1 సంఘమునకు చెందియుండి, తమ భర్తలను లేదా తండ్రులను కోల్పోయిన స్త్రీలు, పిల్లలను గూర్చిన సంఘ చట్టములకు అదనముగా ప్రభువు నిశ్చయముగా ఈలాగు సెలవిచ్చుచున్నాడు;

2 తమ భర్తలు మరణించు వరకు స్త్రీలు వారి పోషణ నిమిత్తము తమ భర్తలపై హక్కును కలిగియున్నారు; వారు అతిక్రమము చేసిన వారిగా కనుగొనబడని యెడల, సంఘములో సంపూర్ణ సహవాసమును కలిగియుందురు.

3 వారు నమ్మకముగానుండని యెడల వారు సంఘములో సహవాసమును కలిగియుండరాదు; అయినప్పటికీ భూచట్టముల ప్రకారము వారు పొందిన స్వాస్థ్యములపై ఆధారపడి జీవించవచ్చును.

4 పిల్లలందరు యుక్తవయస్కులగు వరకు తమ పోషణ నిమిత్తము వారి తల్లిదండ్రులపై హక్కును కలిగియున్నారు.

5 దాని తరువాత, వారి తల్లిదండ్రులు వారికి స్వాస్థ్యములను ఇవ్వజాలని యెడల, వారు సంఘముపై లేదా మరొక మాటలో ప్రభువు గిడ్డంగిపై హక్కును కలిగియున్నారు.

6 సంఘ సమర్పణల చేత గిడ్డంగి నిర్వహించబడవలెను; విధవరాండ్రు, దిక్కులేని పిల్లలు, అదేవిధముగా బీదలు కూడా ఆదరించబడవలెను. ఆమేన్.