1 ఇదిగో, నా సేవకుడవైన సిడ్నీ గిల్బర్ట్, నేను నీకు చెప్పునదేమనగా, నేను నీ ప్రార్థనలను వినియున్నాను; ప్రభువైన నేను ఈ అంత్యదినములలో స్థాపించిన సంఘములో నీ పిలుపు, ఎన్నికను గూర్చి నీ దేవుడైన ప్రభువు ద్వారా నీకు తెలుపబడవలెనని నీవు నాకు మొరపెట్టితివి.

2 లోక పాపముల కొరకు సిలువ వేయబడిన ప్రభువైన నేను, నీవు లోకమును విడిచిపెట్టవలెనని నీకొక ఆజ్ఞనిచ్చుచున్నాను.

3 నా వాక్యప్రకారము విశ్వాసము, పశ్చాత్తాపము, పాప క్షమాపణ, హస్తనిక్షేపణము ద్వారా పరిశుద్ధాత్మను పొందుటను ప్రకటించుటకు ఒక పెద్దగా నా నియామకమును నీ మీద తీసుకొనుము.

4 ఇకమీదట అనుగ్రహించబడు ఆజ్ఞల ప్రకారము, బిషప్పుచేత నియమించబడు స్థానములో ఈ సంఘమునకు ప్రతినిధిగానుండుము.

5 మరలా నేను నీతో నిశ్చయముగా చెప్పుచున్నాను, నా సేవకులైన జోసెఫ్ స్మిత్ జూ., సిడ్నీ రిగ్డన్‌లతో నీవు ప్రయాణము చేయవలెను.

6 నీవు పొందబోవు మొదటి విధులు ఇవే; నా ద్రాక్షతోటలో నీవు చేయు పనిని బట్టి మిగిలినవి రాబోవు కాలములో తెలుపబడును.

7 మరలా, అంతము వరకు సహించువాడు మాత్రమే రక్షించబడునని నీవు నేర్చుకొనవలెనని నేను కోరుచున్నాను. అలాగే జరుగును గాక. ఆమేన్.