famili i stadim skripsa

Yusim Kam, Bihainim Mi—Bilong Haus na Sios

Dispela Risos Em bilong Husat?

Dispela risos em bilong husat i laik lainim long Buk Momon—em yet, olsem famili, na insait long klas long Sios. Sapos yu ino bin save stadim ol skripsa bipo, dispela risos ken halivim yu long stat. Sapos yu gat gutpela pasin long stadim skripsa pinis, dispela risos bai halivim yu long gat moa ekspiriens na moa mining.

Ol Wanwan Manmeri na Ol Famili long Haus

Gutpela ples long lainim gospel em insait long haus. Ol tisa bilong yu long sios i ken sapotim yu, na yu ken kisim halivim long ol narapela wod memba. Tasol long stap strong long spirit, yu na famili i nidim gutpela kaikai bilong wanwan de i kam long “dispela gutpela tok bilong God” (Moronai 6:4; lukim tu Russell M. Nelson, “Opening Remarks,” Liahona, Nov. 2018, 6–8).

Yusim dispela risos long wei bai halivim yu. Dispela autlain i hailaitim sampela toktru bilong oltaim yumi painim insait long Buk Momon na i givim sampela tingting na ol ektiviti long halivim yu stadim ol skripsa yu yet o wantaim famili o ol poro bilong yu. Taim yu stadi, bihainim gaidens bilong Spirit long painim ol toktru bilong oltaim i gat mining long yu. Lukluk na painim ol toksave i kam long God go long yu, na bihainim ol promting yu kisim.

Ol Tisa na ol lain i Lainim long Sios.

Sapos yu tisim praimeri klas, wanpela yut o adalt Sande Skul klas, wanpela Aronik Prishud kwarum, o wanpela Yang Woman klas, yu mas yusim ol dispela autlain long ol dispela risoses taim yu redim yu yet long tis. Kam, Bihainim Mi—Bilong Haus na Sios em i plen bilong lainim long Sande klas. Ol tingting bilong lainim insait long dispela risos em bilong lainim long haus na long sios. Taim yu redi long tis, stat wantaim ol ekspiriens bilong yu yet long ol skripsa. Bikpela hap bilong yu long redi em bai kamap taim yu lukluk long ol skripsa na painim gutpela tingting long Holi Gos. Painim ol toktru bilong oltaim bai halivim yu long kamap moa olsem Papa long Heven na Jisas Krais. Kam, Bihainim Mi i ken halivim yu luksave long ol sampela toktru na save gut moa long ol skripsa.

Tingim olsem lainim gospel, i moa beta, stap insait long haus na i gat sapot bilong Sios. Em olsem, bikpela wok bilong yu em long sapotim ol pipol yu tisim long hat wok bilong ol long lainim gospel insait long haus bilong ol yet. Givim ol dispela opotuniti long serim ol ekpiriens, tingting na askim ol igat long ol skripsa. Invaitim ol long serim ol toktru ol i painim. Dispela em i moa impoten na long lukim olgeta samting i stap insait.

Praimeri

Redi bilong yu long tisim Praimeri i stat taim yu stadim Buk Momon yu yet na wantaim famili bilong yu. Taim yu mekim, openim tingting bilong yu long kisim gutpela tingting long Holi Gos long halivim ol pikinini insait long Praimeri klas bilong yu. Pre, na Spirit ken kirapim tingting bilong yu wantaim ol wei long halivim ol long lainim gospel bilong Jisas Krais.

Taim yu redi long tis, yu bai kisim planti gutpela tingting taim yu painim ol aidia long tis insait long dispela risos. Wanwan autlain long Kam, Bihainim Mi—Bilong Haus na Sios i gat seksen wantaim taitel “Ol Aidia bilong Tisim ol Pikinini.” Tingting long ol dispela aidia olsem ol wei long kirapim tingting bilong yu. Yu save long ol pikinini insait long praimeri klas bilong yu—na yu bai save gut moa long ol taim yu toktok wantaim ol long klas. God i save long ol tu, na Em bai kirapim bel bilong yu wantaim ol gutpela rot long tisim na blesim ol.

Sampela pikinini long klas bilong yu i mas mekim pinis ol ektiviti insait long kam, Bihainim Mi wantaim ol famili bilong ol. Em i orait. Ripitim i gutpela. Invaitim ol pikinini long serim namel long ol yet wanem samting ol i lainim long haus—tasol yu mas plenim ol wei bilong ol pikinini long tek pat maski sapos ol ino lainim long haus. Ol pikinini i lainim ol gospel toktru moa gut taim ol i lainim klostu klostu na thru long ol sampela kain ektiviti. Sapos yu painim olsem wanpela ektiviti i moa gut long lainim bilong ol pikinini, tingim long mekim klostu klostu, moa yet taim yu tisim yangpela tru ol pikinini. Yu bai lukluk go bek gen long ektiviti bilong leson pastaim.

Long ol mun i gat faipela Sande, ol Praimeri tisa i ken riplesim dispela plen bilong tis Kam, Bihainim Mi autlain bilong namba faip Sande wantaim wanpela o moa ektiviti bilong lainim i stap long “Appendix B: For Primary—Preparing Children for a Lifetime on God’s Covenant Path.”

Ol Yut na Adalt Sande Skul Klas

Wanpela bikpela as long yumi save bung long Sande Skul klas em long sapotim wanpela narapela taim yumi traim long bihainim Jisas Krais. Wanpela isi wei long mekim dispela em long askim kwesten olsem “Wanem samting Holi Gos i tisim yu dispela wik taim yu stadim Buk Momon wantaim Kam , Bihainim Mi?” Ol ansa long dispela kwesten bai lidim yupela igo long ol diskasen i gat mining long bildim feit bilong yupela long Jisas Krais na gospel bilong Em.

Bihain bai yu invaitim ol diskasen long ol tingting bilong mekim stadi insait long Kam, Bihainim Mi. Kain olsem, wanpela stadi aidia bai givim tingting long lukluk long Alma 36 na mekim wanpela lis bilong ol wod we i tisim long wok bilong Seivia long tanim bel. Yu bai askim ol klas memba long serim na toktok long ol wod ol i painim. O yu ken givim sampela taim long mekim dispela wod lis wantaim olsem klas.

Ol Aronik Prishud Kwarum na Yang Women Klas

Taim Aronik Prishud Kwarum na Yang Women klas i bung long ol Sande, as bilong bung i narapela kain liklik long Sande Skul klas. Wantaim long halivim wanpela narapela lainim gospel bilong Jisas Krais, ol dispela grup tu bai bung long kaunsel wantaim long mekim wok bilong salvesen na eksaltesen (lukim Jeneral Henbuk: Sevis insait long Sios bilong Jisas Krais bilong ol Seint long Las de, 1.2). Ol i mekim dispela ananit long daireksen bilong klas na kwarum presidensi.

Long dispela as, wanwan kwarum o klas miting i mas statim wantaim wanpela memba bilong kwarum o klas presidensi i lidim diskasen long ol wok bilong, olsem eksampel, stap insait long gospel, minista long ol pipol i gat nid, serim gospel, o tek pat long tempol na famili histori wok.

Bihain long dispela taim bilong kaunseling wantaim, wanpela instrakta bai lidim klas o kwarum long lainim gospel wantaim. Ol Adalt lida o memba bilong klas o kwarum ken kisim asainmen long tis. Klas o kwarum presidensi, bai toktok wantaim ol adalt lida, na mekim ol dispela asainmen.

Ol lain i kisim asainmen long tis imas redi wantaim ol tingting bilong lainim istap long wikli autlain bilong Kam, Bihainim Mi. Long wanwan autlain, dispela sain i soim ektiviti we i gutpela moa long ol yut. Tasol, ol narapela tingting istap long autlain bai yu ken yusim olsem ektiviti bilong lainim ol yut.

Long sempel ajenda bilong ol kwarum na ol klas miting, lukim appendix D.