Februari 5–11: “Fri long Sus Libeti na Laip Oltaim, thru long dispela Bikpela Namelman.” 2 Nifai 1–2
“Februari 5–11: ‘Fri long Sus Libeti na Laip Oltaim, thru long dispela Bikpela Namelman.’ 2 Nifai 1-2,” Kam, Bihainim Mi—Bilong Hom na Sios: Buk Momon 2024 (2023)
“Februeri 5–11. 2 Nifai 1–2,” Kam, Bihainim Mi—Bilong Hom na Sios: 2024 (2023)
Piksa
Adam na Iv i lusim Gaden Iden.
Adam and Iv, Douglas Fryer i mekim
Februeri 5–11: “Fri long Sus Libeti na Laip Oltaim, thru long dispela Bikpela Namelman”
Sapos yu save laip bilong yu bai kamap long pinis bilong em, wanem last toktok yu bai laik serim long ol lain yu laivim? Taim profet Lihai i pilim em i kamap long arere bilong laip bilong em, em i bungim famili bilong em wantaim laspela taim. Em i serim wantaim ol wanem samting Papa long Heven i autim long em. Em i autim testimoni bilong em long Mesaia. Em i lainim ol gospel tok tru em i holim pas long ol pipol em i laikim tumas. Em i toktok long libeti, bihainim tok, pundaun bilong Adam na Iv, kisim bek bilong Jisas Krais na hamamas. Ino olgeta pikinini bilong em i sus long stap bihainim ol samting em i lainim—nogat wanpela bilong yumi i ken memim ol dispela sois bilong ol lain yumi lavim. Tasol yumi ken tisim na testifai long Ridima, husat i mekim yumi “fri long susim libeti na laip oltaim” (lukim 2 Nifai 2:26–27).
Insait long 2 Nifai 1:13–29, luksave long ol toktok Lihai i yusim long toktok long spiritual bilong Laman na Lemuel. Wanem i halivim yu kirap long wanpela spiritual “slip i dai”? Wanem i halivim yu long seikim na rausim dispela spiritual “sen” insait long laip biong yu? Tingting long testimoni bilong Lihai insait long verse 15 na invitesen bilong em insait long verse 23. Wanem toksave papa long Heven i gat bilong yu insait long ol dispela ves?
Yusim ol visual. Yusim ol visual bai halivim ol lain i lainim klia gut long gospel toktru na tingim ol long longpela taim. Taim yu redi long tisim dispela, tingim wanem ol visuals yu ken yusim. Eksampel, ating wanpela pepa sein ken halivim ol lain i lainim long save gut moa long tok bilong Lihai insait long 2 Nifai 1:13 or 2 Nifai 2:27.
Bikos long Jisas Krais mi “fri long susim libeti na ken gat laip oltaim.”
Famili bilong Lihai nau i stap long nupela hap, i gat ol nupela samting bilong mekim. Ol sois ol i mekim long dispela nupela ples bai impoten long gutpela na hamamas bilong ol. Ating long dispela Lihai i bin tisim pikinini man bilong em Jekop long ejensi, o dispela pasin bilong mekim ol sois, insait long 2 Nifai 2. Taim yu stadim verses 11–30, raitim daun ol own sampela ansa long ol dispela askim:
Bilong wanem na ejensi em i impoten tumas long Papa long Heven, maski sampela save yusim long pasin nogut?
Olsem wanem na man nogut save traim long bagarapim ejensi bilong yu?
Olsem wanem na Seivia halivim yu “susim libeti na laip oltaim” (verse 27)?
Hia em narapela wei long lainim insait long 2 Nifai 2: Lukluk long ol samting yumi nidim long gat ejensi long kisim ol divain samting. Eksampel:
2 Nifai 2:5: Save bilong gutpela na nogut, wanpela lo.
Wanem bai kamap long ejensi bilong yumi sapos wanpela o moa long ol dispela samting i no stap?
Wanwan long ol dispela sikispela seksen bilong For the Strength of Youth: A Guide for Making Choices i gat ol “Ol Invitesen” na “Ol Promis Blesing.” Lukluk long wanpela o moa long ol dispela seksen, na susim wanpela promis blesing yu hop long kisim long laip bilong yu. Wanem invitesen yu mas wok long en, long kisim dispela blesing? Tingting na serim wantaim wanpela ol blesing yu kisim long ol dispela invitesen.
Lukim tu ol Gospel Topics, “Agency and Accountability,” Gospel Laibrari; “Know This, That Every Soul Is Free,” Hymns, no. 240.
God i ken tanim ol traim bilong mi i go long ol blesing.
Lihai i save olsem yangpela pikinini bilong em Jekop i karim planti “hevi” na “planti sore” long taim em i pikinini (2 Nifai 2:1). Bilong wanem na yu ting testimoni bilong Lihai insait long 2 Nifai 2:1–3, 6–25 bai gutpela moa long Jekop? Bilong wanem na ol i gutpela moa long yu? Lukluk na painim ol toktok yu painim olsem pawaful. Olsem wanem na God i konsekretim ol hevi bilong yu long gutpela bilong yu? ( Lukim 2 Nifai 2:2.)
Lukim tu Romans 8:28; Dale G. Renlund, “Infuriating Unfairness,” Liahona, Mei 2021, 41–45.
Dispela Pundaun na Atomen bilong Jisas Krais em ol samting i mas kamap long plen bilong Papa long Heven.
Planti pipol bilip olsem Pundaun i bin samting nogut na Iv na Adam i mekim bikpela rong taim ol i bin kaikai prut. Insait long 2 Nifai 2:15–28, Lihai i tisim moa long toktru bilong dispela Pundaun—na long kiseim bek bilong yumi thru long Krais. Taim yu ridim ol dispela ves, mekim wanpela lis long ol tok tru long wanem samtig i kamap long Gaden Eden. Ol kwesten olsem bai halivim:
Bilong wanem na Pundaun i bin mas kamap?
Wanem wok Jisas Krais i mekim winim ol dispela bagarap bilong dispela Pundaun?
Olsem wanem bai yumi klia gut long dispela Pundaun na save gut moa olsem yumi nidim Jisas Krais?
Lukim tu Dallin H. Oaks, “The Great Plan of Happiness,” Ensign, Nov. 1993, 72–75.
Jisas Krais i ken halivim mi long winim ol hevi bilong sin.
Long halivim ol pikinini bilong yu klia gut long invitesen bilong Lihai long “seikim ol sen” bilong sin, ating yu ken wok wantaim long mekim wanpela sen long ol hap pepa. Antap long ol pepa, ol pikinini ken halivim yu long raitim sampela samting Satan i save temtim yumi long mekim. Bihain yu ken ritim wantaim 2 Nifai 1:13, 15, 23 taim ol i ektim sampela ol hap tok insait long ol dispela ves—wantaim tu seikim bilong dispela pepa sen. Olsem wanem na sin em i olsem sen? Olsem wanem na Jisas Krais i halivim yumi “seikim na rausim dispela ol sen” bilong sin?
Mi gat blesing taim mi bihainim ol komanmen bilong God.
Em bai halivim ol pikinini bilong yu long skelim komanen bilong God long o su, hat, glav, o narapela samtin i save lukautim skin bilong yumi? Ating yu ken tokim ol long traim ol taim yupela i toktok long olsem wanem ol komanmen i lukautim yumi. Bihain yu ken ritim 2 Nifai 1:20, na tok strong tok olsem yumi bai kamap “orait” (bai yumi kisim blesing o lukaut) taim yumi kipim ol komanmen. Serim wanpela ekspiriens wanem taim yu bin kisim blesing o lukaut taim yu bihainim komanmen.
Long soim dispela narakain namel long yu kamap orait o yu stap longwe long God (lukim 2 Nifai 1:20), yu na ol pikinini bilong yu ken lukluk long wanpela helti diwai na lip o han diwai we ol i katim na rausim long diwai. Bihain ol pikinini bilong yu bai lukluk gen na skelim ol sois Nifai na ol brata bilong em i mekim (lukim 1 Nifai 2:11–16; 3:5–7; 18:9–11). Wanem ol kaikai i kamap long ol dispela sois? Wanem ol sois i halivim yumi stap klostu long God?
Long halivim ol pikinini bilong yu klia gut long wanem Lihai i skulim long ol oposit samting na mekim sois, yu ken pilai wanpela gem we yu tokim wanpela tok (olsem lait) na ol pikinini bilong yu bai kolim oposit (tudak). Halivim ol lainim olsem ol oposit i stap long plen bilong God taim yupela i rit wantaim 2 Nifai 2:11, 16. Bihain bai yu serim ol stori long wanpela pikinini husat i kisim temtesen long mekim rong sois. Ol pikinini bilong yu bai serim wanem em oposit bilong dispela rong sois na ektim aut.
Long lainim long dispela narakain namel long “libeti” na “kalabus” (2 Nifai 2:27), ol pikinini bilong yu bai drowim ol piksa bilong enimol i stap insait long bokis na enimol i stap raun long envaironmen ausait. Wanem enimol em i fri? Invaitim ol pikinini long pointim aut rait piksa taim yu ritim dispela tok “fri” insait long 2 Nifai 2:27. Testifai olsem Jisas Krais i mekim yumi fri.
Singsing wantaim wanpela singsing olsem “Choose the Right” (Hymns, no. 239). Wanem yumi lainim long dispela singsing long mekim sois?
Long moa aidia, lukim isu bilong dispela mun Friend megesin.
