Wok bilong God bai ino inap long fel. Tasol ol wok bilong mipela long halivim wok bilong Em long sampela taim luk olsem bai fel--tasol, mipela i ken long noken hariap tru long lukim dispela ol risul mipela i laikim. Ating mipela pilim liklik olsem Alma taim em i bin tokaut long dispela gospel long Amonaia--ol ino laikim, bin spet anatp long em, na salim em i go aut. Tasol taim wanpela ensel bin givim oda long em long go bek na traim gen, Alma kisim strong na “go bek hariap tru” (Alma 8:18), na God redim dispela rot pastaim long em. Em ino tasol givim Alma ol kaikai long kaikai na wanpela ples long stap, tasol Em tu bin redim Amulek, husat bin kamap wanpela foloa wokboi, wanpela strongpela man long lukautim dispela gospel, na wanpela trupela pren. Taim mipela i bungim ol hevi na pilim nogut o sore long taim mipela i sev insait long dispela Kingdom bilong Bikpela, mipela i ken tingim bek hau God bin sapotim na lidim Alma, na mipela inap long putim trast olsem God bai sapotim na lidim yumi tu, inap olsem long ol hatpela taim.
Wok bilong mi long serim dispela gospel bilong Jisas Krais nidim bel isi.
Yu bin long wanpela taim traim long serim dispela gospel bilong Jisas Krais wantaim wanpela, tasol invatesen bilong ol ino laikim? Alma bin pilim dispela tu. Wanem samting yu lainim long em insait long Alma 8:13–16 long serim dispela gospel maski sapos i gat ol salens na oposisen i stap? Gohet long ritim ol ves 17–32, na putim ai long ol toktok em i mekim bel i kirap long gohet long serim dispela gospel, maski yu lukim wok ino go gut.
Ol profet na aposel i ol spesol witnes bilong Krais, olsem ol i gat planti ol gutpela kaunsel long mekim bel i kirap long serim long testifai long Em. Lukluk long wanem Elda Dieter F. Uchtdorf bin tok insait long “Tasol Sapos Em I Hat?” (wanpela seksen insait long “Misiari Wok: Serim Wanem Samting i stap long Bel bilong Yu,” Liahona, Mei 2019,187) o Wanem samting Elda Gary E. Stevenson bin serim insait long “Lav, Serim, na Invaitim” (Liahona, Mei 2022,84–87). Wanem samting yu inap long painim long hap em i ken halivim wanpela husat i stat long pilim daun long serim dispela gospel?
Hau bai yu bungim olgeta samting yu bin stadim long hia i go insait long wanpela o tupela ol strongim bel toktok long serim dispela gospel? Tingim long mekim wanpela posta o piksa em i ken kirapim bel bilong yu (na ol narapela) long gohet long traim.
Lukim tu “Help Me Teach with Inspiration,” Ol singsing, no. 281; “Ensel i tokim Alma long go bek ken long Ammonihah” (video), Gospel Library; Gospel Topics, “Invaitim Olgeta long Kisim dispela Gospel bilong Jisas Krais,” Gospel Library.
Ol blesing bilong God bai kam long taim bilong em yet.
Taim mipela i rit long ol wei dispela ol Nifait long Amonaia bin soim pasin lo ng dispela ol wokman bilong Bikpela, em i isi long lus tingting olsem ol bin long wanpela taim stap aninit long dispela gospel na bin wanpela “nambawan pipol tru bilong Bikpela” (Alma 9:20). Taim yupela i ritim dispela bikpela ol blesin God bin givim dispela ol pipol bilong Nifai (lukim stret Alma 9:14–23), tingting long dipela ol bikpela blesin Em i givim yupela. Wanem ol bekim i kam wantaim dispela ol blesin? Yupela i mekim wanem long stap tru long dispela ol wok?
Plen bilong God em i wanpela plen bilong kisim bek.
Insait long Alma 11--12, Alma na Amulek painimaut long plen bilong God olsem wanpela plen bilong kisim bek. Taim yu ridim dispela ol sapta, tingting long wai dispela wod kisim bek em i yusim long tok klia long Plen bilong God. Tingting long raitim wanpela sotpela samari bilong wanem Alma na Amulek bin tis long dispela ol folowin poin bilong dispela plen:
Dispela Pundaun
Dispela Ridima
Tanim Bel
dai
Kirap Bek
Jasmen
Lukim dispela ol autkam bilong ol toktok Amulek bin gat long ol pipol (lukim Alma 11:46). Olsem wanem na plen bilong God i kirapim bel bilong yu?
Lukim tu Dallin H. Oaks, “Dispela Bikpela Plan,” Liahona, Mei 2020, 93--96; “Amulek tokaut long Jisas Krais” (video), Gosple Library.
Sapos mi ino strongim bel bilong mi, mi inap long kisim moa bilong dispela tok bilong God.
Sampela pipol i ken tingting bilong wanem na Papa ino save mekim ol samting i klia long mipela. Insait long Alma 12:9–14, Alma i tok klia long wanpela risen. Dispela ol askim inap long halivim yupela tingting long wanem samtin em bin tisim:
Em i minim wanem samting long strong ol bel bilong yupela? Wanem em dispela ol autkam bilong gat waanpela strongpela bel? (lukim tu Alma 8:9–11; 9:5,30–31; na 10:6,25).
Wanem samting yu inap long mekim sua olsem ol toktok bilong God em i “yu bai painim insait long [yu yet]”? (Alma 12:13). Taim yu gat toktok bilong God insait long yu, wanem ol autkam em i save gat long ol “toktok,” “ol wok,” na “ol tingting”? (Alma 12:14).
Wanem samting mipela i lainim long dispela ekspiriens bilong Amulek long gat daun pasin? (lukim Alma 10:1–11).
Lukim tu ”Alma Warns Zeezrom” (video), Gospel Library.
Ektiviti pes bilong dispela wik inap halivim yu long bungim olgeta ol samting bin kamap insait long Alma 8–10 bilong ol pikinin bilong yupela. Yu inap halivim ol long painim dispela ol as we i bin mekim Alma na Amulek ol gutpela misinari Olsem eksampel, ol ino bin giv ap (lukim Alma 8:8–13), ol bin testifai long Krais (lukim Alma 9:26–27), na ol i wok wantaim (lukim Alma 10:12).
Wanpela singsing bilong ol misinari wok, olsem “I Want to Be a Missionary Now” (Children’s Songbook, 168) inap givim ol pikinini bilong yupela ol aidia bilong ol wei long serim dispela gospel wantaim ol pren bilong ol. Askim ol long mekim ol lis bilong ol aidia ol painim na ol pipol ol inap long serim dispela gospel wantaim. Yu inap larim ol ektim-aut wanem samting ol i ken tok o mekim.
Givim gutepela tok long teik pat. Taim yu redi long tis, moa beta long yu plen long wanem santing long tok, askim yu yet, “Wanem samting bai dispela ol pikinini mekim long lainim?” Ol pikinini bai lainim gut na tingim go bek long taim ol i teik pat long ol ektiviti.
Plen bilong God em i wanpela plen bilong kisim bek.
Sapos ol pikinini bilong yupela inap drowim wanpela piksa long makim ol as bilong dispela plen bilong kisim bek, wankaim olsem dispela pudaun bilong Edam na Iv, dispela Atonmen bilong Jisas Krais, tanim bel, dai, kirap bek, na jasman. Bihain olsem yu inap long halivim ol mekim wankain ol piksa bilong ol long ol ves insait long Alma 11–12 em i tis long dispela ol as.
YU ken askim wanpela pikinini long giaman long kamap olsem Amulek na narapela long giaman kamap olsem Alma long taim yu tokim ol dispela stori insait long Alma 8:18–22. Hau bin Amulek wanpela gutpela pren long Alma? Bihain ol pikinini bilong yu inap long serim long hau wanpela bin pren long em na hau dispela i mekim em pilim olsem wanem?
Yu i ken mekim wanpela presip pazol: painim o droim wanpela piksa long makim presip na cutim ol olsem pasol i go liklik stret. Beksait long wanwan ol liklik pis, raitim wanpela samting mipela inap mekim long kamap wanpela gutpela pren, wantaim ol samting Alma na Amulek bin mekim . Ol pikinini bilong yu inap kisim ten long pikim wanpela pis na edim i go long dispela pasol long taim yu rit wanem raitin em stap lon g beksait. Husat i nidim presip bilong mipela?
Tingim wanpela objek leson olsem dispela long tis long dispela Kirap Bek: ol han bilong yu i ken makim spirit bilong yu, na wanpela glov i ken makim bodi bilong yu. Kisim han bilong yu i go aut long dispela glov long soim olsem ol spirit bilong mipela na ol bodi bai stap long we long ol yet long taim mipela i dai. Bihain putim han bilong yu go bek insait long glov long soim olsem ol spirit na bodi bai kamap join wantaim gen long dispela Kirap Bek. Larim ol pikinini kisim ten long putim dispela glov na rausim long taim yu ritim Alma 11:43 long ol. Soim wanpela piksa bilong Sevia i kirap bek (lukim Gospel Art Book, no.59), na testifai olsem Jisas Krais i bin mekim rot bilong olgeta long kirap bek.