа до знаењето за нивниот Бог до спасението на нивните души.

9 Да, ви кажувам, да не беа овие нешта кои овие записи ги содржат, кои се на овие плочи, Амон и неговите браќа не би можеле да убедат толку многу илјадници Ламанити за погрешната традиција на нивните татковци; да, овие записи и нивните зборови ги доведоа до покајание; односно, ги доведоа до знаење за Господ нивниот Бог, и да се радуваат на Исус Христос нивниот Искупител.

10 И кој знае дали тие ќе бидат средствата за да се доведат многу илјадници од нив, да, и исто така многу илјадници од нашите вкочанети браќа, Нефитите, кои сега ги закоравуваат нивните срца со грев и беззаконија, до знаењето за нивниот Искупител?

11 Сега овие мистерии сѐ уште не ми се целосно познати; затоа јас ќе се воздржам.

12 И може да е доволно ако само кажам дека се зачувани за мудра цел, која цел е позната на Бог; бидејќи Тој се советува со мудрост врз сите Негови дела, и Неговите патишта се прави, и Неговата насока е еден вечен круг.

13 О, запомни, запомни, сине мој Хеламан, колку се строги заповедите на Бог. И Тој кажа: Ако ги одржувате Моите заповеди ќе напредувате во земјата—но ако не ги одржувате Неговите заповеди ќе бидете отсечен од Негово присуство.

14 И сега запомни, сине мој, дека Бог ти ги довери овие нешта, кои се свети, кои Тој ги чуваше свети, и исто така кои Тој ќе ги чува и заштити за мудра цел во Него, за Тој да може да ја истакне Неговата моќ на идните поколенија.

15 И сега ете, ти зборувам преку духот на пророштвото, дека ако ги престапиш заповедите на Бог, ете, овие нешта кои се свети ќе ти бидат одземени преку Божјата моќ, и ќе бидеш предаден на Сатаната, за Тој да може да те сее како плевел пред ветерот.

16 Но ако ги одржуваш Божјите заповеди, и правиш со овие нешта кои се свети според тоа што ти заповедува Господ (бидејќи мораш да Му се обратиш на Господ за сѐ што сакаш да правиш со нив) ете, ниту една моќ од земјата или пеколот не може да ти ги земе; бидејќи Бог е моќен за исполнувањето на сите Негови зборови.

17 Зашто Тој ќе ги исполни сите Негови ветувања кои Тој ќе ти ги даде, бидејќи Тој ги исполнил Неговите ветувања кои Тој ги дал на нашите татковци.

18 Зашто Тој им ветил дека Тој ќе ги зачува овие нешта за мудра цел во Него, за Тој да може да ја покаже Неговата моќ на идните поколенија.

19 И сега ете, една цел Тој исполни, и тоа до обновувањето на многу илјадници Ламанити до знаењето за вистината; и Тој ја покажа Неговата моќ во нив, и Тој исто така сѐ уште ќе им ја покажува Неговата сила на идните поколенија; затоа тие ќе бидат зачувани.

20 Затоа ти заповедам, сине мој Хеламан, да бидеш трудољубив во исполнувањето на сите мои зборови, и да бидеш трудољубив во одржувањето на Божјите заповеди како што се напишани.

21 И сега, ќе ви зборувам на вас во врска со тие дваесет и четири плочи, за да ги чувате, за мистериите и делата на темнина, и нивните тајни дела, или тајните дела на тие луѓе кои биле уништени, да може да се прикаже на овој народ; да, сите нивни убиства, и ограбувања, и нивните грабежи, и сите нивни пакости и одвратности, да можат да му се прикажат на овој народ; да, и да ги заштитиш овие толкувачи.

22 Зашто ете, Господ виде дека Неговиот народ започна да работи во темнина, да, извршува тајни убиства и одвратности; затоа Господ кажа, ако не се покајат треба да бидат уништени од лицето на земјата.

23 И Господ кажа: Јас ќе му подготвам на Мојот слуга Газелем, еден камен, кој ќе сјае со светлина во темнината, за Јас да му откријам на Мојот народ кој ми служи Мене, за Јас да им ги откријам делата на нивните браќа, да, нивните тајни дела, нивните дела на темнината, и нивните пакости и одвратности.

24 И сега, синко мој, овие толкувачи беа подготвени за да може Божјото слово да се исполни, кое Тој го говореше, велејќи:

25 Јас ќе ги истакнам од темнината на виделина сите нивни тајни дела и нивните одвратности; и освен ако не се покајат ќе ги уништам од лицето на земјата; и ќе ги откријам сите нивни тајни и одвратности, на секоја нација која понатаму ќе ја поседува земјата.

26 И сега, синко мој, гледаме дека не се покајаа; затоа беа уништени, и така Божјото слово беше исполнето; да, нивните тајни одвратности беа изведени од темнината и откриени на нас.

27 И сега, синко мој, заповедам да ги задржиш сите нивни заклетви, и нивните завети, и нивните договори во нивните тајни одвратности; да, и сите нивни знаци и чуда ќе ги чуваш од овој народ, за да не ги знаат, можеби за да не паднат во темнина исто така и бидат уништени.

28 Зашто ете, постои клетва врз целата оваа земја, дека уништувањето ќе дојде врз сите оние извршители на темнината, според моќта на Бог, кога се целосно зрели; затоа посакувам овој народ да не биде уништен.

29 Затоа ќе ги чуваш овие тајни планови на нивните заклетви и завети од овој народ, и само нивната пакост и нивните убиства и нивните одвратности ќе им ги откриеш; и ќе ги поучиш да се гадат на таквите пакости и одвратности и убиства; и исто така ќе ги поучиш дека овој народ беше уништен поради нивните пакости и одвратности и убиства.

30 Зашто ете, ги убија сите Господови пророци кои дојдоа помеѓу нив за да им ги објават во врска со нивните беззаконија; и крвта на оние кои ги убија повикуваше на Господ нивниот Бог за одмазда врз нивните убијци; и така Божјиот суд ги стигна овие извршители на темнината и тајни сојузи.

31 Да, и нека е проколната земјата секогаш и засекогаш на тие извршители на темнина и тајни сојузи, и тоа до уништување, освен ако не се покајат пред целосно да се зрели.

32 И сега, синко мој, запомни ги зборовите кои ти ги кажав; не доверувај ги тие тајни планови на овој народ, туку научи ги на вечна омраза кон гревот и беззаконието.

33 Проповедај им покајание, и вера во Господ Исус Христос; научи ги да се понизат самите себеси и да бидат питоми и смирени во срцето; научи ги да го издржат секое искушение на ѓаволот, со нивната вера во Господ Исус Христос.

34 Научи ги никогаш да не бидат уморни од добри дела, туку да бидат питоми и смирени во срцето; бидејќи таквите ќе најдат мир за нивните души.

35 О, запомни, сине мој, и научи се на мудрост во твојата младост; да, научи во твојата младост да ги одржуваш заповедите на Бог.

36 Да, и довикувај Го Бог за сета твоја поддршка; да, нека сите твои постапки да бидат за Господ и каде и да појдеш нека биде тоа кај Господ; да, нека сите твои мисли се насочени на Господ; да, нека љубовта на твоето срце почиваат врз Бог засекогаш.

37 Советувај се со Господ за сите твои постапки, и Тој ќе те насочи кон добро; да, кога лежиш навечер лежи кај Господ, за Тој да може да те чува во сонот; и кога ќе станеш наутро нека твоето срце биде исполнето со благодарност кон Бог; и ако ги направиш овие нешта, ќе бидеш кренат на последниот ден.

38 И сега, синко мој, имам да кажам нешто во врска со тоа што нашите татковци го нарекуваа топка односно патоказ—односно нашите татковци го нарекуваа Лиахона, што е, толкувано, како еден компас; и Господ го подготви.

39 И ете, ниту еден човек не може да направи ништо по начинот на толку љубопитна изработка. И ете, беше подготвено за да им ја покаже на нашите татковци насоката по која треба да патуваат во дивината.

40 И работеше за нив во согласност со нивната вера во Бог; затоа, ако имаа вера да веруваат дека Бог можеше да предизвика тие вретена да покажуваат по кој пат да одат, ете, беше сторено; затоа тие го имаа ова чудо, и исто така многу други чуда исполнети преку Божјата моќ, ден по ден.

41 Сепак, поради тоа што тие чуда беа направени преку мали начини им покажаа зачудувачки дела. Тие беа мрзливи, и заборавија да ја практикуваат нивната вера и трудољубивост и тогаш тие зачудувачки дела престанаа, и не напредуваа во нивното патување;

42 Затоа, тие останаа во дивината, односно не патуваа во директна насока, и беа погодени од глад и жед, поради нивните престапи.

43 И сега, синко мој, би сакал да разбереш дека овие нешта не се без сенка; бидејќи како што нашите татковци беа мрзливи да обрнат внимание на овој компас (сега овие нешта беа привремени) тие не напредуваа; така е и со нештата кои се духовни.

44 Зашто ете, лесно е да се обрнува внимание на словото Христово, кое ќе ти покаже права насока за вечно блаженство, како што нашите татковци требаше да обрнат внимание на компасов, кој би им покажал права насока кон ветената земја.

45 И сега велам, не постои ли пример за ова нешто? Зашто исто толку сигурно колку што овој патоказ ги доведе нашите татковци, следејќи ја неговата насока, до земјата на ветување, Христовите зборови, ако ја следиме нивната насока, ќе нѐ пренесат преку оваа долина на тагата во многу подобра ветена земја.

46 О сине мој, не дозволувај да бидеме мрзливи поради леснотијата на патот; бидејќи така беше со нашите татковци; бидејќи така беше подготвен за нив, дека ако би погледнале би можеле да живеат; така е дури и со нас. Патот е подготвен, и ако погледнеме можеме да живееме засекогаш.

47 И сега, синко мој, гледај да се погрижиш за овие свети нешта, да, погрижи се да гледаш кон Бог и да живееш. Оди кај овој народ и објави го словото, и биди трезен. Сине мој, збогум.