“Jezusi Zgjedh Dymbëdhjetë Dishepuj”, Tregime nga Libri i Mormonit (2023)
Jezusi Zgjedh Dymbëdhjetë Dishepuj
Fuqi për të dhënë mësim dhe pagëzuar
Kur Jezu Krishti erdhi në qytetin Begati, Ai zgjodhi dymbëdhjetë njerëz dhe u dha fuqi për të dhënë mësim dhe për të pagëzuar. Ai gjithashtu u dha atyre fuqi për të dhënë dhuratën e Frymës së Shenjtë. Ai i quajti ata dishepujt e Tij. Dishepujt bënë gjëra që Jezusi u mësoi atyre të bënin.
3 Nefi 11:1, 18–22, 41; 12:1; 15:11–12; 18:36–37
Jezusi u mësoi dishepujve të Tij se si të pagëzonin. Ai u tregoi atyre fjalët që duhej të thoshin. Ai u mësoi atyre ta zhytnin personin në ujë dhe ta ndihmonin të dilte përsëri nga uji. Jezusi u tha që të pagëzonin gjithmonë sipas mënyrës që Ai u mësoi atyre. Ai gjithashtu u dha mësim atyre rreth Frymës së Shenjtë.
Jezusi donte që dishepujt e Tij të shkonin mirë me njëri‑tjetrin dhe të mos debatonin. Ai tha se kur ata debatonin, nuk po i ndiqnin mësimet e Tij.
Jezusi u mësoi njerëzve që të besonin tek Ai, të pendoheshin dhe të pagëzoheshin që të mund të jetonin përsëri me Atin Qiellor.
Jezusi u tha dishepujve të Tij se nëse besonin tek Ai, besonin edhe tek Ati Qiellor. Fryma e Shenjtë do t’i ndihmonte të dinin se Jezusi dhe Ati Qiellor janë të vërtetë.
Kur Jezusi e përfundoi mësimdhënien ndaj dishepujve të Tij, Ai u tha të shkonin e t’u jepnin mësim të gjithë njerëzve. Ai tha të mos shqetësoheshin se çfarë do të hanin, pinin apo vishnin. Ai u tha se nëse ata i shërbenin Atit Qiellor, Ati Qiellor do të kujdesej për ta.