፩ እነሆ፣ የቤተክርስቲያኔ ሽማግሌዎች ሆይ፣ እናም አድምጡ፣ ይላል ጌታ አምላካችሁ፣ እንዲሁም፣ የሰውን ድክመት እና የሚፈተኑትን እንዴት እንደሚረዳቸው የሚያውቅው፣ አማላጃችሁ ኢየሱስ ክርስቶስ።

፪ እናም በእውነትም አይኖቼ ወደ ፅዮን ምድር ገና ባልተጓዙት ላይ ናቸው፤ ስለዚህ ተልዕኮአችሁ ገና አልተሟላም።

፫ ይሁን እንጂ፣ የተባረካሁ ናችሁ፣ የሰጣችሁት ምስክርነት መላእክት እንዲመለከቱት በሰማይ ተመዝግበዋልና፣ እናም በእናንተም ተደስተዋል፣ እና ለኃጢአታችሁም ይቅርታን አግኝታችኋል።

፬ እና አሁንም ጉዞአችሁን ቀጥሉ። ራሳችሁንም በፅዮን ምድር ሰብስቡ፤ እናም ተሰብሰቡ አብራችኁም ተደሰቱ እና ለልዑሉም ቅዱስ ቁርባንን አቅርቡ።

፭ እና ከዚያም፣ ለእኔ ምንም ልዩነት ስለለው፣ መልካም እንደሚመስላችሁ፣ አዎን፣ እንዲሁም ሁላችሁም በአንድነት፣ ወይም ሁለት በሁለት፣ ተመልሳችሁ ምስክርነታችሁን ስጡ፤ ታማኝም ሁኑ፣ እናም ለምድር ኗሪዎችም፣ ወይም፣ በኃጢአትኞቹ ጉባኤዎች መካከልም የምስራችን ስበኩ።

፮ እነሆ፣ እኔ ጌታ ያገናኘኋችሁ የተስፋ ቃል እንዲሟላ፣ በመካከላችሁ ያሉት ታማኞችም በሚዙሪ አገር ውስጥ እንዲጠበቁ እና እንዲደሰቱ ነው። እኔ ጌታ ለታማኞች የተስፋ ቃል ሰጥቻለሁ እናም ለመዋሸት አልችልም።

፯ እኔ ጌታ ፈቃደኛ ነኝ፣ በመካከላችሁ ማንም በፈረሶች፣ ወይም፣ በበቅሎዎች፣ ወይም በሰረገሎች ለመጓዝ ቢፈልግ ካለው፣ ይህን ከጌታ እጅ ለሁሉም ነገሮች በምስጋና ልብ ቢቀበል፣ ይህን በረከት ይቀበላል።

፰ እነዚህ ነገሮችን በማመዛዘን እና መንፈስም እንደመራቸው በኩል ማድረጋቸው የእነርሱ ፈንታ ነው።

፱ እነሆ፣ መንግስቱ የእናንተ ነውና። እናም እነሆ፣ ዘወትር ከታማኙ ጋር ነኝ። እንዲህም ይሁን። አሜን።