Nifai na meri bilong em

Februeri 12–18: “Mipela i bin Stap bihainim dispela Pasin bilong Hamamas.”

2 Nifai 3–5

Taim yu ritim 1 Nifai, yu bai gat dispela tingting olsem Nifai i bin wanpela man i bikpela na gutpela moa yet. “Bikpela long sais ” long bodi na long spirit (1 Nifai 2:16), emi no save seksek long ol traim em i fesim. O yumi ken ting olsem. Feit bilong Nifai i narakain tru, ol tok bilong em insait long 2 Nifai 4 i soim klia olsem ol feitful lain sampela taim i save pilim “bagarap” and “isi long daunim em yet” wantaim ol temtesen. Hia yumi lukim wanpela husat i traim, husat i laik hamamas, tasol husat “bel bilong em i krai bikos long ol sin [bilong em].” Yumi ken luksave long dispela na long hop olsem dispela strong bilong yumi bai ikam: “Tasol, Mi save long husat mi gat tras” (lukim 2 Nifai 4:15–19).

Taim Nifai na ol lain pipol bilong em i lainim long stap “bihainim pasin bilong hamamas” (2 Nifai 5:27), ol i lainin tu olsem hamamas i no save kam isi o bai nogat taim bilong sore. Em i kam long pasin bilong trastim Bikpela, “dispela rok bilong stretpela pasin bilong [yumi]” (2 Nifai 4:35).

Ol aidia bilong Lainim long Hom na long Sios

2 Nifai 3:6–24

seminari sain

Joseph Smith em God i susim long bringim kam bek dispela gospel.

Lihai i serim wantaim pikinini bilong em Joseph wanpela profesi Joseph long Egypt i bin givim. Dispela profesi em i bin toktok long kam bilong wanpela “sia ol i susim,” Joseph Smith. Ol dispela ves verses 6–24 i tok Joseph Smith bai mekim wanem long blesim ol pipol bilong God? Tingim olsem wanem wok bilong Joseph Smith i bin “bikpela tru” long yu. Yu ken kisim ol sampela aidia long ol vidio long Joseph Smith insait long dispela “Prophets of the Restoration” koleksen long Gospel Librari. Tingting long ol kwesten olsem dispela, na tingting long rekotim ol ansa bilong yu:

• Wanem samting yu save long Papa long Heven na Jisas Krais bikos long ol samting Joseph Smith i tisim?

• Olsem wanem na laip bilong yu i narakain bikos long wanem samting Bikpela i bringim kam bek thru long Joseph Smith?

• Laip bilong yu bai olsem wanem sapos Restorsen i no bin kamap?

Wanpela impoten misin bilong Joseph Smith em long bringim kam Buk Momon. Yu lainim wanem long dispela sapta long wai Buk Momon em i impoten? Moa yet, yu ken painim ol as insait long verses 7, 11–13, 18–24.

Lukim tu Joseph Smith Translation, Genesis 50:24–38 (in the Bible appendix); Gospel Topics, “Joseph Smith,” Gospel Library; “Praise to the Man,” Hymns, no. 27.

Profet Joseph Smith

Profet bilong Bikpela,David Lindsley i mekim

2 Nifai 4:15–35

“O Bikpela, Mi bin trast long yu.”

Nifai i tok em bai “raitim ol samting bilong sol bilong mi” (verse 15). Taim yu ritim wanem samting em bin raitim insait long 2 Nifai 4:15–35, askim yu yet, “Wanem em ol samting bilong sol bilong mi ?” Tingting long raitim ol go daun, olsem Nifai i bin mekim, na serim ol wantaim ol lain yu lavim.

Olsem Nifai i bin painim gutpela sindaun taim em i bin pilim hevi i ken halivim yu taim yu gat ol wankain piling. Lukluk insait long verses 15–35 long ol hap i toktok long givim yu gutpela sindaun. Yu save long wanpela husat i bai paibim gutpela sindaun long ol dispela toktok?

Lukim tu Ronald A. Rasband, “The Things of My Soul,” Liahona, Nov. 2021, 39–41.

2 Nifai 5

Mi ken hamamas long stap insait long gospel bilong Jisas Krais.

Em i minim wanem long hamamas? Nifai i raitim olseem ol pipol bilong em i stap “bihainim dispela pasin bilong hamamas” (2 Nifai 5:27). Yu ken lukluk long ol sois Nifai na ol pipol bilong em i bin mekim we i halivim ol long stap hamamas (lukim, eksampel 2 Nifai 5:6, 10–17). Wanem ken halivim yu bildim laip i gat hamama olsem ol pipol bilong Nifai?

2 Nifai 5:20–21

Wanem dispela kes i kam antap long ol Lemenaits?

Long taim bilong Nifai dispela kes bilong ol Lemenait em olsem ol i bin “kat of long [Bikpela] … bikos long rong bilong ol” (2 Nifai 5:20–21). Dispela i min olsem Spirit bilong Bikpela i lusim ol na ino stap long laip bilong ol. Taim ol Lemenaits i holim pas long gospel bilong Jisas Krais bihain taim, “dispela kes bilong God i no moa bihainim ol” (Alma 23:18).

Buk Momon i tok tu olsem wanpela mak bilong tudak skin i kam long ol Lemenait bihain long ol Nifai i bruk lusim ol. Yumi i no klia gut tumas long dispela em i luk olsem wanem. Dispela mak i bin mekim ol i narakain long ol Nifaits. Bihain, taim ol lain bilong Nifai na ol lain bilong Lemen i go thru long ol taim bilong pasin nogut na stretpela pasin, dispela mak i no moa impoten.

Profet i tokim yumi pinis olsem skin tudak i no sain bilong wanpela kes i kam log God. Presiden Russell M. Nelson i tokaut: “Mi tokim yupela olsem sanap bilong yupela long ai bilong God i no nap kamap long skin kala bilong yu. Laik o no laik bilong God em i stap antap long divosen bilong yu long God na ol komanmen bilong Em na i no long kala bilong skin bilong yu” (“Let God Prevail,” Liahona, Nov. 2020, 94).

Olsem Nifai i lainim, Bikpela “i no dinaim wanpela husat i kam long Em, bilak, wait, kalabus na fri, man na meri; … olgeta i olsem God” (2 Nifai 26:33).

Lukim tu “Till We All Come in the Unity of the Faith” (vidio), Gospel Librari.

Long moa aidia, lukim isu bilong dispela mun Liahona na For the Strength of Youth megesin.

Ol aidia bilong Tisim ol Pikinini

2 Nifai 3:6–24

Joseph Smith em i bin wanpela Profet

• Tingim olsem wanem na yu ken tisim ol pikinini bilong yu long dispela bikpela wok God i mekim thru long Joseph Smith. Long stat, yu ken halivim ol pikinini bilong yu painim dispela hap tok “sia” insait long 2 Nifai 3:6 na tok klia olsem ol profet i gat nem sia bikos Papa long Heven halivim ol lukim ol samting yumi no inap long lukim. Serim bilong wanem na hamamas long gat wanpela sia i lidim Sios bilong yumi tude.

• Dispela Gospel Art Book i gat sampela piksa yu ken yusim long tisim long long ol wok God i memim thru long Joseph Smith (lukim pictures 89–95). Larim ol pikinini bilog yu serim wanem ol save long ol dispela piksa. Bilong wanem na Joseph Smith i gat nem olsem “sios sia seer”? Wanem samting Joseph Smith i mekim we em i “gat bikpela prais tumas”? (verse 7).

  Joseph Smith i stadim Baibel

2 Nifai 4:15–35; 5

Mi lavim “ol samting bilong Bikpela.”

• Wanem samting mekim yumi hamamas? Tingting long ritim wantaim ol veses long 2 Nifai 4 long painim aut wanem i mekim Nifai hamamas (lukim verses 15–16, 20–25, 34–35). Insait long toktok bilong em “The Things of My Soul,” Elder Ronald A. Rasband i serim sevenpelaol “samting bilong Bikpela ” we i impoten long em (Liahona, Nov. 2021, 39–41). Ating yu ken lukluk go bek long dispela lis wantaim na toktok long ol “samting bilong Bikpela” we i gutpela moa long yu.

• 2 Nifai 5 i tok klia long ol samting i halivim ol lain bilong Nifai i stap “bihainim pasin bilong hamamas” (verse 27). Yu ken givim sampela ol toktok o piksa i makim ol dispela samting na halivim ol pikinini bilong yu i putim ol i go wantaim ol ves insait long chapter 5. Sampela eksampel em ol famili (verse 6), komanmen bilong God (verse 10), ol skripsa (verse 12), wok (verses 15 and 17), ol temple (verse 16), na Sios koling (verse 26). Olsem wanem na ol dispela samting bai bringim hamamas long yumi?

2 Nifai 5:15–16

Temple em i haus bilong Bikpela.

• Taim yu ritim 2 Nifai 5:15–16 long ol pikinini bilong yu, ol i ken priten olsem ol i halivvim Nifai long bildim temple. Yu ken soim ol tu ol piksa bilong ol narapela bilding.,wantaim tu temple. Olsem wanem na ol temple i narakain long ol narapela bilding? Serim wantaim wanpela narapela bilong wanem na temple em i impoten long yu (lukim tu “I Love to See the Temple,” Children’s Songbook, 95).

Eni taim em i taim bilong tis. Noken tingting long tisim famili bilong yu wanpela taim long wanpela wik long taim bilong fomol leson. Tingim olsem wanpela samting yu save mekim olgeta taim.

Long moa aidia, lukim isu bilong dispela mun Friend megesin.

Ol lain bilong Nifai i bilding wanpela temple

Dispela Temple bilong Nifai, Michael T. Malm i mekim

ektiviti pes: Temple em i haus bilong Bikpela.