Rapò Depatman Odit Legliz la pou 2021
Pou Premye Prezidans Legliz Jezikri pou Sen Dènye Jou yo
Chè Frè m yo: Dirije pa revelasyon, jan sa anrejistre nan seksyon 120 Doktrin ak Alyans yo, se Konsèy pou Dispozisyon Dim yo—ki konpoze pa Premye Prezidans lan, Kolèj Douz Apot yo, ak Episkopa Prezidan an—ki otorize depans ki fèt nan fon Legliz la. Depatman yo nan Legliz la depanse fon yo selon bidjè ki te apwouve epi ki konfòm avèk règleman ak pwosedi yo.
Depatman Odit Legliz la, ki konpoze pa pwofesyonèl ki sètifye epi ki endepandan de tout lòt depatman ak antite nan Legliz la, gen responsabilite pou fè odit, nan bi pou bay asirans rezonab konsènan kontribisyon ki te resevwa yo, depans ki te fèt yo, ak pwoteksyon byen Legliz la.
Baze sou odit ki te fèt yo, Depatman Odit Legliz la estime ke, nan tout aspè enpòtan yo, kontribisyon yo te resevwa yo, depans ki te fèt yo, ak byen Legliz la pou lane 2021 an te anrejistre ak administre nan konfòmite avèk bidjè, règleman, ak pratik kontablite ke Legliz la apwouve. Legliz la aplike konsèy li anseye manm li yo sou viv selon yon bidjè, evite dèt, epi fè ekonomi pou tan bezwen yo.
Soumèt avèk respè,
Depatman Odit Legliz la
Jared B. Larson
Dirèktè Administratif