ការអញ្ជើញដល់វិចិត្រករទូទាំងពិភពលោក

អ្នកត្រូវបានអញ្ជើញឲ្យបង្កើតស្នាដៃសិល្បៈថ្មីៗសម្រាប់ការប្រកួតកិច្ចការសិល្បៈអន្តរជាតិលើកទី ១២ ដែលឧបត្ថម្ភដោយសារៈមន្ទីរប្រវត្តិសាស្ត្រសាសនាចក្រនៅទីក្រុងសលត៍ លេក រដ្ឋយូថាហ៍ ។

រាល់ប្រព័ន្ធផ្សព្វផ្សាយ រចនាបទ និងបែបបទតាមវប្បធម៌ខាងគំនូរទាំងអស់ត្រូវបានស្វាគមន៍ ។ ស្នាដៃសិល្បៈដែលត្រូវបានជ្រើសរើសនឹងត្រូវដាក់បង្ហាញនៅឯសារៈមន្ទីរប្រវត្តិសាស្ត្រសាសនាចក្រ និងនៅលើអ៊ិនធើរណែត ។

ការប្រកួតដោយមានគណៈវិនិច្ឆ័យនេះទទួលវិចិត្រករពីជុំវិញពិភពលោក ជាកិច្ចប្រឹងប្រែងមួយដើម្បីលើកទឹកចិត្តដល់ការបង្កើតស្នាដៃសិល្បៈដ៏មានគុណភាពដោយពួកបរិសុទ្ធថ្ងៃចុងក្រោយ ដើម្បីបង្ហាញពីទំហំ និងភាពចម្រុះនៃស្នាដៃខាងវប្បធម៌ពួកបរិសុទ្ធថ្ងៃចុងក្រោយ និងដើម្បីពង្រីកការប្រមូលផ្តុំរបស់សារៈមន្ទីរប្រវត្តិសាស្ត្រសាសនាចក្រ ។

ប្រធានបទ ៖ « មនុស្សទាំងអស់គឺមានតម្លៃស្មើគ្នានៅចំពោះព្រះ » នីហ្វៃទី ២ ២៦:៣៣ ។
កាលបរិច្ឆេទដាក់បញ្ចូន ៖ ថ្ងៃទី ១ ខែ កុម្ភៈ – ថ្ងៃទី ១ ខែ មិថុនា ឆ្នាំ ២០២១
អាយុ ៖ វិចិត្រករត្រូវមានអាយុចាប់ពី ១៨ ឆ្នាំឡើងទៅ
រង្វាន់ ៖ វិចិត្រករដែលកិច្ចការរបស់គាត់ត្រូវបានជ្រើសរើសសម្រាប់ការតាំងពិពណ៌នឹងត្រូវបានជូនដំណឹងនៅក្នុងខែ តុលា ឆ្នាំ ២០២១
កាលបរិច្ឆេទការតាំងពិពណ៌ ៖ ខែ មីនា ឆ្នាំ ២០២២ ដល់ខែ តុលា ឆ្នាំ ២០២២

សូមចូលទៅកាន់គេហទំព័រ ChurchofJesusChrist.org/artcompetition សម្រាប់ច្បាប់ពិស្ដារ តម្រូវការដើម្បីទទួលបានសិទ្ធិចូលរួម ការចុះឈ្មោះតាមអិនធើរណិត និងដើម្បីមើលស្នាដៃដ៏បំផុសគំនិតពីការប្រកួតពីមុន ។

« [ ព្រះអម្ចាស់ ] មិនធ្វើការណ៍ឡើយ លើកលែងតែការណ៍នោះច្បាស់លាស់ដល់កូនចៅមនុស្ស ហើយទ្រង់អញ្ជើញពួកគេទាំងអស់គ្នាឲ្យមករកទ្រង់ ហើយទទួលទាននូវសេចក្ដីល្អសប្បុរសរបស់ទ្រង់ ហើយទ្រង់ពុំបដិសេធអ្នកណាម្នាក់ ដែលមករកទ្រង់ឡើយ គឺទាំងខ្មៅ និងស ទាំងបាវគេ និងសេរី ទាំងប្រុស និងស្រី ហើយទ្រង់នឹកចាំដល់ពួកអ្នកឥតសាសនា ហើយមនុស្សទាំងអស់ ទាំងពួកសាសន៍យូដា និងពួកសាសន៍ដទៃ ក៏ដូចគ្នានៅចំពោះព្រះដែរ » ។

—នីហ្វៃទី២ ២៦:៣៣

មនុស្សទាំងអស់គ្នាគឺដូចគ្នានៅចំពោះព្រះ

តាមទ្រនិចនាឡិកាពីឆ្វេងខាងលើទៅ ៖ ព្រះគ្រីស្ទជាមួយនឹងម្កុដបន្លា ដោយ អ័ដាម លី ស័រវូដ បំណែកបញ្ចូលគ្នា ដោយ ផេច ខ្រូសលេនដ៍ អែនឌើរសុន ទឹករស់ ដោយ រ៉ូស ឌេថកស៍ ឌេល ព្រះគ្រីស្ទព្យាបាល ដោយ លេរ៉យ គ្លិន ត្រេនស៍ហ្វៀល ផែនការណ៍នៃសេចក្តីសង្គ្រោះ ដោយ ជូលី យូអិន យិម