1 దక్షిణ కెరోలినా తిరుగుబాటుతో మొదలుకొని త్వరలో కలుగబోవు యుద్ధములు, వాటి పర్యవసానముగా వచ్చు అనేకమంది మరణము, వేదనను గూర్చి నిశ్చయముగా ప్రభువు ఈలాగు సెలవిచ్చుచున్నాడు;

2 ఈ ప్రదేశము నుండి మొదలుకొని సమస్త జనముల మీద యుద్ధము వ్యాపించు సమయము వచ్చును.

3 ఏలయనగా ఇదిగో, దక్షిణ రాష్ట్రములు ఉత్తర రాష్ట్రములకు విరోధముగా చీలిపోవును, దక్షిణ రాష్ట్రములు ఇతర రాష్ట్రములను అనగా గ్రేట్ బ్రిటన్‌ను కూడా పిలుచును, ఇతర దేశములనుండి తమనుతాము కాపాడుకొనుటకు వారు ఇతర దేశములను పిలిచెదరు; అప్పుడు అన్నిదేశములలో యుద్ధము వ్యాపించును.

4 అనేక దినముల తరువాత, బానిసలు యుద్ధము కొరకు పోరాడుటను నేర్చుకొని, శిక్షణను పొంది, తమ యజమానులకు విరోధముగా లేచెదరు.

5 దేశములో మిగిలిన శేషము తమకుతాముగా పోరాడుటను నేర్చుకొని, మిక్కిలి కోపముగలవారిగా మారి, అన్యజనులను గొప్ప హింసతో హింసించుదురు.

6 కాబట్టి కత్తివలన, రక్తపాతము వలన భూలోక నివాసులు దుఃఖించెదరు; చెప్పబడినట్లుగా కరువు, తెగులు, భూకంపము, ఆకాశమునుండి ఉరుము, తీవ్రమైన మరియు కాంతివంతమైన మెరుపు వలన అన్ని దేశాలు పూర్తిగా మ్రింగివేయబడేవరకు భూలోక నివాసులు సర్వశక్తిమంతుడైన దేవుని ఉగ్రత, కోపము మరియు శిక్షను అనుభవించునట్లు చేయబడుదురు.

7 భూమిపైనుండి పరిశుద్ధుల మొర, పరిశుద్ధుల రక్తము, వారి శత్రువులమీద పగతీర్చుకొనుటకు సైన్యములకధిపతియగు ప్రభువు చెవులలోనికి వచ్చుట ఆగిపోవును.

8 కాబట్టి, ప్రభువు దినము వచ్చువరకు పరిశుద్ధ స్థలములలో మీరు కదలక నిలిచియుండుడి; ఏలయనగా, అది త్వరగా వచ్చునని ప్రభువు సెలవిచ్చుచున్నాడు. ఆమేన్.