“Julai 29–Ogas 4: ‘Lukluk antap long God na i stap Laip.’ Alma 36–38,” Kam, Bihainim Mi—Bilong Haus na Sios: Buk bilong Momon 2024 (2023)
“Julai 29–Ogas 4. Alma 36–38,” Kam, Bihainim Mi—Bilong Haus na Sios: 2024 (2023)
Meri, i kam long Jen Tolman, may not be copied
Julai 29–Ogas 4: “Lukluk antap long God na i stap Laip.”
Alma 36–38
Taim Alma lukim pasin nogut raunim em, em pilim bikpela “sore tru,” “hevi,” na “pen bilong ol sol” (Alma 8:14). “pasin nogut namel long ol pipol,” em tokim ol Soramait, “givim pen long sol bilong mi” (Alma 31:30). Em pilim wankain samting bihain long em go bek long misin bilong em long ol Soramait—em lukim olsem ol bel bilong planti bilong ol Nifait “stat long kamap hat, na ol stat long koros bikos ol ting olsem tok bilong God em i hat,” olsem na dispela mekim bel bilong em “sore tru” (Alma 35:15). Alma bin mekim wanem long taim wanem samting em lukim na pilim? Em ino pilim daun o ino bilip long lukluk bilong dispela wol. Olsem na, “em i bin tokim ol pikinini man bilong em long bung wantaim” na tisim ol “dispela ol samting bilong stretpela pasin” (Alma 35:16). Em tisim ol olsem “i nogat narapela wei olsem man i ken kamap seiv, tasol bai thru long Krais. … Lukim, em i toktok bilong trupela toktok na stretpela pasin” (Alma 38:9).
Ol aidia bilong Lainim long Haus na long Sios
Mi ken kamap nupela long God.
Planti bilong yumi bai gat ol ekspiriens i eksen long taim Alma i tanim bel. Tasol olgeta man i mas kamap “nupela long God,” planti taim bai em kamap isi isi (Alma 36:23; 38:6). Taim yu ritim Alma 36, tingting long em i minim wanem long kamap nupela long God? Olsem eksample, long kamap bon nupela long God, yu pilim olsem wanem long sin? Hau long taim yu bon nupela long God senisim wanem samting yu mekim long bekim ol mistek bilong yu? Wanem ol narapela senis bin kamap insait long bilip na pasin bilong yu? Tingting long hau yu wok long lukim dispela ol senis.
Lukim tu Mosaia 5:7; 27:25--26; Alma 5:14; 22:15; Hilaman 3:35; “Alma dispela Yangpela Em i Senis i go long Bikpela” (video), Gospel Library.
Jisas Krais putim bek sore wantaim long amamas.
Sampela taim ol pipol i poret long tanim bel bikos ol lukim pasin bilong tanim bel em i wanpela panisman bilong sin. Wanem yu ting Alma bai tok lo dispela? Long painim aut, yu inap skelim wanem laip bilong Alma bin long bipo longb em tani bel (lukim Alma 36:6--17) em tok klia long em yet bihan long em bin tanim bel (lukim ves 18--27). Long tingting bilong Alma 36:17--18, hau bin Alma i kisim pogivnes bilong em?
Lukim tu Matthew S. Holland, “The Exquisite Gift of the Son,” Liahona, Nov. 2020, 45–47.
Ol skripsa i bin stap sef “bilong wanpela gutpela as.”
Tingim ol mirakol na blesin em i long gat ol skripsa tude! Taim yu ritim Alma 37, painim ol dispela blesin em kam long gat ol skripsa (lukim, olsem eksample, ves 7–10, 18--19, 44–45).
Insait long Alma 37:38–47, Alma bin skelim “ol toktok bilong Krais” long Liahona. Taim yu skelim dispela ol tingting, tingim bek lpong ol wei olsem yu bin pilim dispela mirakol na pawa bilong ol tisin bilong Krais “insait long wanwan de” (Alma 37:40).
Lukim tu D. Todd Christofferson, “The Blessings of Scripture,” Liahina, Mei 2010, 32--35; “As I Search he Holy Scriptures,” Ol singsing, no. 277; “Alma tokaut long Pikininin man bilong em Hilaman” (video), Gospel Library.
Ol skripsa tisim yumi hau long bihainm God
“Bikpela samting save kamap wantaim ol liklik samting.”
Sampela taim mipela i ken pilim olsem ol hevi bilong mipela em bikpela tumas na hat, olsem ol ansa i mas bikpela na hat tu. Tasol em i no long olgeta taim wei bilong Bikpela. Taim yu ritim Alma 37:1--14, tingting long wanem em mekim yu pilim long hau Em save wokim wok bilong Em. Bihain yu ken tingting na rekodim ol wei yu bin lukim dispela ol prinsapol insait long laip bilong yu.
Sapos yu bin long tisim dispela prinsapol long wanpela, wanem ol esksample long samting raunim mipela o laip long olegat de bai yu inap yusim long givim tok piksa? Yu inap painim sampela insait long tok bilong Presiden Dallin H. Oaks “Bikpela samting save kamap wantaim ol liklik samting,” (Liahona, Mei 2018, 89–92).
Wanem ol sampela bikpela samting em save bringim yu klostu long Papa long Heven na Jisas Krais?
Planti taim, “ol liklik samting” mipela susim save mekim bikpela senis insait long laip bilong yumi. Pikim wanpela topik long Bilong Strongim ol Yuth: Soim rot long Mekim ol Sois na askim yu yet ol askim olsem: hau ol sois bilong mi long dispela ol samting i senisim mi na ol pipol raunim mi? Wanem ol liklik senis mi inap long mekim olsem bai lid i go long bikpela bel isi na hamamas?
Lukim tu Nichael A Dunn,“Wanpela Pesent Beta,” Liahona, Nov. 2021, 106--8; Gospel Topik “Laik bilong wanwan,” Gospel Library.
Yusim ol liklik samting. Olsem planti ol narapela samting lo laip, gospel tisin na lainim i ken kamap thru long ol likoik samting. Olsem eksample, hau bai wanpela liklik solt o ist kamap long tisim dispel pawa bilong ol liklik samting? (lukim Matyu 5:13; 13:33).
“Kaunsel wantaim Bikpela.”
Insait long Alma 37:35--37, Painim ol askim bilong Alma i go long pikinini bilong em Hilaman. Wanem ol dispela askim yu pilim bel kirap long karim aut? Olsem eksampol, yu inap tingting wanem em i minim long “kausel wantaim Bikpela” (ves 37). Hau bin yu traim long mekim dispela? Hau Em bin dairektim yu long gutpela rot?
Serim testimon bilong mi long Jisasa Krais ken strongim o pipol mi lavim.
Ol toktok bilong Alma i go long pikinini bilong em Shiblon givim wanpela gutpela eksample long hau long strongim na strongim bel bilong ol pipol mipela i lavim long stap aninit long dispela gospel. Stadim Alma 38 i ken givim yu sampela ol aidia long halivim ol famili memba na ol pren long painim strong insaut long Jisas Krais. Wanem ol narapela samting yu inap long painim.
Long moa aidia, lukim megasin bilong dispela mun Liahona na Bilong Strogim ol Yuth megasin.
Ol aidia bilong Tisim ol Pikinini
Tanim bel save bringim amamas long mi insai long Jisas Krais.
-
Long halivim ol pikinini bilong yu save olsem tanim bel save bringim amams, yu ken givim ol wanpela liklik pepa wantaim amamas pes lonf wanpela sait na sore pes long narapela sait. Askim ol long putim iau taim yu wok long ritim Alma 36:13, 17--20 na holim i go antap wanpela bilong ol pes long soim hau Alma bin pilim long dispela taim. Ol bikpela pikinini ken raitim daun ol toktok em i tok klia long hau Alma bin pilim. Wanem bin mekim Alma sore, na wanem bin bringim amamas long em? Bihain yu inap tokim ol long dispela amamas yu pilim tam yu tanim bel.
“Bikpela samting save kamapim wantaim ol liklik samting.”
-
Ol pikinini bilong yu i ken amamas long painim ol liklik aitem olsem bikpela samting i ken kamap. Ol aitem olsem bateri, ki bilong kar, o tu wanpela toi dispela save givim bel isi long ol i ken kamap olsem eksampel. Yu ken ritim long bihain Alma 37:6--7 wantaim na tingting long sampela ol liklik samting olsem God i laikim yumi long mekim. Wanem ol bikpela samting kne kamao taim mipela i bihainim dispela ol liklik ol komammen?
-
Ol pikinini bilong yu ken tu traim samting olsem: stat lon g pulmapim wanpela kap wara, wanpela drop long wanpela taim. Hau na dispela i go wantaim Alma 37:6--7? Bihain yu ken toktok long hau wei bilong Bikpela long “liklik na isipela samtin,” olsem ritim ol skripsa long wanwan de, em i olsem ol drop bilong wara insait long kap.
-
Halivim ol pikinini bilong yu tingting long ol wei ol i ken bringim bikpela samting long haus. Dispela singsing “‘Give,’ Said the Little Stream” (Children’s Songbook, 236) tu soim piksa bilong dispela prinsapol.
Ol skripsa inap halivim mi long olgeta de.
-
Hau bai yu halivim ol piknini bilong yu long kamapim lav long toktok bilong God, olsem Alma bin mekim long Hilaman? Tingtingn long soim ol wanpela piksa bilog Liahona (olsem Gospel Art Book, no. 68) o askim ol long droim wanpela taim ol serim wanem samting ol save long (lukim Alam 37:38--47; 1 Nifai 16:10, 28--29). Hau ol skripsa i wankain olsem Liahona?
PiksaLiahona
Long moa aidia, lukim megasin bilong dispela dispela mun Pren megasin
Esel soim em yet long Alma na dispela ol pikinini bilong Mosaia, i kam long Clark Kelley Price