ចូរមកតាមខ្ញុំ ៖ ព្រះគម្ពីរមរមន
តើការប្រែចិត្តផ្លាស់ប្ដូរទុក្ខព្រួយទៅជាអំណរតាមរបៀបណា ?
ថ្ងៃទី ២០–២៦ ខែ កក្កដា
អាលម៉ាបានចែកចាយបទពិសោធន៍នៃការប្រែចិត្តជឿរបស់លោកជាមួយហេលេមិនជាកូនប្រុសលោក ។ អាលម៉ាបានប្រាប់គាត់ពីរបៀបដែលលោក « ត្រូវញាំញីដោយសេចក្ដីទុក្ខវេទនា » ដោយសារតែ « អស់ទាំងអំពើបាប [ របស់លោក ] » ( អាលម៉ា ៣៦:១២–១៣ ) ។ តើអ្នកមានអារម្មណ៍ដូចម្ដេច នៅពេលអ្នកដកពិសោធន៍អារម្មណ៍ថាមានកំហុសដោយសារអំពើបាប ?
កើតពីព្រះ
បន្ទាប់ពីបីថ្ងៃនៃសេចក្ដីទុក្ខវេទនានៅខាងក្នុងចិត្ត អាលម៉ាបានមានគំនិតមួយដែលបានសម្រួលដល់ទុក្ខវេទនាដែលលោកទទួលនោះ ( សូមមើល អាលម៉ា ៣៦:១៩ ) ។ លោកបានថ្លែងទីបន្ទាល់ថា លោកបាន « កើតមកអំពីព្រះ » ( អាលម៉ា ៣៦:២៣ ) ។ តើគំនិតអ្វីដែលបានដឹកនាំទៅកាន់ការកើតមកអំពីព្រះរបស់លោក ? ( សូមមើល ខទី ១៨ ) ។
អំណរបន្ទាប់ពីទុក្ខព្រួយដ៏ធំធេង
អាលម៉ាបានដកពិសោធន៍នូវទុក្ខព្រួយដ៏ធំ ដោយសារតែអំពើបាបរបស់លោក ប៉ុន្តែពេលលោកបានចងចាំ ហើយបានអំពាវនាវដល់ព្រះយេស៊ូវគ្រីស្ទ នោះទុក្ខព្រួយរបស់លោកត្រូវបានជំនួសដោយអំណរនៃការអត់ទោសដ៏ផ្អែមល្ហែម និងជ្រួតជ្រាប ( សូមមើល អាលម៉ា ៣៦:២០ ) ។
ទុកចិត្តលើព្រះ
ដោយការចងចាំនូវដង្វាយធួនរបស់ព្រះយេស៊ូវគ្រីស្ទអាលម៉ាបានរៀនដើម្បីទុក្ខចិត្តលើព្រះ ហើយបានដឹងថា លោកនឹងត្រូវបានលើកឡើងនៅថ្ងៃចុងក្រោយ ( សូមមើល អាលម៉ា ៣៦:៣ ) ។ តើការចងចាំ និងពឹងផ្អែកលើដង្វាយធួនរបស់ព្រះអង្គសង្គ្រោះនាំអំណរដល់បងប្អូនដោយរបៀបណា ?