Oras para sa Banal na Kasulatan

Isang Paglalakbay para Matutuhan ang Tungkol kay Jesucristo

Sama-samang pag-aralan ang Bagong Tipan sa taong ito!

Sa taong ito sa Primary isang napakagandang paglalakbay ang gagawin ninyo sa pagsunod sa mga yapak ni Jesus at pag-aaral tungkol sa Kanyang buhay mula sa mga pahina ng Bagong Tipan. Pag-aaralan din ng inyong mga magulang ang mga talatang ito sa banal na kasulatan sa kanilang mga klase.

Narito ang ilang aktibidad na tutulong sa inyo at sa inyong pamilya para sama-sama ninyong matutuhan ang tungkol sa Bagong Tipan.

Awit at Banal na Kasulatan

• “Ang mga K’wento kay Jesus,” (Aklat ng mga Awit Pambata, 36)

• Mateo 11:29

Mga Ideya na Pag-uusapan ng Pamilya

Bakit mahalaga at kapana-panabik na pag-aralan ang Bagong Tipan? Paano tayo mas mapapatatag ng pag-aaral pa ng tungkol sa Tagapagligtas? Tiyaking mabigyan ng pagkakataon ang bawat tao na makapagbahagi. Pagkatapos ay maaari ninyong kantahin ang “The Books of the New Testament” (Children’s Songbook, 116). Maaari din kayong gumawa ng mga kard at isulat ninyo ang mga pangalan ng mga aklat at pagsunud-sunurin ang mga ito.

Tips para sa mga Banal na Kasulatan

Ang pagmamarka ng inyong mga banal na kasulatan ay makakatulong sa inyo na mahanap ang inyong mga paboritong talata kalaunan!

Maaari kayong gumamit ng lapis, pen, o colored pencil.

Salungguhitan ang mga talata kung saan nagsalita si Jesus—o kaya ay bilugan ang mga numero ng talata.

Makakaorder ang inyong mga magulang ng kopya ng Bagong Tipan para sa inyo sa wikang Ingles o Espanyol sa halagang $2.50 sa store.lds.org.

• Lugar na Pinuntahan ni Jesus