1 నా సేవకుడైన పీటర్, ఆలకించుము, నీ రక్షకుడు, విమోచకుడైన యేసు క్రీస్తు మాటలను వినుము.

2 ఏలయనగా ఇదిగో, నేను నీతో కాఠిన్యముతోను అధికారముతోను మాట్లాడుచున్నాను, ఏలయనగా నా బాహువు భూమియంతటిపై యున్నది.

3 నీవు, నేను తప్ప మరెవరు ఎరుగని దానిని నేను నీకు చెప్పెదను—

4 నీకు ఏది అత్యంత విలువైనదో తెలుసుకోవాలని నీవు అనేకమార్లు నా నుండి కోరితివి.

5 ఇదిగో, ఈ విషయము నిమిత్తము నా ఆజ్ఞలను బట్టి, నేను నీకిచ్చిన నా మాటలను పలికినందుకు నీవు ధన్యుడవు.

6 ఇదిగో, నీకు అత్యంత విలువైనదేమనగా నా యొద్దకు ఆత్మలను తెచ్చి, తద్వారా నా తండ్రి రాజ్యములో వారితోపాటు విశ్రాంతి పొందునట్లు ఈ జనులకు పశ్చాత్తాపమును ప్రకటించుటయని నేను నీకు చెప్పుచున్నాను. ఆమేన్.