Em i olsem 40 pela yias igo pinis famili bilong Lihai i lusim Jerusalem. Ol i stap long nupela ples ol ino klia tumas long em, longwe tumas long Jerusalem. Lihai i dai pinis. na famili bilong em i statim pinis dispela kros pait namel long ol lain bilong Nifai—“husat i bilip long ol tok lukaut na ol revelesen bilong God”—na ol lain bilong Leman, husat i no bin bilip (2 Nifai 5:6). Jekop, liklik brata bilong Nifai nau em i wanpela odein tisa bilong ol lain bilong Nifai , i laikim ol kavanen pipol long save olsem God bai no inap tru lus tingting long, na ol mas i noken tru lus tingting long Em. Dispela toktok yumi nidim tude (lukim Ol Doktrin na Kavanen 1:15–16). “Yumi tingim em … bai yumi no go aut. … Ol promis bilong Bikpela i Pulap Tumas,” Jekop i tokaut (2 Nifai 10:20–21). Long olgeta dispela ol promis, nogat wanpela i antap moa yet olsem promis bilong wanpela “atonmen i nogat pinis ” long winim dai na hel (2 Nifai 9:7). “Olsem na,” Jekop i pinisim toktok, “mekim bel bilong yupela i hamamas”! (2 Nifai 10:23).
Bikpela em i marimari long ol pipol bilong Em na em bai inapim ol kavanen bilong Em.
Long halivim ol pipol bilong em i klia gut olsem ol i kam long haus bilong Israel na ken trastim God na ol promis bilong Em, Jekop i toktok long profesi bilong Isaiah, i stap insait long 2 Nifai 6–8. Dispela toktok em i bilong yu tu bikos ol Las-de Seint i stap olsem ol kavanen pipol bilong God. Taim yu ritim dispela sapta, tingting long ol kwesten olsem ol dispela:
Mi lainim wanem long lav bilong Seivia? Wanem ol toktok na ol hap tok i tokaut long lav moa gut?
Wanem samting Sevia i ofarim long ol lain i painim Em?
Wanem mi ken mekim long stap feitful na “weit” long Seivia na promis blesing bilong Em?
Wanpela wei long mekim bikpela tenkyu bilong long Jisas Krais em long tingim wanem samting bai kamap long yumi sapos Em i no kamap. Taim yu ritim 2 Nifai 9:1–26, tingting long mekim lis long wanpela kala wanem bai kamap long yumi sapos Atonmen bilong Jisas Krais ino kam. Bihain, long narapela lis o kala, yu ken luksave wanem yumi ken ksim long atonmen bilong Seivia. Long ol samting yu ritim, olsem wanem bai yu tok klia bilong wanem yumi nidim Atonmen bilong Jisas Krais? Wanem samting yu painim we bai kirapim bel bilong yu long preisim dispela “wisdom bilong God, marimari bilong em na grasia”? (2 Nifai 9:8).
Wantaim ol tising bilong wanem Jisas Krais i seivim yumi long em, Jekop tu i givim tingting long olsem wanem em i bin mekim. Tingting na rekotim wanem yu painim insait long 2 Nifai 9:11–15, 20–24.
Jekop i bin pilim bikpela hamamas tumas long pen bilong God long kisim bek yumi em i singaut, “O bikpela tru dispela plen bilong God bilong yumi.” Painim ol singaut bilong em insait long 2 Nifai 9 (planti bilong ol i stap insait long verses 8–20). Wanem samting yu lainim long ol dispela ves long plen bilong God? Wanem ol ekspiriens i halivim yu pilim sampela ol samting Jekop i pilim? Olsem pat bilong lotu na stadi bilong yu, tingting long painim wanpela singsing lotu i soim olsem wanem na yu pilim long Em, olsem “How Great Thou Art” (Hymns, no. 86).
Lukim tu “Where Justice, Love, and Mercy Meet,” “Jekop i Tis Kirap Bek” (ol vidio), Gospel Library; Gospel Topics, “Atonement of Jesus Christ,” Gospel Library.
Wanem samting bai yu inap long wokim long klia gut long “atonmen i nogat pinis” bilong Jisas Krais? (2 Nifai 9:7). Ating yu ken lukluk long ol samting i no save pinis long namba bilong ol—ol gras long wanpela fil, ol liklik wesan long nambis, o ol sta long skai. Olsem wanem na i nogat pinis bilong Atonmen bilong Seivia? Olsem wanem na em i bilong wanwan man or meri? Wanem ol hap tok insait long 2 Nifai 9 halivim yu pilim hamamas long wanem Seivia i wokim long yu?
Mi ken kam long Krais na bihainim plen bilong God?
Insait long 2 Nifai 9, Jekop yusim tupela pawaful na narakain hap tok: “plen bilong marimari bilong Bikpela i mekim kamap yumi” na “dispela kusai plen bilong man nogut” (2 Nifai 9:6, 28). Ating yu ken drowim wanpela rot na makim olsemt Plen bilong Papa long Heven. Bihain painim long 2 Nifai 9:27–52. Painim ol tok lukaut na ol invitesen Jekop i bin givim long halivim yumi binainim dispela plen. Raitim wanem samting yu painim arere long dispela rot. Olsem wanem na Satan i traim long lidim yumi go aut long dispela plen bilong God? Yu pilim bel i kirap long wokim samting long bekim ol tok lukaut na invitesen bilong Jekop?
Sakripais bilong Jisas Krais i ken bringim hamamas long mi.
Toktok bilong Jekop em bin gat hamamas. “Mi tokim yu ol dispela samting,” em i tok, “bai yupela i hamamas , na apim ol het bilong yupela oltaim” (2 Nifai 9:3). Taim yu ritim 2 Nifai 10:20, 23–25,wanem samting yu painim i mekim bel bilong yu i hamamas? Wanem bai yu mekim long tingim ol dispela samting taim yu pilim daun?
Lukim tu John 16:33; D. Todd Christofferson, “The Joy of the Saints,” Liahona, Nov. 2019, 15–18; “Jekop Enkarisim ol lain bilong Nifai long kamapim bel isi wantaim God” (vidio), Gospel Library.
Olsem wanem na ol pikinini bilong yu i klia gut na pilim olsem ol i nidim Seivia Jisas Krais? Ektiviti pes bilong dispela wik i ken halivim. Em i yusim wanpela isipela tingting bilong wanpela hul long graun na lata. Tingim long yusim 2 Nifai 9:21–22 long toktok wantaim ol pikinini bilong yu bilong wanem na yu gat bikpela tok tenkyu long Jisas Krais.
Wanpela wei long halivim ol pikinini bilong yupela i klia gut bilong wanem na yumi nidim Seivia em long tisim ol long dispela Pundaun. Yu ken soim wanpela piksa bilong Adam na Iv, olsem Lusim Gaden bilong Eden (Gospel Library), na wanpela piksa bilong Jisas Krais antap long diwai. Askim ol long toktok long samting i kamap long wanwan piksa. Olsem wanem na yumi olsem Adam na Iv? Ating 2 Nifai 9:6–10 i ken halivim ol lukim wanem Jisas Krais i mekim bilong yumi. Tingting long invaitim ol pikinini bilong yu long serim ol piling bilong ol long Jisas Krais. Singsing: “I Feel My Savior’s LoveChildren’s Songbook74–75.
Piksa
Lusim dispela Gaden Eden
Tisim toktru wantaim ol stori na ol eksampel. Ol stori na eksampel yu yusim i mas tisim tok tru. Eksampel, taim yu yusim ektiviti pes bilong dispela wik, tisim olsem Jisas Krais i kam insait long dispela “hul bilong gaun” long halivim yumi wanwan long sanap na kam aut.
Long enkarisim ol pikinini bilong yu i “[hamamas] long stretpela pasin” o hamamas long bihainim Bikpela (2 Nifai 9:49), ating yu ken serim sampela eksampel we wanpela pikinini i mekim wanpela gutpela o nogut sois. Invaitim ol pikinini bilong yu long sanap taim sois i bringim kam hamamas na sindaun taim sois i bringim kam pasin bilong sore. Wanem taim yumi pilim hamamas bikos yumi mekim sois long bihainim Jisas Krais?
Ol pikinini bilong yu i ken go kam wantaim ol pipol (sapos ol i no save mekim) husat i ting olsem ol komanmen bilong Bikpela i faul o ino bilong dispela taim. Ating yu na ol pikinini bilong yu i ken toktok olsem wanem long tok klia bilong wanem yumi hamamas long kipim ol komanmen. Bilong wanem na em i impoten long trastim kaunsel bilong God maski yumi no klia gut long olgeta samting? Yu ken enkarisim ol long lukluk long 2 Nifai 9:20, 28–29, 42–43 long halivim wantaim tingting na toktok long ol dispela kwesten.
Long moa aidia, lukim isu bilong dispela mun Friend megesin.
