Olsem ol disaipel bilong Jisas husat i bung long harim Toktok antap long Maunten insait long Galili, ol pipol husat i bung long temple insait long Bauntiful i bin stap aninit long Lo bilong Moses. Ol i bihainim bikos em i soim ol sol bilong ol igo long Krais (Lukim Jekob 4:5), na nau Krais sanap long ai bilong ol, na tokaut long wanpela antap Lo. Tasol yumi husat ino bin stap aninit holim pas long lo bilong Moses iken luksave olsem stended Jisas i putim long ol disaipel bilong Em i bikpela wan. “Olsem na mi laikim olsem yupela mas kamap stretpela,” Em tokaut (3 Nifai 12:48). Sapos dispela i mekim yu pilim olsem yu no inap, tingim Jisas i tok olsem, “Ol lain pua long spirit ol i kam long mi bai kisim blesing, bilong wanem, ol bai kisim kingdom bilong heven” (3 Nifai 12:3). Dispela Lo i Antap tru em wanpela invitesen—narapela wei long tok “Kam long mi na yupela bai kisim salvesen” (3 Nifai 12:20). Wankain lo bilong Moses, dispela i soim yumi igo long Krais—wanpela tasol husat i ken seivim na mekim yumi stretpela. “Lukim,” Em tok, “Mi em lo, na lait. Lukluk long mi, na i stap strong i go long pinis, na yupela bai i stap laip” (3 Nifai 15:9).
Mi ken kamap wanpela trupela disaipel bilong Jisas Krais.
Wanpela wei long stadi na mekim wanem Seivia i tisim insait long 3 Nifai 12–14: Pikim wanpela grup bilong ol ves, na lukim sapos yu i ken samaraisim ol insait long wanpela sentens we i stat wantaim “Trupela disaipel bilong Jisas Krais …” olsem eksampel, wanpela Samari bilong 3 Nifai13:1–8 olsem “Trupela disaipel bilong Jisas Krais no save painim biknem long mekim gutpela long Pablik.” Traim wantaim dispela ol ves:
Bihain long ridim dispela ol ves, wanem samting i kirapim tingting bilong yu long bihainim Jisas Krais?
komamen insait long 3 Nifai 12:48 iken luk hevi—na tu hat tumas. Yu lainim wanem long toksave bilong Elda Jeffrey R. Holland “Be Ye Therefore Perfect—Eventually” (Liahona, Nov. 2017, 40–42) em halivim yu save long ol wod bilong Seivia insait long dispela ves? Long tingting bilong Moronai 10:32–33, wanem i ken mekim stretpela olsem Seivia?
Lukim tu Dallin H. Oaks, “The Challenge to Become,” Ensign, Nov. 2000, 32–34; Ol Gospel Topik, “Becoming like Jesus Christ,” Gospel Laibrari; “Lord, I Would Follow Thee,” Singsing Lotu, no. 220; “Jisas Krais tis hau long Holim pas dispela Antap Lo” (video), Gospel Librari.
Yusim ol objek leson. Seivia tisim ol strongpela trut long soim ol femilia objek. Yu inap wokim wankain samting taim yu stadi o tisim 3 Nifai 12. Lukluk long en o holim sampela sol, wanpela kendel, o wanpela kot iken kirapim wanpela diskasen long ol itenol trut Seivia i tisim.
Wanwan ol pikinini bilong God i bin lukim Seivia na harim nek bilong Em, wankain olsem ol pipol long Bauntiful. Planti bilong yumi i wankain olsem ol lain ol toktok long 3 Nifai 12:2; 15:23; na 16:4–6. Wanem em tok promis bilong ol dispela kain pipol insait long ol dispela ves? Olsem wanem na dispela ol promis i inapim laip bilong yu?
Mi ken traim long mekim kamap klin ol laik bilong bel bilong mi.
Wanpela tingting yu i ken lukim insait long dispela sapta em invitesen bilong Seivia long stap aninit long dispela antap lo—long kamap gutpela ino long ol pasin bilong yumi tasol insait long bel bilong yumi. Painim dispela tingting taim Seivia toktok long pasin bilong tokpait. (3 Nifai 12:21–26), pason nogut (3 Nifai 12:27–30), prea (3 Nifai 13:5–8), na pasin bilong lusim kaikai (3 Nifai 13:16–18). Wanem ol narapela eksampel yu ken painim? Mi ken mekim wanem long klinim ol laik bilong bel bilong mi?
Papa long Heven bai givim mi ol gutpela samting taim mi askim, painim, na paitim dua.
Taim yu ritim invitesen bilong Seivia long 3 Nifai 14:7–11 long askim, painim, paitim dua, skelim “wanem ol gudpela samting” Em laikim yu long askim. Ol dispela sampela mo skripsa i ken halivim yu save olsem wanem long askim, painim, na paitim dua. Ol i ken tu halivim long tok klia long wanem sampela prea no save kisim ansa long we yu laikim: Isaiah 55:8–9; Hilaman 10:4–5; Moronai 7:26–27, 33, 37; na Doktrin na ol Kavanen 9:7–9; 88:64. Hau bai dispela ol ves i senisim wei yu askim, painim, na paitim dua?
Lukim tu Milton Camargo, “Ask, Seek, and Knock,” Liahona, Nov. 2020, 106-8.
Mi ken kamap wanpela gutpela eksampel taim mi bihainim Jisas.
Sampela taim ol pikinini no inap tinim olsem ol eksampel bilong ol i ken blesim ol narapela. Yusim 3 Nifai 12:14–16 long strongim ol long lusim lait bilong ol sain. Eksampel, taim yu rid “yu” o “bilong yu” long dispela ves, askim pikinini bilong long yu long poin long ol yet. Tokim ol pikinini long lait yu lukim insait long ol taim ol bihainim Jisas Krais na olsem wanem i litimapim yu long bihainim Em tu. Yu i ken singsing wantaim long strongim ol pikinini long sain olsem wanpela lait, olsem “I Am like a Star” (Songbuk bilong ol Pikinini, 163).
Long strongim pikinini bilong yu noken haidim lait bilong ol (lukim 3 Nifai 12:15), larim ol kisim sans haidim o pasim wanpela lam o narapela lait. Ol i ken autim lait wanwan taim ol nemim sampela samting ol i ken mekim long kamap gutpela eksampel long narapela.
“Bungim ol dispela tresa bilong yupela long heven.”
Ridim ol dispela ves iken givim wanpela diskasen long ol samting yumi holim dia. I orait yu inap lidim pikinini bilong yu long wanpela tresa hant long painim ol samting long meikim ol tingim ol tresa wantaim oltaim velu.
Olsem yu rid 3 Nifai 14:7, pikinini bilong yu iken mekim ol eksen we iken makim wanwan invitesen bilong Seivia long dispela ves. Eksampel, ol iken apim han bilong ol (askim), mekim wanpela kompas long han (painim), o giaman long (paitim dua). Halivim pikinini bilong yu tingim ol samting ol ken tok na askim insait long prea bilong ol.
Pikinini bilong yu ating laikim tumas wanpela gem we ol askim long samting na kisim samting we i narakain. Insait 3 Nifai 14:7–11,wanem Seivia bin laikim yumi long save long Papa long Heven bilong yumi?
Seivia laikim mi long harim na mekim wanem Em tisim.
Tingim ol wei yu inap halivim pikinini bilong yu piksarim tok piksa insait long dispela ol ves. ating ol ken droim ol piksa, mekim ol eksen, o bildim ol samting antap long strongpela na sendi fanudesen. Ol i ken tu senisim nem bilong ol long “save man” taim ol ridim 3 Nifai 14:24–27 o singsing “The Wise Man and the Foolish Man” (singsing buk bilong ol pikinini, 281). O ol i ken sanap olgeta taim ol harim dispela wod “mekim” long 3 Nifai14:21–27 na 15:1
Igat wanpela objek leson yu iken traim: askim pikinini bilong yu long tingim tasol wanpela lek bilong ol i makim harim ol toktok bilong Seivia na narpela makim mekim wanem Seivia tisim. Invaitim pikinini bilong yu long traim balens long “harim ol toktok” lek bilong ol. wanem bai kamap sapos wanpela strongpela win kam long rum? Bihain yu na pikinini bilong yu iken painim ol wanwan samting Seivia tisim yumi long mekim: lukim 3 Nifai 12:3–12, 21–26; 13:5–8.
Long ol moa aidia, lukim ol isu bilong dispela mun Friend megesin.
