1 ఒక గొప్ప ఆశ్చర్యకార్యము నరుల సంతానము మధ్యకు రాబోవుచున్నది.

2 ఇదిగో, నేను దేవుడను; నా మాటకు చెవియొగ్గుము, అది జీవముగలది శక్తివంతమైనది, కీళ్ళను మూలుగును విడదీయు రెండంచులు గల ఖడ్గము కన్నా పదునైనది; కాబట్టి, నా మాటకు చెవియొగ్గుము.

3 ఇదిగో, పొలము ఇప్పుడే తెల్లబారి కోతకు వచ్చియున్నది; కాబట్టి, ఎవడైతే కోయుటకు ఇష్టపడునో, అతడు తన బలముతో తన కొడవలిని వాడి, దేవుని రాజ్యములో తన ప్రాణమునకు నిత్య రక్షణను దాచిపెట్టుకొనునట్లు దినము గడవక ముందే కోత కోయనిమ్ము.

4 అవును, ఎవడైతే తన కొడవలితో కోతకోయునో, అట్టివాడు దేవుని చేత పిలువబడెను.

5 కాబట్టి, నీవు నన్ను అడిగిన యెడల నీవు పొందెదవు; నీవు తట్టిన యెడల అది నీకు తెరువబడును.

6 నా సీయోనును ముందుకు తెచ్చి, స్థాపించుటకు ప్రయత్నించుము. అన్ని విషయములందు నా ఆజ్ఞలను పాటించుము.

7 నీవు నా ఆజ్ఞలను పాటించి, అంతము వరకు సహించిన యెడల నీవు నిత్యజీవమును పొందెదవు, ఆ బహుమానము దేవుని బహుమానములలోకెల్లా అత్యంత ఘనమైనది.

8 మాటలనిచ్చు పరిశుద్ధాత్మను నీవు పొందెదవని నమ్ముచు, తద్వారా నీవు చూచి, వినబోవు సంగతులకు సాక్షిగా నిలబడుటకు, ఈ తరమునకు పశ్చాత్తాపమును ప్రకటించుటకు నీవు నా నామమున తండ్రిని విశ్వాసముతో అడిగిన యెడల, అది జరుగును.

9 ఇదిగో నేను జీవముగల దేవుని కుమారుడైన యేసు క్రీస్తును, చీకటి యందు మరుగుపరచబడలేని ఒక వెలుగును, నేను పరలోకములను భూమిని సృష్టించియున్నాను;

10 కాబట్టి, అన్యజనుల నుండి ఇశ్రాయేలు వంశమునకు నా సువార్త సంపూర్ణతను నేను తప్పక ముందుకు తీసుకురావలెను.

11 ఇదిగో, డేవిడ్ అను నీవు సహాయపడుటకు పిలువబడితివి; దానిని నీవు చేసి, విశ్వాసముగా నుండిన యెడల, నీవు ఆత్మీయముగాను, ఐహికముగాను రెండింటిలోను దీవించబడెదవు, నీ ప్రతిఫలము గొప్పదగును. ఆమేన్.