Jisas putim han i go aut long wanpela meri

He Will Lead Thee by the Hand, Sandra Rast i mekim

Mas 11–17: “Wanpela Gutpela Wok Tru na wanpela Naispela Samting.”

2 Nifai 26–30

“Mi profesi long yu long ol las de,” Nifai i raitim (2 Nifai 26:14). Long narapela wei, em i wok long rait long de bilong yumi nau. Na i gat as bilong wari long wanem em i lukim ol pipol i tok ol i no save long pawa na mirakel bilong God; planti jeles pasin na kros. Tasol anatp long ol dispela wok bilong ol las-de “wok bilong tudak” (2 Nifai 26:10, 22) man nogut i lidim, Nifai i toktok long wanpela “gutpela wok tru na naispela samting” em God yet i lidim (2 Nifai 27:26). Namel long dispela wok bai wanpela buk—wanpela buk bai autim ol giaman bilong Satan na bungim ol lain i gat stretpela pasin. Dispela em Buk Momon, dispela gutpela wok tru, em i wok bilong Sios bilong Bikpela long ol las de, na dispela naispela samting em olsem—olsem—dispela God invaitim yumi olgeta, maski yumi nogat strong, long tek pat long dispela bung.

Ol aidia bilong Lainim long Home na long Sios

2 Nifai 26–27; 29–30

God i redim Buk Momon bilong yumi long dispela de.

Insait long 2 Nifai 26–27, Nifai i bihainim tok i stap long profesi bilong Isaiah (lukim Isaiah 29) na mekim long ol pipol bilong em na rekot bilong ol—dispela Buk Momon. Em i save long revelesen, pastaim long ol i pinis raitim Buk Momon,olsem em bai wanpela de ,“bai kamap dia tru long ol pikinini bilong ol man” (2 Nifai 28:2). Bilong wanem na Buk Momon em i dia tumas long yu? Tingting long dispela askim taim yu rit 2 Nifai 29–30 Wanem “gutpela wok tru” (2 Nifai 27:26) God i wok long mekim insait long dispela wol na insait long laip bilong yu thru long Buk Momon?

Lukim tu Joseph Smith—History 1:62–65.

2 Nifai 26:23–33

sain bilong seminari

Jisas Krais invaitim yumi olgeta long kam long Em.

I gat planti ol naispela toktru long tingim insait long 2 Nifai 26:23–24. Eksampel, yu ken tingting long wanem Jisas Krais i mekim “bilong gutpela bilong dispela wol”—na bilong yu. Olsem wanem na Em “i pulim olgeta man”—na yu—“i go long em”? Wanem yu pilim strong long mekim long bekim ol dispela gutpela pasin bilong soim lav bilong Em?

Go het long ritim na painim ol toktru long Seivia insait long verses 25–33. Lukluk klostu long ol invitesen bilong Em. Olsem wanem bai yu samaraisim toktok bilong Jisas Krais long yu long wanpela sentens? Wanpela singsing olsem “Come unto Jesus” (Hymns, no. 117) bai opim bel bilong yu long ol planti kain gutpela tingting.

Skelim olsem wanem ol dispela ves bai givim strongpela tingting long wei yu toktok go kam wantaim ol narapela na invaitim ol i kam long Krais. Yu nai painim ol sampela aidia long toktok bilong Elder D. Todd Christofferson “The Doctrine of Belonging” (Liahona, Nov. 2022, 53–56).

Lukim tu 3 Nifai 18:30–32; Dallin H. Oaks, “What Has Our Savior Done for Us?,” Liahona, May 2021, 75–77; Gospel Topics, “Belonging in the Church of Jesus Christ,” Gospel Library.

Noken pret long nogat noise. Ol gutpela kwesten mekim taim long givim ansa. Ol bai nidim taim bilong painim, tingting na kirapim tingting. Taim yu putim long wetim ol ansa long askim i ken sekred taim bilong tingting. Abrusim dispela temtesen long pinisim dispela taim hariap na surik i go long narapela samting.

2 Nifai 28

Satan i painim long giamanim.

Planti ol giaman na pasin bilong Satan i kam aut long 2 Nifai 28. Painim ol long verses 6, 8, 21–23, 29. Bilong wanem na bai yu nid long save long ol gianman bilong Satan? Wanem bai yu mekim taim man nogut i traim long giamanim yu?

Long lis daunbilo em ol sampela skripsa i no laikim ol giaman bilong Satan. Lukim sapos yu ken putim wantaim ol trupela doktrin long ol dispela ves wantaim ol giaman doktrin Bifai i givim tok lukaut long ol insait 2 Nifai 28:

• 2 Nifai 2:17: i gat wanpela tewel (2 Nifai 28:22: “Mi ino tewel, long wanem i nogat wanpela”)

• Moronai 7:35–37

• Doktrin na ol Kavanens 1:31

• Doktrin na ol Kavanen 68:3182:14

• Ol Bilip1:9

Lukim tu Gary E. Stevenson, “Spiritual Eclipse,” Liahona, Nov. 2019, 93.

2 Nifai 28:27–31; 29

God i wok long givim yet ol revelesen long gaidim ol pikinini bilong Em.

Olsem ol Seint long Las-de, yumi gat blesing wantaim plantim ol gutpela tok bilong God. Na yet, olsem NIfai i givim tok lukat, yumi mas noken pilim olsem “yumi i gat inap!” Taim yu ritim dispela tok lukaut long 2 Nifai 28:27–31 na 2 Nifai 29, tingim ol dispela askim olsem:

• Olsem wanem na God i laikim mi long pilim na bekim ol toktok bilong Em?

• Bilong wanem na ol lain save “kros” sampela taim long kisim toktru long God? (2 Nifai 28:28). Mi save pilim olsem tu? Sapos olsem, olsem wanem na mi ken senisim?

• Em i min wanem long kisim tok bilong God? Olsem wanem mi ken soim Em olsem mi laik long kisim moa toktok long Em?

Long moa aidia, lukim isu bilong dispela mun bilong Liahona na For the Strength of Youth megesin.

Ol aidia bilong Tisim ol Pikinini

2 Nifai 26:23–28, 33

Jisas Krais i laikim olgeta long kam long Em.

• Long lainim ol pikinini bilong yupela long ol inivitesen bilong Seivia, yu ken toktok long ol long ol taim ol i invaitim ol lain i kam long spesol samting, olsem wanpela betde pati. Bihain yu ken ritim 2 Nifai 26:23–28 wantaim na panim aut wanem samting Jisas i invaitim yumi long mekim. Ol pikinini bilong yu bai laik long mekim wanpela invitisen kat bilong wanpela long kam long Jisas Krais. Enkarisim ol long yusim ol hap tok long ol dispela ves long invitesen bilong ol.

• Dispela piksa long pinis bilong dispela autlain i soim ol lain i kam long planti ol bekgraun. Ating ol pikinini bilong yu i kem lukluk long dispela piksa taim yu ritim 2 Nifai 26:33. Yu ken ripitim dispela hap tok “Jisas invaitim olgeta long kam long Em” taim ol pikinini bilong yu i poin i go long olgeta lain insait long piksa—na bihain long ol yet. Olsem wanem bai yumi kam long Jisas?

• Wanpela singsing bilong lavim olgeta pipol, olsem “I’ll Walk with You” (Children’s Songbook, 140–41), ken halivim yu tisim dispela toktok 2 Nifai 26:33.

2 Nifai 28:2; 29:7–11; 30:3–6

Buk Momon em i blesing.

• Long halivim ol pikinini bilong yu pilim olsem dispela Buk Momon i “i gat bikpela velu bilong em” (2 Nifai 28:2), yu ken pasim wanpela kopi olsem presen na larim ol ges em wanem samting insait. Ol i ken painim ol klu insait long 2 Nifai 30:3–6. Tokim ol pikinini bilog yu bilong wanem Buk Momon i gat bikpela velu long yu, na larim ol i serim ol piling bilong ol tu.

• Askim pikinini bilong yu long tingim olsem wanpela fren bai tok, “Mi no nidim long ritim dispela Buk Momon. Mi ritim pinis Baibel.” Wanem samting bai yumi tok long pren bilong yumi? Ritim wantaim 2 Nifai 29:7–11 long lainim bilong wanem na God i laikim yumi long gat tupela buk wanntaim.

2 Nifai 28:30–31

Papa long Heven i tisim mi liklik liklik.

• Ating yu ken tingim wanpela leson bai halivim ol pikinini bilong yu save gut long wanem em i min long lainim “lain antap long lain.” Eksampel, ol bai putim wantaim wanpela pazel o bildim samting wantaim ol blok, wanpela hap long wanpela taim. O yu ken tisim ol wanpela save isi isi, olsem tromoi bunara o drowim piksa. Yu ken ritim 2 Nifai 28:30 na diskas olsem wanem na Papa long Heven i tisim yumi wanpela toktru long wanpela taim.

• Narapela aidia i ken long susim wanpela hap tok long 2 Nifai 28:30 na tekim taim long raitim, wanpela hap tok long wanpela taim. Olsem wanem na dispela em i wankain long wei God i givim yumi toktru? Bilong wanem na God i save autim toktru long yumi “lain antap long lain, lo antap long lo, liklik long hia na liklik long hap ” na i no olgeta long wanpela taim? Olsem wanem bai yumi soim God yumi laik kisim moa toktru long Em?

Long moa aidias, lukim isu bilong dispela mun bilong Friend megesin.

Jisas Krais namel long planti lain.

Krais namel long planti lain, Judith A. Mehr i mekim

ektiviti pes: Buk Momon em i blesing