“மோசியாவும் சீநிப்பும்,” மார்மன் புஸ்தகக் கதைகள் (2023)
மோசியாவும் சீநிப்பும்
கர்த்தரால் காக்கப்படுதல்
நேபியர்களுக்கும் லாமானியர்களுக்குமிடையே அநேக யுத்தங்கள் இருந்தன. ஒரு நாள், கர்த்தரைப் பின்பற்றும் ஒவ்வொருவரும் நேபி தேசத்தை விட்டு வெளியேறும்படி மோசியா என்ற நேபியனிடம் கர்த்தர் கூறினார்.
பல நேபியர்கள் கர்த்தருக்குக் கீழ்ப்படிந்து மோசியாவுடன் வெளியேறினர். மக்கள் வாழும் ஒரு தேசத்திற்கு கர்த்தர் அவர்களை வழிநடத்தினார். அவர்கள் சாரகெம்லாவின் மக்கள் என்று அழைக்கப்பட்டனர்.
சாரகெம்லாவின் மக்களும் எருசலேமிலிருந்து நீண்ட காலத்திற்கு முன்பே வந்தவர்கள். கர்த்தர் நேபியர்களை பித்தளைத் தகடுகளுடன் அனுப்பியதில் அவர்கள் மகிழ்ச்சியடைந்தனர். மோசியாவின் மக்கள் சாரகெம்லா மக்களுடன் இணைந்தனர். மக்கள் அனைவரும் மோசியாவை இராஜாவாகத் தேர்ந்தெடுத்தனர். கர்த்தரைப்பற்றி அவர்களுக்குப் போதித்தார்.
ஒரு பெரிய குழு நேபியின் தேசத்திற்குத் திரும்பிச் சென்றபோது, நேபியர்கள் சில காலம் சாரகெம்லாவில் வசித்து வந்தனர். அவர்களை சீநிப் என்ற நேபியன் வழிநடத்தினான்.
லாமானியர் தற்போது நேபி தேசத்தில் வசித்தனர், அதனால் சீநிப் தன் மக்களும் அங்கே வசிக்க முடியுமா என்று அவர்களின் இராஜாவிடம் கேட்டான். இராஜா ஒப்புக்கொண்டான்.
இராஜா சீநிப்பையும் அவரது மக்களையும் ஏமாற்றினான். அவர்களின் உணவையும் விலங்குகளையும் பின்னாளில் எடுத்துக் கொள்ளலாமென, அவர்களை நேபியின் தேசத்தில் வாழ அவன் அனுமதித்தான் சீநிப்பின் மக்கள் பல ஆண்டுகளாக அங்கு சமாதானமாக வாழ்ந்தனர். அவர்கள் நிறைய உணவு தானியங்களை பெருக்கினார்கள் மற்றும் பல விலங்குகளை வைத்திருந்தனர். பின்னர் லாமனியர்கள் அவர்களைத் தாக்கி அவர்களின் உணவையும் விலங்குகளையும் எடுக்க முயன்றனர்.
சீநிப் கர்த்தரை நம்பும்படி தனது மக்களுக்கு கற்பித்தான். லாமானியர்கள் அவர்களுடன் சண்டையிட வந்தபோது, சீநிப்பும் அவனது மக்களும் கர்த்தரிடம் ஜெபித்தனர். கர்த்தர் அவர்களுக்குப் பலத்தைக் கொடுத்து அவர்களைப் பாதுகாக்கப் பண்ணினார். அவர்களால் லாமனியர்களை விரட்டியடிக்க முடிந்தது. சீநிப்பும் மற்றும் அவனுடைய மக்களின் விசுவாசத்தின் பிரகாரம் கர்த்தர் அவர்களை ஆசிர்வதித்தார்.