Ol lain pipol bilong Nifai i bin lukim Nifai olsem “bikpela wasman ” (lukim Jekop 1:10). Em i bin was long ol agens long ol spiritual birua, givim tok lukaut long sin na halivim ol kam long Krais. Nau dispela wok i pundaun long Jekop, husat Nifai i bin makim long kamap pris na tisa (lukim Jekop 1:18). Jekop i pilim em i wok bilong em long givim tok lukaut long ol lain husat “i stat long sin” taim em i wok long givim kamfot long ol lain husat “i gat hevi long sol” bilong ol lain husat i bin pilim pen long ol sin bilong ol narapela (lukim Jekop 2:5–9). Olsem wanem em bai mekim tupela wantaim? Em bai tokim Jesus Krais—bikos tupela grup wantaim i nidim hiling bilong Seivia (lukim Jekop 4). Olsem toksave bilong Nifai husat i kam pas long em. testimoni bilong Jekop bin wanpela singaut long “kam bek long [God] thu long atonmen bilong Krais” (Jekop 4:11).
Long Jekop, tisim tok bilong God em i wanpela “wok i kam long Bikpela” olsem na em i wok hat tru long “mekim bikpela dispela wok bilong [em]” (Jekop 1:17, 19). Ol dispela hap tok Jekop i yusim i min wanem long yu? Tingting long wanem samting megnifaing glas save mekim. Dispela i givim yu sampela aidia? Taim yu tingting long Jekop 1:6–8, 15–19 na 2:1–11, tingting long ol wok Bikpela bai gat long yu mekim. Wanem yu pilim i kirapim tingting bilong yu long “mekim bikpela” ol dispela?
Lukim tu “Whom the Lord Calls, the Lord Qualifies,” insait long Teachings of Presidents of the Church: Thomas S. Monson (2022), 209–20; “Rise to Your Call” (video), Gospel Library.
“Noken larim dispela pasin bilong apim nem i bagarapim ol sool bilong yupela!”
Ol lain bilong Nifai i bin gat pasin bilong apim nem na lukluk long ol moni samting (lukim Jekop 2:13), na dispela hevi i no bin narakain long ol na taim bilong ol tasol. Olsem wanem na man nogut i save strongim laik bilong ol samting olsem moni tede? Bihain long ritim Jekop 2:12–21, toktok long olsem wanem God i laikim yu long lukim ol matiriel samting. Wanpela singsing olsem “Because I Have Been Given Much” (Hymns, no. 219) i ken givim sampela gutpela tingting. Wanem samting yu pilim strong long mekim long ol samting yu lainim?
Taim yu ritim Jekop 2:22–35; 3:10–12, wanem yu painim i halivim yu save gut bilog wanem sastiti i impoten tumas long God? Wanem ol sampela nogut samting i kamap long pasin nogut—long taim bilong Jekop na long taim bilog yumi? Wanem em ol blesing bilong sastiti o stap long klinpela laip?
Elda David A. Bednar tisim olsem yumi stap “insait long wanpela wol i wok long pilai pilai long pasin tambu bilong kamapim pikinini” (“We Believe in Being Chaste,” Liahona, May 2013, 41–44). Olsem wanem bai yu halivim ol narapela klia gut bilong wanem yu bihainim lo bilong sastiti? Wanpela gutpela hap bilong stat em long tok klia long ol stended bilong God long pasin bilong man na meri istap wantaim insait long “Your body is sacred” insait long For the Strength of Youth: A Guide for Making Choices (pages 22–29). Wanem gen bai yu painim long dispela risos bai halivim yu long tok klia bilong wanem yu bihainim dispela lo bilong sastiti?
Yu ken painim sampela moa ansa insait long toktok bilong Elda Bednar antap o long vidio “I Choose to Be Pure” (Gospel Library).
Olsem wanem na stended bilong God long pasin bilong man na meri i stap wantaim i narakain long ol narapela toksave yu save painim? Wanem em ol blesing bilong sastiti o stap long klinpela laip?
Lukim tu ol Gospel Topics, “Virtue,” Gospel Library; “Same-Sex Attraction” insait long dispela “Life Help” Collection in the Gospel Library.
Mi ken kambek long God thru long Atonmen bilong Jisas Krais.
Jekop i krai wantaim ol pipol bilong em long “kam bek long [God] thru long atonmen bilong Krais” (Jekop 4:11). Wanpela mining bilong kam bek em long kamapim gen pasin bilong poro na bel isi. Taim yu tingting long laip bilong yu tingting long wanpela taim we yu pilim olsem yu stap longwe tumas long Papa long Heven. Olsem wanem Seivia i halivim yu long kirapim bek dispela sindaun? Wanem kaunsel yu ken painim long dispela sapta we i halivim yu long kam bek long God? (lukim verses 4–11).
Wanem ol sampela moa save na tingting yu kisim long Matthew 5:23–24. Olsem wanem na Seivia i ken halivim yu kam bek long God—na ol narapela?
Mi ken abrusim pasin bilong stap aipas long spirit taim mi putim ai long Seivia.
Taim Jekop i wok long tanim ol pipol bilong em i go long Bikpela, em i givim tok lukaut long ol long noken stap aipas long spirit na noken les long ol “toktok i stret” bilong gospel (lukim Jekop 4:13–14). Long Jekop 4:8–18, wanem yumi ken mekim long abrusim aipas bilong spirit?
Lukim tu Quentin L. Cook, “Looking beyond the Mark,” Ensign, Mar. 2003, 40–44.
Taim Em i bin tis, Seivia i yusim ol samting i save kamap long olgeta de. Ol parabol bilong Jisas i halivim ol pipol i painim toktru bilong spirit insait long ol ekspiriens bilong ol. Traim long mekim wankain taim yu tis. Eksampel, taim yu tisim Jekop 4:8–18, yu ken ol lain i lainim sapos ol i bin gat tes bilong sekim ai. Olsem wanem na dokta i sekim lukluk bilong ol? Olsem wanem yumi ken sekim lukluk bilong yumi wantaim spirit?
Long halivim ol pikinini bilong yu klia gut olsem wanem wanpela “sol i gat bagarap” i ken kisim hiling, yu ken toktok wantaim olsem wanem ol bodi bilong yumi save kisim bagarap na wanem samting bai halivim ol long hilim ol. Ating ol pikinini bilong yu i kem toktok long ol taim ol i bin kisim bagarap na wanem samting i halivim long hilim ol. Yu ken tu soim ol ol bendis na ol marasin olsem long taim bilong toktok. Ating yu ken sea wantaim ol olsem wanem na Seivia i halivim yu taim spirit bilong yu i nidim hiling.
Mi ken halivim ol narapela i stap long nid taim mi serim samting wantaim ol.
Sampela ol lain pipol long taim bilong Jekop i bin rits, tasol ol ino laik serim samting ol i gat wantaim ol narapela. Taim yu ritim ol tising bilong Jekop insait long Jekop 2:17–19, yu ken givim ol pikinini bilong yu ol piksa o samting long holim bai go wantaim ol dispela hap tok o long long dispela ves. Yu bai tok klia olsem yu serim ol dispela samting wantaim ol, ating yu ken invaitim ol long serim ol samting wantaim ol o wanpela narapela. Toktok long ol olsem wanem yu bai pilim taim yu serim samting wantaim ol narapela. Wanem gen yumi ken serim wantaim ol narapela long mekim ol pilim hamamas?
Bihain long rit wantaim Jekop 2:17, ating ol pikinini bilong yu i ken nemim ol sampela blesing Papa long Haven i serim wantaim ol. Bilong wanem na Em i laikim yumi serim samting wantaim wanpela narapela?
Mi ken strongim feit bilong mi insait long Jisas Krais.
Feit bilong Jekop long Krais i bin strong tru em i no inap long seksek. Long tisim ol pikinini bilong yu olsem wanem long bildim feit olsem dispela, yu ken askim ol long ol samting yumi mekim long strongim ol bodi bilong yumi. Wanem yumi ken mekim bai feit bilong yumi long Jisas Krais i strong moa? Ritim Jekop 4:6 wantaim long halivim ol pikinini painim wanem Jekop na ol pipol bilong i bin mekim long mekim feit bilong ol “ino seksek.”
Narapela wei long halivim ol pikinini bilong yu klia gut em i min wanem long “ino seksek” long feit bilong ol em long painim wanpela bikpela diwai na askim ol long seksekim ol wanwan han bilong ol. Bihain larim ol traim long seksekim has bilong em. Bilong wanem na em i hat long seksekim has bilong em? Wanem ol hap tok insait long Jekop 4:6, 10–11 i toktok long wanem yumi ken mekim bai feit bilong yumi long Jisas Krais i no inap long seksek.
Olsem has bilong diwai, feit bilong yumi long Jisas Krais “ino seksek.”
Long ol narapela toktok long tisim ol pikinini bilong yu long feit i no seksek long Jisas Krais, lukim Neil L. Andersen, “Spiritual Whirlwinds” (Liahona, May 2014, 18–21; na dispela vidio “Spiritual Whirlwinds“) o “The Wise Man and the Foolish Man” (Children’s Songbook, 281; lukim tu o Matthew 7:24–27).
Long moa aidia, lukim isu bilong dispela mun Friend megesin.
