1 ఇదిగో, నా సేవకుడవైన విలియం, ప్రభువు అనగా భూమియంతటికిని ప్రభువు నీకు ఈలాగు సెలవిచ్చుచున్నాడు, నీవు పిలువబడి, ఏర్పరచబడితివి; నీవు నీటి ద్వారా బాప్తిస్మము పొందిన తరువాత, నా మహిమయే లక్ష్యముగా నీవు దానిని చేసిన యెడల నీవు పాపక్షమాపణను కలిగియుందువు మరియు హస్తనిక్షేపణము ద్వారా పరిశుద్ధాత్మ వరమును పొందుదువు;

2 అప్పుడు పశ్చాత్తాపమును, సజీవుడగు దేవుని కుమారుడైన యేసు క్రీస్తు నామములో బాప్తిస్మమను మార్గము ద్వారా పాప క్షమాపణను ప్రకటించుటకు నా సేవకుడైన జోసెఫ్ స్మిత్ జూ. చేత ఈ సంఘమునకు ఒక పెద్దగా నీవు నియమించబడుదువు.

3 నీవు ఎవరిమీద నీ చేతులనుంచెదవో, వారు నా యెదుట నలిగినవారైతే, వారికి పరిశుద్ధాత్మను ఇచ్చుటకు నీవు శక్తిని కలిగియుందువు.

4 మరలా, నా సేవకుడైన ఆలీవర్ కౌడరీకి ముద్రించు పనిలో సహాయపడుటకు, నాకు ఆనందము కలిగించు విధముగా చిన్న పిల్లలు నా యెదుట ఉపదేశమును పొందునట్లు సంఘములోని పాఠశాలల కొరకు పుస్తకములు ఎంపిక చేయుటకు, వ్రాయుటకు నీవు నియమించబడుదువు.

5 ఈ హేతువు చేత ఈ కార్యమును చేయుటకు నీ స్వాస్థ్యపు ప్రదేశములో నీవు స్థిరపడుటకు నా సేవకుడైన జోసెఫ్ స్మిత్ జూ., సిడ్నీ రిగ్డన్‌లతో పాటు నీవు ప్రయాణము చేయవలెను.

6 నా సేవకుడైన జోసెఫ్ కో కూడా వారితో ప్రయాణము చేయవలెను. నా చిత్త ప్రకారము మిగిలినది ఇకముందు తెలియజేయబడును. ఆమేన్.