Mas 25–31: “Em Bai Kirap … wantaim Hiling long ol Wing bilong Em.” Ista
“Mas 25–31: ‘Em Bai Kirap … wantaim Hiling long Wing bilong Em.’ Ista,” Kam, Bihainim Mi Me—Bilong Hom na Sios: Buk Momon 2024 (2023)
Mas 25–31. Ista,” Kam, Bihainim Mi—Bilong Hom na Sios): 2024 (2023)
Piksa
Krais i kirap bek na ol Aposol bilong Em.
Krais na ol Aposol, Del Parson i mekim
Mas 25–31: “Em Bai Kirap … wantaim Hiling long ol Wing bilong Em.”
Ista
Ol Aposol bilong taim bipo i tok stret long testimoni bilong ol long Jisas Krais na Kirap Bek bilong em (lukim Acts 4:33). Ol milion lain pipol i bilip long Jisas Krais na traim long bihainim Em bikos long ol toktok bilong ol stap rekot long Baibel. Tasol sampela lain pipol bai tingting: Sapos Jisas Krais i Seivia bilong olgeta wol, bilong wanem na ol aiwitnes bilong Em i sampela liklik lain tasol bilong wanpela liklik hap?
Buk Momon i sanap olsem wanpela narapela Witnes bilong Jisas Krais i kamap long halivim olgeta pipol save olsem “Jisas em i dispela Krais, … i soim em yet long olgeta nesen” (taitel pes bilong Buk Momon). Moa yet, dispela witnes i mekim klia salvesen i min wanem. Long dispela na Nifai, Jekop, Momon, na olgeta profet i wok hat “tru long katim ol toktok antap long ol plet”—long tokaut long ol lain bihain taim bai ol tu “i bin save long Krais, na … i gat hop bilong glori bilong em” (Jekop 4:3–4). Dispela Ista taim, lukluk go bek long ol testimoni insait long Buk Momon na tingting olsem Seivia i gat pawa i winim olgeta—ridimim dispela olgeta wol na ridimim yu.
Ol aidia bilong lainim long Hom na long Sios.
Piksa
sain bilong seminari
Bikos long Jisas Krais mi bai kirap bek long dai.
Em i pasin bilong Ista long tingim kirap bek bilong Jisas Krais, tasol em i min wanem stret long kamap kirap gen? Wanem ol tingting Buk Momon i givim long kirap bek bilong Jisas Krais? Ating dispela Ista taim yu ken mekim lis long ol tok tru long kirap bek yu painim insait long 2 Nifai 9:6–15, 22; Alma 11:42–45; 40:21–25; 3 Nifai 26:4–5.
Yu ken tu rekotim olsem wanem ol dispela tok tru long kirap bek i senisim yu na wei yu save stap. Eksampel, tingim olsem wanem yu bai pinisim ol dispela sentens: ISapos mi no bin save long ol dispela samting … na Bikos mi save long ol dispela samting …
Wanpela singsing olsem “I Know That My Redeemer Lives” (Hymns, no. 136) ken halivim yu tingim bilong wanem na kirap bek bilong Seivia em i impoten long yu. Taim yu singsing, putim iau long, o ritim dispela singsing, yu bai askim yu yet, “Olsem wanem na laip bilong mi i narakain bikos Jesis Krais i kirap bek?”
Dispela Gospel Librari i gat ol Easter videos we i ken kamap gutpela long stadi bilong yu. Ating yu ken lukim wanpela o moa long ol dispela vidio na tingting wanem ol i tok long putim go antap long save bilong yu o hamamas bilong yu long kirap bek bilong Seivia.
Lukim tu Luke 24:36–43; Acts 24:15; 1 Corinthians 15:12–23; Reyna I. Aburto, “The Grave Has No Victory,” Liahona, May 2021, 85–86; Gospel Topics, “Resurrection,” Gospel Library; “Death, Grieving, and Loss” in the “Life Help” collection in Gospel Library.
Jisas Krais i karim long Em yet olgeta sin bilong mi, pen, na ol bagarap.
Baibel i tisim klia olsem Jisas Krais i dai long ol sin bilong yumi. Buk Momon i opim save bilong yumi long sakripais na hevi Seivia i karim long ol impoten wei. Yu ken painim sampela ol dispela tising insait long Mosaia 3:7; 15:5–9; Alma 7:11–13. Bihain long yu ritim ol dispela hap tok, tingting long rekotim wanem yu painim long wanpela sat pepa olsem dispela:
Sevia bin karim wanem kain hevi?
Bilong wanem na Em i bin karim hevi?
Dispela em i minim wanem long mi?
Hia em narapela wei long stadim ol dispela hap tok: Painim ol singsing yu pilim olsem ol i go wantaim toktok ol i tisim. Ol “Skripsa” indeks long baksait bilong singsing buk i ken halivim. Wanem ol hap tok long ol dispela singsing na ol skripsa i halivim yu laikim moa sakripais bilong Seivia?
Lukim tu Isaiah 53; Hebrews 4:14–16; Gérald Caussé, “A Living Witness of the Living Christ,” Liahona, May 2020, 38–40.
Jisas Krais i ken klinim mi na halivim mi kamap moa gutpela.
Yumi ken tok olsem Buk Momon em i wanpela stori bilong ol pipol husat i senis bikos long Atonmen bilong Jisas Krais. Yu ken ritim sampela ol dispela ekspiriens insait long Mosaia 5:1–2; 27:8–28; Alma 15:3–12; 24:7–19. Yu bai tingim ol narapela eksampel long stadim ol tu. Wanem samting yu lukim i mekim ol dispela ekspiriens i wankain? Wanem ol narakain samting yu luksave long ol? Ol dispela ekspiriens i tisim yu wanem long olsem wanem Seivia i ken senisim yu?
Bikos Jisas Krais i kirap bek gen, mi bai kirap bek tu.
Yu ken yusim “Chapter 53: Jesus Is Crucified” and “Chapter 54: Jesus Is Risen” (insait New Testament Stories, 136–38, 139–44) long tokim ol pikinini bilong yupela long Kirap Bek bilong Jisas Krais. O larim ol pikinini tokim yupela dispela stori, na yusim ol piksa insait long ol disela sapta.
Seivia i kirap bek na visitim Amerika em i strongpela witnes bilong Kirap Bek bilong Em. Tingting long tokim ol pikinini bilong yu long dispela, yusim 3 Nifai 11; 17; dispela singsing “Easter Hosanna”; o las ves bilong “Book of Mormon Stories” (Children’s Songbook, 68–69, 118–19). Halivim ol pikinini bilong yu tingim em bin olsem wanem long pilim ol sua bilong Jisas (lukim 3 Nifai 11:14–15) o long wanpela ol pikinini Em i blesim (lukim 3 Nifai 17:21). Yumi painim ol dispela skripsa long lanim moa long Jisas Krais na Gospel bilong Em.
Long halivim ol pikinini bilong yupela painim wanem em Buk Momon i tisim long kirap bek, yu ken invaitim ol long gt you don’t know anything about it and ask them to explain it to you. Halivim ol lukluk long 2 Nifai 9:10–15; Alma 11:41–45; na Alma 40:21–23 long ol ansa long ol askim olsem dispela: Em i minim wanem long kirap bek gen? Husait bai kirap bek? Na tu invaitim ol long berim testimoni long kirap bek bilong Seivia olsem ansa bilong ol.
Jisas Krais i save long kamfotim mi.
Mosaia 3:7 na Alma 7:11 i toktok long sampela samting Seivia i bin bungim long Atonmen bilong Em. Yu bai ritim wanpela ol dispela ves i go long ol pikinini bilong yu na askim ol long harim ol toktok i tokim ol wanem hevi Jisas i karim long yumi. Bihain yu ken ritim Alma 7:12 long painim aut bilong wanem na Em i karim dispela hevi. Testifai olsem Jisas Krais i pilim olgeta pen na sik bilong yumi bai Em i ken kamfotim yumi.
Ol pikinini bilong yu i gat wanpela feveret singsing long Jisas Krais na Atonmen bilong Em? Yu ken singim wantaim—o lainim wanpela nupela. Toktok long ol wod o hap tok insait long ol singsing we i tisim yulong gutpela pasin na bel isi Seivia i givim long yumi.
Buk Momon i givim planti eksampel long ol lain pipol husat i senis bikos long Atonmen bilong Seivia. Ating ol pikinini bilong yu i ken susim wanpela long lainim, olsem Enos (lukim Enos 1:2–8), Alma the Younger (lukim Mosaia 27:8–24), o the Anti-Nephi-Lehies (lukim Alma 24:7–19). Olsem wanem na dispela man o grup i senis bikos long Atonmen bilong Jisas Krais? Olsem wanem bai yumi bihainim eksampel bilong ol?
Yu na ol pikinini ken skelim ol samting i klin na samting i doti na toktok long olsem wanem ol doti samting i save kamap klin. Ritim wantaim Alma 13:11–13. Wanem samting Jisas i mekim bai yumi ken kamap klin long ol sin bilong yumi? Olsem wanem na yumi pilim long sin? Olsem wanem em i mekim yumi pilim long Seivia?
Long moa aidia, lukim isu bilong dispela mun Friend megesin.
Stap woti long gaidens bilong Spirit. Spirit em i trupela tisa. Taim yu painim gaidens na stap woti, Em bai givim yu ol tingting na piling long olsem wanem yu bai mitim ol nids bilong ol pipol yu tisim.
