សារលិខិតគណៈប្រធានទីមួយ
ការចែកចាយ ដំណឹងល្អ
ដោយប្រធាន ដាល្លិន អេក អូក
ទីប្រឹក្សាទីមួយក្នុងគណៈប្រធានទីមួយ
កែសម្រួលមកពី « ការចែកចាយដំណឹងល្អដែលបានស្ដារឡើងវិញ » Liahona ខែ វិច្ឆិកា ឆ្នាំ២០១៦ ទំព័រ ៥៧–៦០ ។
ព្រះអង្គសង្គ្រោះព្រះយេស៊ូវគ្រីស្ទបានត្រាស់បង្គាប់ពួកសិស្សរបស់ទ្រង់ ឲ្យចែកចាយដំណឹងល្អជាមួយមនុស្សគ្រប់រូបនៅលើផែនដីនេះ ។ ទ្រង់បានមានបន្ទូលថា « ចូរអ្នករាល់គ្នាទៅពេញសព្វក្នុងលោកីយ៍ទាំងមូល ហើយផ្សាយដំណឹងល្អទូទៅដល់គ្រប់មនុស្សទាំងអស់ចុះ » ( ម៉ាកុស ១៦:១៥ ) ។
យើងត្រូវការសមាជិកសាសនាចក្រគ្រប់រូប ជួយយកដំណឹងល្អទៅកាន់ពិភពលោកទាំងមូល ។
នេះគឺជារបៀបមួយចំនួនដែលអ្នកអាចជួយបាន ៖
-
ស្រឡាញ់ មនុស្សគ្រប់គ្នាដូចជាបងប្អូនប្រុសស្រីរបស់អ្នក ដូចព្រះយេស៊ូវគ្រីស្ទបានបង្រៀន ។
-
គោរពតាមព្រះបញ្ញត្តិ ដូច្នេះអ្នកអាចក្លាយជាគំរូល្អ ។
-
អធិស្ឋាន ដើម្បីដឹងថា តើនរណាត្រៀមខ្លួនរួចជាស្រេចដើម្បីរៀនដំណឹងល្អ និងអធិស្ឋានឲ្យដឹងពីរបៀបដែលអ្នកអាចចែកចាយដំណឹងល្អជាមួយពួកគេ ។
-
ជួយមនុស្សដទៃ ឲ្យរៀនបន្ថែមទៀតអំពីព្រះយេស៊ូវគ្រីស្ទ ។
កិច្ចការផ្សព្វផ្សាយសាសនាមានន័យថា មានអត្តចរិតនៃសេចក្តីស្រឡាញ់ និងជួយមនុស្សដទៃ ។ ទោះបីមនុស្សដទៃទៀតឆ្លើយតបបែបណាក្តី អ្នកគឺជាអ្នកផ្សព្វផ្សាយសាសនាមានជោគជ័យម្នាក់ ប្រសិនបើអ្នកចែកចាយដំណឹងល្អដោយសេចក្តីស្រឡាញ់ ។