Taim famili bilong Lihai i wokabaut igo long promis len, Bikpela mekim dispela promis: “Mi bai redim dispela wei pastaim long yu, sapos olsem yupela bai kipim ol komanmen bilong mi” (1 Nifai 17:13). Em klia, olsem dispela promis ino bin min olsem dispela wokabaut bai no inap long isi—ol famili memba bin kros pait yet, ol bunara bin buruk, ol pipol kisim taim na dai, na ol bildim sip long ol samting bilong bus. Tasol, taim dispela famili i bin painim taim nogut o ol wok i bin hat tumas, Nifai luksave olsem Bikpela ino bin stap longwe. Em save olsem God “bai givim kaikai long [ol feitful], na strongim ol, na givim ol wei we ol bai mekim ol samting kamap we Em i komandim ol” (1 Nifai 17:3). Sapos yu save tingting bilong wanem na ol nogut samting save kamap long ol gutpela lain olsem Nifai na ol famili bilong em, yu bai painim gutpela tingting long ol dispela sapta. Tasol ating moa impoten, yu bai lukim wanem ol gutpela samting ol pipol save mekim taim samting nogut i kamap.
Seivia bai halivim mi fesim ol salens bilong laip.
Famili bilong Nifai i fesim sampela bikpela salens—olsem yumi olgeta save mekim. Yu lainim wanem long Nifai long pasin bilong em long fesim ol hatpela samting wantaim feit long Jisas Krais? Ritim long ol ekspiriens bilong em long 1 Nifai 16:17–32; 16:34–39; 17:7–16; 18:1–4; na 18:9–22. Rekotim wanem yu ting yu painim long ol het tok olsem dispela: “Salens,” “Olsem Wanem Nifai i Bekim,” na “Olsem Wanem Bikpela i Halivim.” Wanem samting yu lainim we ting yu bai putim long ol salens yu fesim?
Bihain long lainim long Nifai na famili, yu bai laik long ekotim sampela tingting aninit long ol,dispela het tok: “Ol Salens bilong Mi,” “Olsem Wanem Mi Bai Bekim,” na “Olsem Wanem Bikpela Ken Halivim Mi.” Taim yu mekim, yu ken lukluk igo long ol skripsa olsem long hia: Matthew 11:28–30; John 14:26–27; Mosaia 24:13–15. Wanpela singsing lotu “Where Can I Turn for Peace?” (Ol Singsing Lotu, no. 129) i ken strongim feit bilong yu insait long Seivia na halivim Em i givim long ol taim bilong traim.
Lukim tu Anthony D. Perkins, “Remember Thy Suffering Saints, O Our God,” Liahona, Nov. 2021, 103–5; “He Will Give You Help,” “The Lord Guides Lehi’s Journey,” “The Lord Commands Nephi to Build a Ship,” na“Lehi’s Family Sails to the Promised Land” (ol vidio), Gospel Librari; “Life Help,” Gospel Librari.
Taim God i lidim famili bilong Lihai igo long ples we nogat man istap, Em ino givim ol long wanpela mep na soim ol long olgeta hap ol bai go long wokabaut bilong ol. Long ples bilong mep, Em i givim ol Liahona long gaidim ol olgeta de. Taim yu rit 1 Nifai 16:10–16, 23–31, na 18:10–22, tingting long mekim lis long ol toktru i soim olsem wanem God i gaidim ol pikinini bilong Em (eksampel, 1 Nifai 16:10 ken tisim yumi olsem God sampela taim i gaidim yumi long ol wei yumi ino na long tingim. Wanem samting i wankain namel long Liahina na Holi Gos? Wanem ol “liklik wei ” Em i yusim long bringim kam “ol bikpela samting” insait long laip bilong yu?
Maski Nifai na ol brata bilong em i gat ol salens long ples nogat man istap, ol ekspiriens bilong ol i bin narakain stret. Yu ken skelim stori bilong Nifai long wokabaut long ples i nogat man (lukim 1 Nifai 17:1–6) wantaim stori bilong ol brata bilong em(lukim 1 Nifai 17:17–22). Nifai bin save na mekim wanem we i halivim em gat feit long lukluk bilong em? Tingting long raitim wanpela traim i kam long lukluk bilong feit na bikpela tenkyu. Yu pilim o lainim wanem long dispela?
Lukim tu Amy A. Wright, “Christ Heals That Which Is Broken,” Liahona, May 2022, 81–84; “No Strength without Struggle” (vidio), Gospel Librari.
Taim bilong stap isi na skelim tingting. Kisim taim long tingting, skelim tingting , o raitim bai lidim yu long kirapim bel. Em ken halivim yumi lukim olsem wanem na ol doktrin na ol prinsipel bilong gospel i stap wantaim laip bilong yumi. Taim yu tisim ol narapela, givim ol taim long skelim na raitim ol tingting bilong ol. Dispela ken mekim bikpela laik bilong ol long serim ol tingting bilong ol na pilings wantaim ol narapela.
Bikos ol skripsa ol i raitim ol long taim bipo, em bai luk olsem ol ino impoten long yumi tude. Tasol Nifai em i save moa. “Mi bin tok olgeta skripsa toktok long yumi,” em i tok, “olsem bai em i bilong gutpela na lainim bilong yumi” (1 Nifai 19:23). Em i wanpela as Nifai i painim planti spiritual pawa insait long ol skripsa.
Tingting long ol kwesten olsem dispela taim yu rit 1 Nifai 20–22:
1 Nifai 20:1–9.Ol dispela ves i tisim wanem long ol lain pipol long taim bilong Isaiah? Wanem samting yu painim insait long i wankain long yu?
1 Nifai 20:17–22.Ol dispela ves i tisim wanem long olsem wanem Papa long Heven i lidim ol lain long taim bilong Isaiah? Olsem wanem Em i invaitim yu long bihainim Em?
Wanem samting moa yu painim insait long 1 Nifai 20–22 we yu ken meikim kamap “olsem” long yu yet?
Sapos yu gat wanpela kampas, wanpela mep, o samting inap long halivim yu painim wei bilong yu, yu ken soim long ol pikinini bilong yu. Dispela ken gutpela wei long statm wanpela toktok long Liahona, we yu ken ritim long 1 Nifai 16:10, 28–29. Wanem ol sampela as kampas o mep bai no inap long wok? Bilong wanem na Liahona sampela taim ino bin wok lng famili bilong Lihai? (lukim 1 Nifai 18:9–12, 20–22). Papa long Heven i givim yumi wanem tude long gaidim yumi go bek long Em?
Long halivim ol pikinini bilong yupela i mekim samting ol i lainim long Liahona insait long 1 Nifai 16:10, 26–31; 18:8–22, yu ken invaitim ol long tingting long wanpela impoten o hatpela disisen. God i givim yumi wanem tude long gaidim yumi we i wok olsem Liahona? Lukim, eksampel, Alma 37:38–44 Tingting long serim wanpela ekspiriens we Papa long Heven i bin gaidim yu.
Mi ken kamao gutpela eksampel long famili bilong mi.
Taim yu ritim 1 Nifai 16:21–32 wantaim, halivim ol pikinini bilong yu painim olsem wanem eksampel bilong Nifai i blesim famili (lukim tu vidieo “The Lord Guides Lehi’s Journey” [Gospel Library]). Dispela bai lidim yu go long diskasen long olsem wanem yumi ken kamap olsem Nifai. Invaitim ol pikinini bilong yu long plenim wanpela samting ol i ken mekim long kamap gutpela man bilong senisim tingting bilong ol narapela famili memba.
Papa long Heven i ken halivim mi mekim ol hatpela samting.
Ol pikinini i save laik long tokim ol stori. Yu ken invaitim ol long halivim yu tokim dispela stori bilong Nifai i kisim komanmen long bildim wanpela bout (lukim 1 Nifai 17:7–19; 18:1–4; lukim tu “Chapter 7: Building the Ship,” insait long Book of Mormon Stories, 21–22; o vidio “The Lord Instructs Nephi to Build a Ship” [Gospel Library]). Ol ken tu singim wantaim namba tu ves bilong “Nephi’s Courage” (Children’s Songbook, 120–21). Wanem samting i halivim Nifai long gat karis taim ol brata bilong em i tok pilai taim em i bildim bout?
Nifai i no bin save long mekim bout, olsem na em i wetim ol instraksen i kam long Bikpela. Bihain long ritim 1 Nifai 18:1 wantaim yu, ol pikinini i ken pinisim ektiviti pes bilong dispela wik. Taim ol i mekim olsem, toktok wantaim ol long olsem wanem Papa long Heven i ken halivim yumi mekim ol hatpela samting, olsem em i bin haliim Nifai.
Long moa aidia, lukim isu bilong dispela mun Friend megesin.
