Musika
Magsisunod Kayo sa Akin
Pinasimple
May pagpapakumbaba
1. “Magsisunod kayo sa ‘kin,”
Ang wika ni Cristo sa ‘tin,
Upang tayo’y makiisa
Sa Bugtong ng ating Ama.
2. “Magsisunod kayo sa ‘kin,”
Simpleng turan, at taimtim
Dito’y ang katotohanang
S’yang pupukaw sa isipan.
3. Sapat na bang malaman lang
Na dito’y dapat S’yang sundan,
Habang tayo’y nabubuhay?
Hindi, hanggang sa langit man.
4. ‘Di lamang dito susundin,
Halimbawang alay sa ‘tin,
Kundi kahit naroon na
At sa langit kapiling S’ya.
5. Landas N’ya ay tatahakin
Sa paglawak ng tanawin,
At sundan S’ya walang hanggan,
Anuman ang katayuan.
6. L’walhati’t kapangyarihan
At ligaya’y makakamtan
Kung tawag N’ya ay susundin,
“Magsisunod kayo sa ‘kin.”
Ang awiting ito ay maaaring kopyahin para sa insidental, di-pangkalakal na gamit sa simbahan o tahanan.
Mga paglalarawan ni Paul Mann