Mosia 25–28; Alma 36

Alma i Riu

Një ndryshim i madh

Mbreti Mosia i dha Almës fuqinë për të udhëhequr Kishën në Zarahemla. Alma u dha mësim njerëzve që të pendoheshin dhe të kishin besim te Zoti.

Mosia 25:19–24; 26

Alma kishte një bir që gjithashtu quhej Alma. Alma i Riu nuk e besonte atë që babai i tij e jepte mësim.

Mosia 27:8

Mosia kishte bij të cilët gjithashtu nuk besonin te Zoti. Ata ishin miq me Alma të Riun. Ata të gjithë dëshironin që njerëzit të largoheshin nga Kisha. Alma dhe bijtë e Mosias i udhëhoqën shumë njerëz që të bënin gjëra që ishin kundër urdhërimeve të Perëndisë.

Mosia 27:9–10; Alma 36:6

Një ditë, Zoti dërgoi një engjëll që t’i ndalonte ata. Engjëlli u tha atyre që ta ndalonin përpjekjen për të shkatërruar Kishën. Alma dhe bijtë e Mosias patën kaq frikë sa ranë përtokë.

Mosia 27:11–18; Alma 36:6–9

Alma nuk mund të fliste apo lëvizte për tri ditë dhe tri net. Ai u ndje vërtet keq për shkak të të gjitha gjërave të gabuara që kishte bërë. Ai ishte gjithashtu i shqetësuar ngaqë kishte bërë që shumë njerëz të largoheshin nga Zoti.

Mosia 27:19; Alma 36:10–16

Alma ndjeu kaq shumë dhembje për shkak të mëkateve të tij. Më pas atij iu kujtua ati i vet duke folur rreth Jezu Krishtit, Birit të Perëndisë.

Alma 36:17

Alma u lut që Jezusi ta falte. Pasi u lut, ai nuk mund ta kujtonte më dhembjen e vet. E dinte se Zoti e kishte falur. Nuk ndihej më keq për mëkatet e tij. Përkundrazi, Alma ishte shumë i lumtur.

Mosia 27:24, 28–29; Alma 36:18–22

Almës iu kthye sërish forca e tij. Ai dhe bijtë e Mosias vendosën që të pendoheshin dhe të përpiqeshin ta rregullonin gjithë dhembjen që kishin shkaktuar. Ata i shërbyen Zotit që nga ajo kohë duke i ndihmuar të tjerët të pendoheshin. Ata udhëtuan nëpër tokën ku mbretëronte Mosia dhe u dhanë mësim njerëzve rreth Jezusit.

Mosia 27:20–24, 32–37; Alma 36:23–26

Alma dhe bijtë e Mosias dëshironin ta përhapnin lumturinë që sollën mësimet e Jezusit në jetën e tyre. Ata punuan vërtet shumë për t’u shërbyer Zotit dhe njerëzve. Bijtë e Mosias zgjodhën të largoheshin dhe t’u mësonin lamanitëve rreth Jezusit. Alma zgjodhi të qëndronte dhe të vazhdonte t’u jepte mësim nefitëve.

Mosia 27:32–37; 28:1–10; 29:42–43