Buk Momon i stat wantaim promis bilong Nifai long soim yumi olsem “olgeta marimari bilong Bikpela i stap long olgeta lain husat em i makim, bikos long feit bilong ol” (1 Nifai 1:20). Buk i pinis wantaim invitesen i kam long Moronai: “Tingim marimari bilong Bikpela ”(Moronai 10:2–3). Wanem ol eksampel bilong marimari bilong Bikpela yu lukim insait long Buk Momon? Yu bai tingim marimari bilong God long taim Lihai na famili i kam long ples nogat man i stap na krosim bikpela solwara, ol marimari Em i soim long Inos taim sol bilong em i hangre long pogivnes, o dispela marimari Em i soim long Alma, wanpela birua bilong Sios husat i kamap wanpela strongpela ami. O ol tingting bilong yu bai tanim i go long marimari Seivia i soim long ol pipol taim Em i hilim ol sik na blesim ol liklik pikinini. Ating moa impoten, long olgeta dispela i ken mekim yu tingim “marimari bilong God ” long yu, bikos Buk Momon i kamap long invaitim yumi wanwan long kisim marimari bilong God—wanpela invitesen long toktok bilong Moronai, “Kam long Krais, na kamap strepela thru long em” (Moronai 10:32).
Mi ken save long olgeta toktru bilong olgeta samting wantaim pawa bilong Holi Gos.
Promis insait long Moronai 10:3–7 i senisim laip bilong milion pipol long olgeta wol. Olsem wanem em i senisim laip bilong yu? Taim yu ritim Moronai 10:3–7, traim ritim gut moa long pastaim yu bin ritim long pastaim. Yu ken lukluk gut long wanwan hap tok, askim yu yet ol kwesten olsem: Dispela i minim wanem? Olsem wanem mi ken mekim gut? Wanem ol ekspiriens mi gat wantaim ol dispela?
Taim yu tingting long painim spiritual toktru, em bai halivim long lainim olsem wanem ol narapela i painim toktru wantaim pawa bilong Holi Gos. Elda Mathias Held i toktok long ekspiriens bilong em olsem wanpela nupela memba bilong Sios (lukim “Seeking Knowledge by the Spirit,” Liahona, May 2019, 31–33). Elda David F. Evans i toktok olsem wanpela husat i bikpela insait long Sios tasol i bin gat ol askim yet (lukim “The Truth of All Things,” Liahona, Nov. 2017, 68–70). Tingting long ritim wanpela o tupela long ol dispela toktok na raitim daun samting yu lainim long wok bilong tupela long painim toktru we i halivim yu wantaim wok bilong yu yet.
Yu bai tu painim wanem God i tisim long toktru taim yu ritim sampela ol hap tok long Gaid bilong ol Skripsa, “Truth” (Gospel Library). Wanem ol skripsa i givim yu gutpela tingting? Ating yu ken pikim wanpela long serim wantaim narapela husat i wok long painim toktru wantaim spirit.
Lukim tu Henry B. Eyring, “The Faith to Ask and then to Act,” Liahona, Nov. 2021, 74–76; “Let the Holy Spirit Guide,” Hymns, no. 143; Gospel Topics, “Seeking Truth and Avoiding Deception,” Gospel Library.
Rekotim ol piling o tingting. Long senis i go long gospel bilong Jisas Krais i min yu save na yu stap insait long gospel. Yu bai ekt long samting yu lainim sapos yu raitim daun. Sapos yu tis, invaitim ol pipol yu tisim long rekotim ol piling i kam wantaim spirit.
I gat planti wei wanpela man bai “tok nogat long … presen bilong God” (Moronai 10:8). Sampela lain i tok ol dispela presen i no save stap. Ol narapela i tok nogat long ol presen taim ol i bisi long mekim ol wok. Taim yu ritim Moronai 10:8–25, painim ol toktru bai halivim yu painim ol spiritual presen bilong yu na yusim ol long blesim ol pikinini bilong God. Ol askim olsem bai halivim: Wanem em spiritual presen? Ol save givim long husat? Bilong wanem na ol save givim? Olsem wanem na yumi bai kisim ol? Yu ken tingim ol eksampel bilong ol pipol i yusim ol presen i stap long Moronai 10:9–16?
Mi ken kamap stretpela thru long marimari bilong Jisas Krais.
Kaunsel bilong Moronai long “kam long Krais” i gat moa wok long lainim na tingim Em. Mobeta, dispela em i invitesen long kam long Krais long trupela wei—long kamap olsem Em. Taim yu ritim Moronai 10:30–33, luksave long ol hap tok bai halivim yu klia gut wanem em i min long kam long Krais, olsem wanem dispela i ken kamap,, na ol gutpela bai kamap.
Lukluk go bek long stadi bilong yu long Buk Momon long dispela yia, na tingim wanem yu pilim na lainim long Jisas Krais. Olsem eksampol: Olsem wanem na Buk Momon i halivim yu kam long Em? Olsem wanem em i halivim yu stap strong long marimari bilong Em? Olsem wanem em i halivim yu long “noken tok nogat” long pawa bilong Seivia? Tingting long serim witnes bilong yu long Buk Momon wantaim wanpela husat i nid long harim, wantaim ol lain yu laivim na ol prens husat i no save long toktok bilong em.
Lukim tu “Moronai Invaitim Olgeta long Kam long Krais” (video), Gospel Library.
Olsem wanem yu ken halivim ol pikinini bilong yu wanbel long invitesen bilong Moronai long askim God sapos dispela Buk Momon i tru? Tingting long givim ol ol hap pepa wantaim ol dispela tok Rit, Tingim, Tingting, na Askim i stap long ol. Ol pikinini bilong yu i ken painim ol dispela tok insait long Moronai 10:3–4. Wanem bai yumi ritim, tingim, tingting long em na askim long kisim o strongim testimoni bilong yumi long Buk Momon? Ol pikinini bilong yu i ken painim ol wankain samting long ol dispela ves na dispela singsing “Search, Ponder, and Pray” (Children’s Songbook, 109).
Ol pikinini bilong yu i ken yusim dispela piksa long arere bilong dispela autlain long toktok long Moronai i planim ol gol plet (lukim tu “Chapter 54: The Promise of the Book of Mormon,” Book of Mormon Stories, 156). Ol yangpela pikinini bai hamamas long ekt olsem Moronai rait long ol plet na planim ol. Serim wantaim wanpela narapela testimoni bilong yupela long Buk Momon.
Long tisim ol pikinini long presen bilong spirit, yu ken raitim ol namba 9 i go long 16 long ol hap pepa na pasim olsem wanpela presen. Ol pikinini bai kisim taim long rausim pepa long ol presen, ritim ol ves long Moroni 10:9–16 i go wantaim ol namba, na luksave long wanem presen bilong spirit i stap. Yu ken toktok long olsem wanem Papa long Heven i laikim yumi long yusim ol dispela presen long blesim ol pikinini bilong Em. Yu ken tu halivim ol pikinini bilong yu luksave long ol presen Papa long Heven i givim long ol.
Ol pikinini bilong yu save em i min wanem long kam long Krais? Ating yu ken ritim Moronai 10:32 na invaitim o, long ripitim dispela hap tok wantaim yu. Ol i ken pasim ai bilong ol taim yu putim piksa bilong Jisas sampela hap long rum. Larim ol i opim ai bilong ol, painim piksa, bung raunim en, na toktok long ol wei yumi kenan kam long Krais. Ating em bai halivim long raitim daun dispela askim Em i min wanem long kam long Krais? Halivim long painim Moronai 10:32–33 long painim sampela ansa (lukim tu Ol Bilip 1:3–4). Wok wantaim long mekim lis wanem ol samting Krais laik bai bai yumi mekim na em i promisim yumi wanem?
Ating ol pikinini bai hamamas long memim na bilasim ol bedj olsem hat wantaim “Mimlavim God wantaim olgeta strong, na tingting” (lukim Moronai 10:32). Taim ol i mekim olsem, toktok wantaim ol long olsem wanem yumi soim God yumi lavim Em.
Long moa aidia, lukim isu bilong dispela mun Friend megesin.
