“ஆல்மாவும் அவனது மக்களும்,” மார்மன் புஸ்தகக் கதைகள் (2023)
ஆல்மாவும் அவனது மக்களும்
கடினமான காலங்களில் தேவனிடமிருந்து பலம்
ஆல்மாவும் அவனுடைய மக்களும் ஒரு அழகான தேசத்தில் வாழ்ந்தனர். விதைகளை விதைத்து வீடுகளைக் கட்டினார்கள். ஆல்மா தேவனின் ஆசாரியன். அவன் தனது மக்களுக்கு ஒருவரையொருவர் நேசிக்கக் கற்றுக் கொடுத்தான். மக்கள் ஆல்மாவுக்கு செவிகொடுத்து, தேவனின் கட்டளைகளைக் கடைப்பிடித்தனர். அவர்களுடைய குடும்பங்கள் வளர்ந்தன, அவர்கள் ஒரு நகரத்தைக் கட்டினார்கள்.
ஒரு நாள், லாமனியர்களின் படை வந்தது. அவர்கள் தொலைந்துபோனார்கள். லாமானியர்கள் ஆல்மாவின் மக்களுக்கு வீட்டிற்குச் செல்லும் வழியைக் கண்டறிய ஆல்மா உதவி செய்தால் அவர்களைத் தனியாக விட்டுவிடுவதாக உறுதியளித்தனர். லாமானியர்கள் தங்கள் தேசத்திற்கு எப்படி திரும்புவது என்று ஆல்மா காட்டினான்.
லாமனியர்கள் தங்கள் வாக்குறுதியைக் காப்பாற்றவில்லை. மாறாக, அவர்கள் தேசத்தை கையகப்படுத்தி, ஆல்மாவின் மக்களைக் காவலர்கள் கண்காணிக்க வைத்தனர். அவர்கள் அமுலோன் என்ற நேபியனையும் ஆல்மாவின் மக்களுக்கு இராஜாவாக்கினர். அமுலோன் போலி ஆசாரியர்களின் தலைவனாக இருந்தான். அவனும் அவனுடைய ஆசாரியர்களும் தேவனின் தீர்க்கதரிசியைக் கொன்று பல கெட்ட காரியங்களைச் செய்திருக்கிறார்கள்.
மோசியா 17:12–13; 23:31–32, 37–39; 24:9
அமுலோன் ஆல்மா மீது கோபம் கொண்டான். அவன் ஆல்மாவின் மக்களை மிகவும் கடினமாக உழைக்கச் செய்தான், மேலும் அவர்களுக்கு கொடூரமானவனாக இருந்தான். ஆல்மாவின் மக்களுக்கு இது கடினமாக இருந்தது.
உதவிக்காக அவர்கள் தேவனிடம் கெஞ்சினர். அமுலோன் அவர்களை ஜெபிப்பதை நிறுத்தச் சொன்னான். ஜெபம் செய்பவர் கொல்லப்படுவார் என அவன் சொன்னான்.
ஆல்மாவும் அவனுடைய மக்களும் சத்தமாக ஜெபிப்பதை நிறுத்தினர். மாறாக, அவர்கள் தங்கள் இருதயங்களில் ஜெபம் செய்தனர். தேவன் அவர்களின் ஜெபங்களைக் கேட்டார். அவர்களுக்கு ஆறுதல் கூறி, தப்பிக்க உதவுவதாக உறுதியளித்தார். தேவன் அவர்களின் கடின உழைப்பை எளிதாக்கினார். தேவன் சொல்வதைக் கேட்டு, மக்கள் பொறுமையாகவும் மகிழ்ச்சியாகவும் இருந்தனர். அவர் தங்களுக்கு உதவுகிறார் என்பது அவர்களுக்குத் தெரியும்.
ஆல்மாவின் மக்கள் தேவனை நம்பினர் மற்றும் அவர் மீது மிகுந்த நம்பிக்கை வைத்திருந்தனர். ஒரு நாள், தேவன் அவர்களிடம் செல்ல வேண்டிய நேரம் இது என்று கூறினார். அன்று இரவு, ஆல்மாவும் அவனுடைய மக்களும் தயாரானார்கள். அவர்கள் தங்கள் விலங்குகளையும் உணவையும் சேகரித்தனர். காலையில், தேவன் லாமனியர்களை ஆழ்ந்த தூக்கத்தில் வைத்தார். பின்னர் ஆல்மாவும் அவனுடைய மக்களும் தப்பித்து நாள் முழுவதும் பயணம் செய்தனர்.
அன்று இரவு ஆண்கள், பெண்கள், குழந்தைகள் என அனைவரும் தேவனுக்கு நன்றி தெரிவித்தனர். தேவன் மட்டுமே தங்களுக்கு உதவ முடியும் என்று அவர்களுக்குத் தெரியும். அவர்கள் பல நாட்கள் பயணம் செய்து சாரகெம்லா தேசத்திற்கு வந்தனர். நேபியர்கள் அவர்களை வரவேற்றனர், மேலும் இயேசு கிறிஸ்துவில் விசுவாசம் வைப்பது பற்றி ஆல்மா அனைவருக்கும் கற்பித்தான். பலர் விசுவாசித்து ஞானஸ்நானம் பெற்றார்கள்.