ពួកសាវកនៅជុំវិញពិភពលោក
អែលឌើរគ្រីស្ដូហ្វឺសិនទៅទស្សនកិច្ចប្រទេសហ្វីលីពីន
ពួកសាវកធ្វើដំណើរជុំវិញពិភពលោក ដើម្បីផ្តល់ការងារបម្រើដល់មនុស្ស ហើយបង្រៀនពួកគេអំពីព្រះយេស៊ូវគ្រីស្ទ ។
អែលឌើរ ឌី ថត គ្រីស្តូហ្វឺសិន និងស៊ីស្ទើរ ខាធី គ្រីស្តូហ្វឺសិន បានទៅសួរសុខទុក្ខសមាជិកសាសនាចក្រនៅក្នុងប្រទេសហ្វីលីពីន ។ ប្រទេសនេះមានកោះជាង ៧០០០ កោះ ។ ហើយវាមានសមាជិកសាសនាចក្រជាង ៧៧០០០០ នាក់ ។
អែលឌើរគ្រីស្ដូហ្វឺសិនបានបង្រៀនថា ៖
ចូរមានសន្តានចិត្តល្អ ហើយស្រឡាញ់គ្នាទៅវិញទៅមក ។ ការណ៍នេះហៅថាការងារបម្រើ ។
ចូររស់នៅតាមដំណឹងល្អ—គ្រប់បទបញ្ញត្តិទាំងអស់ !
ចែកចាយដំណឹងល្អជាមួយមនុស្សដទៃ ។
មានសមាជិកសាសនាចក្រជាច្រើននាក់មកពីប្រទេសហ្វីលីពីន—ជាពិសេសយុវនារី—បម្រើបេសកកម្ម ។ អែលឌើរគ្រីស្ដូហ្វឺសិនបានមានប្រសាសន៍ថា គេស្គាល់ពួកគេថា ជាអ្នកពូកែរៀនភាសា ។
អែលឌើរគ្រីស្ដូហ្វឺសិនបានមានប្រសាសន៍ថា ប្រសិនបើអ្នកទៅទស្សនកិច្ចប្រទេសហ្វីលីពីន នោះអ្នកនឹងមកផ្ទះវិញដោយស្នាមញញឹមនៅលើមុខរបស់អ្នក !
« វាគឺជាកិច្ចការតូចតាចដែលធ្វើឲ្យមានការផ្លាស់ប្តូរយ៉ាងធំនៅក្នុងជីវិតនៃបុគ្គលម្នាក់ៗ និងគ្រួសារ » ។ —អែលឌើរ ឌី ថត គ្រីស្តូហ្វឺសិន