Katim raiting long metol i no isi, na spes long liklik plet bilong Nifai i bin liklik. Bilong wanem na Nifai i bin mekim hat wok long kopim ol rating bilong profet Isaiah i go long rekot bilong em? Em i mekim bikos em i lakim yumi long bilip long Jisas Krais? “Sol bilong mi i hamamas,” em i raitim, “long soim ol pipol bilong mi toktru bilong Krais bai i kam” (2 Nifai 11:4). Nifai i lukim wanem bai kamap long ol pipol bilong em bihain taim. Em i lukim olsem, maski ol i gat bikpela blesing, ol bai kamap het strong, lain bilong kros pait, na pulap long dispela wol (lukim 1 Nifai 12; 15:4–6). Em i lukim tu ol wankain hevi long taim bilong yumi (lukim 1 Nifai 14). Ol raiting bilong Isaiah i givim tok lukaut long ol dispela kain pasin nogut. Tasol ol givim Nifai hop long gutpela bihain taim—pinis bilong pasin nogut, taim bilong bungim ol feitful lain, na “bikpela lait” bilong ol lain pipol husat i “wokabaut long tudak” (2 Nifai 19:2). Olgeta dispela bai kamap bikos “wanpela pikinini [bin] bon” husat bai pinisim olgeta pasin nogut —“Dispela Prins bilong Bel Isi” (2 Nifai 19:6).
Ol aidia bilong Lainim long Hom na long Sios
Olsem wanem na mi ken klia gut moa long ol tising bilong Isaiah?
Nifai i luksave olsem “ol tok bilong Isaiah i no tok nating” (2 Nifai 25:4). Tasol em i serim tu ol aidia long halivim yumi painim mining long raiting bilong Isaiah:
“Ol tok bilong em bai wankain olsem” yupela (2 Nifai 11:2). Planti ol tising bilong Isaiah i gat planti ol mining na wei bilong mekim i kamap. Eksampel, taim yu rit long ol ples bilong stap long 2 Nifai 14:5–6, olsem wanem ol dispela ves i aplai long hom bilong yu. Askim yu yet, “Papa long Heven laikim mi long lainim wanem?”
Painim ol simbol bilong Jisas Krais (lukim 2 Nifai 11:4). Planti ol tising bilong Isaiah long Seivia i kam thru long ol simbol. Eksampel, Wanem i makim Seivia insait long 2 Nifai 19:2? Dispela simbol i tisim yu wanem samting long Em?
Lukluk long kisim “pulap bilong spirit bilong profesi” (2 Nifai 25:4). Taim yu stadi, pre long kisim gaidens bilong spirit. Yu bai no inap long klia gut long olgeta samting pastaim, tasol dispela Spirit ken halivim yu lainim wanem yu nid long save.
Yu bai painim olsem em bai halivim yu long lukluk igo bek long ol study helps insait long ol skripsa, wantaim tu ol futnouts, sapta heding, na Guide to the Scriptures. Buk Momon na Olpela Testamen i gat sampela moa infomesen i ken halivim yu lainim ol histori bilong tising bilong Isaiah.
Bikos Isaiah i bin yusim toktok i gat simbol, dispela i ken isi long haitim ol pawaful witnes bilong em long Jisas Krais. Painim Seivia insait long 2 Nifai 13:13; 14:4–6; 15:1–7; 16:1–7; 17:14; 18:14–15; 22:2. Ol dispela ves i tisim yu wanem long Em?
Profesi insait long 2 Nifai 19:6 i givim sampela ol taitol bilong Jisas Krais. Olsem wanem na Em i inapim ol dispela wok insait long laip bilong yu?
Lukim tu Ulisses Soares, “Jesus Christ: The Caregiver of Our Soul,” Liahona, May 2021, 82–84.
Ol lain i gat pasin bilong praid na bihainim ol pasin bilong dispela wol bai kisim daun pasin.
Nifai i lukim pinis olsem pasin bilong praid bai bringim kam pundaun bilong ol pipol bilong em (lukim 1 Nifai 12:19). So em i no samting bilong kirap nogut olsem Nifai i serim ol tok lukaut bilong Isaiah long pasin bilong praid wantaim ol pipol bilong em. Insait long chapters 12 na 13, painim ol toktok Isaiah i yusim long tok klia long pasin bilong praid, olsem lofti na hoti. Insait long 2 Nifai 15:1–24, painim toktok i stap long ol simbol i toktok long samting bai kamap bikos long praid. Bihain yu ken samaraisim wanem yu ritim long ol toktok bilong yu yet. Tingting long olsem wanem yu bai sus long gat daun pasin.
Lukim tu “Chapter 18: Beware of Pride,” Ol Tising bilong ol Presiden bilong Sios: Ezra Taft Benson (2014), 229–40.
Isaiah i kolim temple “dispela maunten bilong haus bilong Bikpela” (2 Nifai 12:2). Bilong wanem na maunten em i gutpela simbol bilong temple?
Olsem wanem bai yu tok klia long wanpela bilong wanem na yumi nidim ol temple? Yu ken painim sampela ansa insait long 2 Nifai 12:2–3 na long toktok bilong Presiden Russell M. Nelson “The Temple and Your Spiritual Foundation” (Liahona, Nov. 2021, 93–96). Long riting bilong yu, Bikpela i laik bai yu lainim wanem na ekspiriensim wanem long holi haus bilong Em? Wanem ol ekspiriens yu kisim long hap?
Yu ken painim temple rekomen intaviu askim long pages 36–37 bilong For the Strength of Youth: A Guide for Making Choices. Tingting na ritim wanwan na askim yu yet, dispela kwesten i tism mi wanem long wei bilong Bikpela? Olsem wanem na em i halivim mi “wokabaut long wei bilong em”?
Lukim tu ol Gospel Topics, “Temples,” Gospel Library; “High on the Mountain Top,” Hymns, no 5.
Maski long pasin nogut em i lukim, Isaiah i lukim hop bilong bihain taim. Tingting na stadim wanwan long ol dispela hap tok. Raitim wanpela o moa toktru wanwan ol dispela hap toktok i tisim long dei bilong yumi: 2 Nifai 12:1–5; 14:2–6; 15:20–26; 19:2–8. Bilong wanem na yu pilim dispela ol toktok i impoten long yumi bai klia long ol?
Painim ol paten. Insait long ol skripsa yumi bai inap long painim ol paten i soim yumi olsem wanem Bikpela i save wok. Insait long 2 Nifai 11–19, yu bai painim ol paten i soim olsem wanem Bikpela i givim tok lukaut long ol sin na pogivnes bilong ol pipol i tanim bel.
Isaiah i toktok long temple olsem “dispela maunten bilong haus bilong Bikpela.” Ol pikinini bilong yu bai hamamas long pilai na go antap long wanpela maunten taim yu ritim 2 Nifai 12:2–3. Halivim ol painim ol hap tok insait long ol dispela ves i toktok long wanem na yumi gat ol temple.
Long soim dispela hap tok “yumi bai wokabaut long rot bilong em i kam long 2 Nifai 12:3, yu ken mekim rot long floa , igo long piksa bilong temple. Taim ol pikinini bilong yu i wokabaut long rot, ol bai nemim ol samting ol i ken mekim long wokabaut long rot bilong Bikpela.
Ating ol pikinini bilong yu i ken drowim wanpela piksa bilong ol i go long temple. Ol i ken singim o harim tu wanpela singsing long temple, olsem “I Love to See the Temple” (Children’s Songbook, 95). Halivim ol painim ol hap tok insait long singsing i tisim wanem em temple na wanem yumi mekim long hap.
I gat ol sampela nem bilong Jisas Krais insait long 2 Nifai 11:4–7; 17:14; 19:6. Halivim ol pikinini bilong yu painim ol na toktok long wanem ol i min. Eksampel, “Krais” i minim “dispela anointed” na “Immanuel” i minim “God wantaim yumi.” Ol dispela nem i tisim yu wanem long Jisas?
Soim ol hap bilong dispela vidio “The Christ Child” (Gospel Library) i soim ol narakain pipol i lukim Jisas long namba wan taim. Stopim vidio long ol dispela hap, na askim ol pikinini long tingting bilong ol long wanem ol pipol i pilim. Wanem bai yumi pilim sapos yumi bin stap long hap? Olsem wanem bai yumi pilim taim yumi lukim Em gen?
Satan i save traim long paulim mi long gutpela na nogut pasin.
Soim ol pikinini samting i pait o saua, olsem lemon slais, insait long kendi repa. Ritim wantaim 2 Nifai 15:20. Olsem wanem Satan i save traim long mekim ol nogut samting i luk gutpela? Yu ken tu soim dispela 90 sekens vidio “You Will Be Freed” (Gospel Library). Bilong wanem na man bilong kisim pis i mekim huk bilong em i luk narakain? Bilong wanem na Satan i save mekim sin i luk narakain? Olsem wanem na Jisas Krais halivim yumi long abrusim giaman bilong Satan?
Long moa aidia, lukim isu bilong dispela mun Friend megesin.
